Post News Media ព័ត៌មានជាតិ ពិការជើងភ្លើង...

ពិការជើងភ្លើងឆេះផ្ទះរត់មិនរួច ឆេះរលាកពេញខ្លួន

ចែកចាយបន្ត

ត្បូងឃ្មុំ:​ ពិត​ជា​គួរឲ្យ​អាសូរ​ បុរស​ម្នាក់​ដែល​ជា​ជន​ពិការ​ជើង​ម្ខាង​ ត្រូវ​បាន​រងគ្រោះ​ដោយ​រលក​ភ្លើង​យ៉ាង​ធ្ងន់ធ្ងរ​ គ្រា​ដែល​ជន​រងគ្រោះ​កំពុង​ដេក​លង់​លក់​នៅ​លើ​ផ្ទះ​តែ​ម្នាក់​ឯង​ ហើយ​ត្រូវ​បាន​អគ្គីភ័យ​ឆាបឆេះ​ផ្ទះ​របស់​ខ្លួន​គ្មាន​សល់​ ដោយ​មិន​ដឹង​ពី​មូលហេតុ​ ដែល​ហេតុការណ៍​នេះ​បាន​កើត​មាន​ឡើង​ កាល​ពី​វេលាម៉ោង​៤ទៀបភ្លឺ​ ឈាន​ចូល​ព្រឹក​ថ្ងៃ​ទី​១៤​ តុលា​ ២០១៦​ ស្ថិត​ក្នុង​ភូមិ​ម្រាម​ទាឃ​ ឃុំ​ជីរោទ៍​ទី​២​ ស្រុក​-ខេត្ត​ត្បូងឃ្មុំ​។

សមត្ថកិច្ច​បាន​ឲ្យដឹងថា​ ជនរងគ្រោះ​មាន​ឈ្មោះ​គីន​ គឹម​រិទ្ធ​ ភេទប្រុស​ អាយុ​៣៩ឆ្នាំ​ រស់​នៅ​ក្នុង​ភូមិ​កើត​ហេតុ​ខាង​លើ​ ដោយ​នៅ​ពេល​កើត​ហេតុ​ ​ជនរងគ្រោះ​បាន​ដេក​តែ​ម្នាក់ឯង​ នៅ​លើ​ផ្ទះ​ឈើ​ ប្រក់​ស័ង្កសី​ ទំហំ​៣គុណ​៤ម៉ែត្រ​ ស្រាប់តែ​មាន​អគ្គីភ័យ​ឆាបឆេះ​ យ៉ាង​សន្ធោសន្ធៅ​ឡើង​ ដោយ​មិន​ដឹង​ពី​មូលហេតុ​ បង្ក​ឲ្យ​មាន​ការ​ភ្ញាក់ផ្អើល​កើតឡើង​ ហើយ​ក៏​ត្រូវ​បាន​អ្នក​ជិត​ខាង​ រួម​ជាមួយ​សាច់ញាតិ​ រត់​មក​ជួយ​ដង​ទីក​ជះ​ពន្លត់​ និងជួយ​បញ្ជូន​ជនរងគ្រោះ​ទៅ​កាន់​មន្ទីរពេទ្យ​ខេត្ត​កំពង់ចាម​ ដោយ​ជនរងគ្រោះ​រងរបួស​រលាក​ភ្លើង​​ធ្ងន់​ធ្ងរ​ នៅ​លើ​.ក​ មាន​ឈាម​ហូរ​ដោយ​ឈើ​ធ្លាក់​ត្រូវ​ផង​នោះ​ ក្រុម​គ្រូពេទ្យ​ក៏​បាន​ប្រញាប់ប្រញាល់​ បញ្ជូន​ជនរងគ្រោះ​ទៅ​កាន់​មន្ទីរពេទ្យ​នៅ​ឯ​រាជធានី​ភ្នំពេញ​ភ្លាម​ៗ​ផង​ដែរ​៕

photo_2016-10-14_15-46-29

photo_2016-10-14_15-46-31