Post News Media ព័ត៌មានទូទៅ ISIS ប្រហារជី...

ISIS ប្រហារជីវិតជនក្បត់ ៥៨ នាក់ កប់ក្នុងរណ្ដៅខ្មោចដ៏ធំ ចំពេលមានការបះបោរនៅទីក្រុង Mosul

ចែកចាយបន្ត

អ៊ីរ៉ាក់: តាមប្រភពនៅក្នុងទីក្រុង និងក្រុមមន្ត្រីសន្តិសុខអ៊ីរ៉ាក់ បានឲ្យដឹងថា សកម្មប្រយុទ្ធ ISIS នៅទីក្រុង Mosul ភាគខាងជើងប្រទេសអ៊ីរ៉ាក់ បានបង្ក្រាបការបះបោរ ដែលដឹកនាំជាក្រុមដោយមេបញ្ជាការម្នាក់របស់ខ្លួន។ នេះបើយោងតាមរយ: សារព័ត៌មានបរទេស ចេញផ្សាយនៅថ្ងៃទី១៥ ខែតុលា ឆ្នាំ២០១៦។

មនុស្ស ៥៨ នាក់ ត្រូវសង្ស័យថា បានចូលរួមក្នុងផែនការនេះ ហើយត្រូវបាន ISIS សម្លាប់ដោយពន្លិចក្នុងទឹក បន្ទាប់មកយកសពពួកគេទៅកប់ក្នុងផ្នូរខ្មោចដ៏ធំមួយ កាលពីសប្ដាហ៍មុន។

ការបង្ក្រាបផែនការនេះ វាត្រូវបានគេជឿថា ដើម្បីការពារការប៉ុនប៉ងរបស់រដ្ឋាភិបាលអ៊ីរ៉ាក់ ក្នុងការរំដោះទីក្រុងនេះ បន្ទាប់ពីត្រូវបានរឹបអូសដោយពួកភេរវករ កាលពីឆ្នាំ ២០១៤។

បើតាមក្រុមមន្ត្រីអ៊ីរ៉ាក់ បានអះអាងថា កងកម្លាំងអ៊ីរ៉ាក់កំពុងរៀបចំ ដើម្បីវាយប្រហារបន្ទាយ ISIS នៅពាក់កណ្តាលខែតុលានេះ៕

isis-executes-58-plotters-buries-in-mass-grave-amid-reports-on-rebellion-in-mosul