Post News Media ព័ត៌មានជាតិ ឈើ​ជាច្រើនកំណ...

ឈើ​ជាច្រើនកំណាត់ ត្រូវឈ្មួញដឹកមកទម្លាក់ទុកនៅមាត់ច្រាំងទន្លេ ជាប់សិប្បកម្មអត់ច្បាប់មួយកន្លែង

ចែកចាយបន្ត

ស្ទឹងត្រែង: ឈើជាច្រើនកំណាត់ ដែលក្រុមឈ្មួញបានដឹកយកមកទម្លាក់ទុកនៅមាត់ច្រាំងទន្លេរមេគង្គ ជាប់សិប្បកម្មអត់ច្បាប់មួយក្នុងភូមិបាចុង ត្រូវបានមន្ត្រីជំនាញរដ្ឋបាលព្រៃឈើខេត្តធ្វើការបង្ក្រាប។

ការចុះបង្ក្រាបខាងលើនេះ បានធ្វើឡើងកាលពីវេលាព្រឹកថ្ងៃទី១៥ ខែតុលា ឆ្នាំ២០១៦ ត្រង់ចំណុចច្រាំងទន្លេមេគង្គ ជាប់សិប្បិកម្ម ដែលគេអះអាងថា អត់ច្បាប់មួយកន្លែង ជិតគល់ស្ពានមេគង្គថ្មី ស្ថិតក្នុងភូមិបាចុង សង្កាត់ព្រះបាទ ក្រុងស្ទឹងត្រែង ខេត្តស្ទឹងត្រែង។

មន្ត្រីជំនាញរដ្ឋបាលព្រៃបានឲ្យដឹថា ចំពោះការចុះបង្ក្រាបនេះ គឺទាល់តែកម្លាំងនាំគ្នាដើរចូលតាមសិប្បកម្មអត់ច្បាប់នោះ ទើបអាចរកឃើញឈើទាំងអស់នោះ ប៉ុន្តែបើគ្រាន់តែជិះទូកមើលពីទន្លេមកច្រាំងវិញនោះ គឺយើងមិនអាចមើលឃើញឈើនោះឡើយ។

ជំវិញករណីចុះបង្ក្រាបខាងលើនេះ មន្ត្រីជំនាញរដ្ឋបាលព្រៃឈើម្នាក់ឈ្មោះ ស វុទ្ធី ហៅ គ្រុយ បាននិយាយប្រាប់ Post news តាមទូរស័ព្ទថា ការចុះបង្ក្រាបនេះ គឺកម្លាំងបង្ក្រាបតែឈើ ដែលនៅក្នុងទឹកតែប៉ុណ្ណោះ ចំណែកឈើនៅលើគោកក្នុងសិប្បកម្មនោះ មិនបានបង្ក្រាបឡើយ ព្រោះវាគ្រាន់តែជាឈើកម្ទេចកម្ទីប៉ុណ្ណោះ។

សូមបញ្ជាក់ផងដែរថា សិប្បកម្មមួយកន្លែងដែលនៅចំណុចខាងលើនេះ ត្រូវបានគេស្គាល់ថា ជាកម្មសិទ្ធិរបស់ឈ្មោះ ម៉េក ហៅ (ចែ ម៉េក) ហើយសិប្បិកម្មនេះ គឺត្រូវបានអះអាងថា  ជាសិប្បកម្មគ្មានច្បាប់អនុញ្ញាតពីរដ្ឋបាលព្រៃឈើខេត្តឡើយ។ ទីតាំងសិប្បិកម្មនេះដែរ គឺជាអតីត ឡឥដ្ឋចាស់ ដែលគេទុកចោល ក្រោយមកត្រូវបានឈ្មួញយកមកធ្វើជាសិប្បិកម្មកែច្នៃឈើប្រណីត ធ្វើជាកៅអីដើម្បីបោះដុំឲ្យម៉ូយ។

ទាក់ទិននឹងករណីចុះបង្ក្រាបឈើខាងលើនេះ ត្រូវបានប្រជាពលរដ្ឋនៅក្បែរនោះធ្វើការរិះគន់ថា ហេតុអ្វីបានជាកម្លាំងជំនាញបង្ក្រាបតែឈើក្នុងទឹក ហើយមិនបង្ក្រាបឈើក្នុងសិប្បកម្មអត់ច្បាប់នោះផង ឬមួយបង្ក្រាបគ្រាន់តែធ្វើឲ្យល្អមើល?

ក្រោយពីការធ្វើបង្ក្រាប និងរឹបអូសឈើទាំងអស់នោះ មន្ត្រីជំនាញមិនបានបញ្ជាក់ថា ឈើទាំងនោះជាប្រភេទឈើអ្វីនោះទេ ហើយក៏មិនបានបញ្ជាក់ពីម្ចាស់ឈើជានរណាដែរ។ ចប់ការបង្ក្រាប កម្លាំអជំនាញបានប្រមូលឈើទាំងនោះយកមករក្សាទុកនៅខណ្ឌរដ្ឋបាលព្រៃឈើខេត្ត ដើម្បីរៀបចំឯកសារចាត់បន្ត។

គួររំឭកផងដែរថា សិប្បកម្មខាងលើនេះ គឺមានជាយូរឆ្នាំណាស់មកហើយ ហើយក៏ធ្លាប់ត្រូវបានកម្លាំងអាវុធហត្ថខេត្តចុះបង្ក្រាបម្តងរួចមកហើយដែរ កាលពីចុងឆ្នាំ២០១៣ ប៉ុន្តែកាលនោះលោកឧត្តមសេនីយ៍ត្រី អៀង វ៉ាន់ឌី មេបញ្ជាការដ្ឋានកងរាជអាវុធហត្ថខេត្តស្ទឹងត្រែងទើបតែឡើងមកកាន់តំណែងថ្មី៕

photo_2016-10-15_16-25-08

photo_2016-10-15_16-24-46

photo_2016-10-15_16-24-47

photo_2016-10-15_16-24-48

photo_2016-10-15_16-24-49

photo_2016-10-15_16-24-51

photo_2016-10-15_16-24-52

photo_2016-10-15_16-24-53

photo_2016-10-15_16-24-54

photo_2016-10-15_16-24-55

photo_2016-10-15_16-24-59

photo_2016-10-15_16-25-00

photo_2016-10-15_16-25-01

photo_2016-10-15_16-25-02

photo_2016-10-15_16-25-05

photo_2016-10-15_16-25-06