Post News Media ព័ត៌មានជាតិ បញ្ជូនខ្លួនជន...

បញ្ជូនខ្លួនជនសង្ស័យ១១នាក់ទៅតុលាការក្នុងសំណុំរឿង៣ករណីផ្សេងគ្នា

ចែកចាយបន្ត

ភ្នំពេញ: ជនសង្ស័យ១១នាក់ ត្រូវបានសមត្ថកិច្ចនគរបាលខណ្ឌសែនសុខកសាងសំណុំរឿង បញ្ជូនទៅកាន់សាលាដំបូងរាជធានីភ្នំពេញពាក់ព័ន្ធសំណុំរឿង៣ករណីផ្សេងគ្នា កាលពីម៉ោង៨និង៣០ព្រឹក ថ្ងៃទី១៥ តុលា ឆ្នាំ២០១៦នេះក្រោយពីឃាត់ខ្លួនយកមកសាកសួររួចមក។

សមត្ថកិច្ចបានប្រាប់ថា ជនសង្ស័យដែលបញ្ជូនទៅព្រឹកនេះមានចំនួន១១នាក់ ក្នុងសំណុំរឿង៣ករណី
ទី១ ពាក់ព័ន្ធលួចម៉ាញ៉េតូម៉ូតូ២នាក់ ទី២ ពាក់ព័ន្ធករណីឆក់កាបូបមាន២នាក់ និងទី៣ ពាក់ព័ន្ធប្រើប្រាស់គ្រឿងញៀនមាន០៧នាក់។

លោក ម៉ក់ ហុង អធិការខណ្ឌមានប្រសាសន៍ថា ដោយមានបទបញ្ជារពីលោកអគ្គស្នងការរង និងជាស្នងការរាជធានីភ្នំពេញ ហើយមានការសម្របសម្រួលពីលោកសេង ហៀង ព្រះរាជ អាជ្ញរងនៃអយ្យការអមសាលាដំបូងរាជធានីភ្នំពេញបានបញ្ជាឲ្យចុះសហការនិងបង្ក្រាបក្នុងមូលដ្ឋាន ទើបលោកដឹកនាំកំលាំងដោយសហការជាមួយកម្លាំង តាមបណ្តាលប៉ុស្តិ៍ទាំង៤ក្នុងមូលដ្ឋានឃាត់ខ្លួនក្រុមជនសង្ស័យខាងលើនេះតែម្តង។

គួររំលឹកថា ជនសង្ស័យទាំង១១នាក់ខាងលើនេះត្រូវបានឃាត់ខ្លួនជាបន្តបន្ទាប់ក្នុងសង្កាត់ទាំង៤ របស់ខណ្ឌសែនសុខក្រោយពីធ្វើការសាកសួរចប់ក៏បានបញ្ជូនខ្លួន ទៅកាន់សាលាដំបូងរាជធានីភ្នំពេញនាព្រឹកនេះ៕

photo_2016-10-15_10-47-26

photo_2016-10-15_10-47-27