Post News Media ព័ត៌មានជាតិ សមត្ថកិច្ចឆ្ម...

សមត្ថកិច្ចឆ្មក់ចូលសណ្ឋាគារវិមានទិព្វបង្ក្រាបជនជួញដូរគ្រឿងញៀន

ចែកចាយបន្ត

ពោធិ៍សាត់: កម្លាំងនគរបាលនៃអធិការដ្ឋានក្រុងពោធិ៍សាត់ សហការជាមួយកម្លាំងប៉ុស្តិ៍ផ្ទះព្រៃរួមនឹងកម្លាំងកងរាជអាវុធហត្ថ ដឹងនាំដោយលោក​ ឡុង​ ជាប ព្រះរាជអជ្ញារងខេត្ត បានឆ្មក់ចូលសណ្ឋាគារមួយកន្លែងមានយីហោវិមានទិព្វ បង្ក្រាបបានជនជួញដូរគ្រឿងញៀនប្រុសស្រី២នាក់។ ប្រតិបត្តិការណ៍នេះ ធ្វើឡើងកាលពីវេលាម៉ោង១២និង៣៩នាទីថ្ងៃត្រង់ទី១៥ ខែតុលា ឆ្នាំ២០១៦ នៅចំណុចក្នុងសណ្ឋាគារវិមានទិព្វ បន្ទប់លេខ២០៥ ក្នុងភូមិពាលញែក១ សង្កាត់ផ្ទះព្រៃ ក្រុងពោធិ៍សាត់។

តាមការឲ្យដឹងពីសមត្ថកិច្ចនៃអធិការដ្ឋានក្រុងពោធិ៍សាត់មានឲ្យដឹងថា ក្នុងប្រតិបត្តិការណ៍នេះ កម្លាំងចម្រុះបានឃាត់ខ្លួនជនសង្ស័យ២នាក់ ទី១ឈ្មោះ​ ម៉ុល​ គឺមសេង​ ភេទប្រុស អាយុ២៩ឆ្នាំ​ ទីលំនៅមិនប្រាកដ ទី២​ឈ្មោះ​ សៅ​ ស្រីនិច​ ភេទស្រី អាយុ២០ឆ្នាំ​ នៅភូមិដង្គារ​ សង្កាត់​ផ្ទះព្រៃ ក្រុងពោធិ៍សាត់ ខេត្តពោធិ៍សាត់។ ក្រៅពីការឃាត់ខ្លួនជនសង្ស័យទាំងពីរនាក់នេះ សមត្ថកិច្ចដកហូតបានវត្ថុតាង​មួយចំនួនរួមមាន ម្សៅក្រាមព៌ណស​ ទំងន់១១,០៦​ ក្រាម​ ទូរសព្ទដៃ២គ្រឿង ថង់ច្រក១ចំនួន​ ដបសំរាប់ជក់១​ ដែកកេះ២​ និងសម្ភារះ១ចំនួនទៀត។

ជនសង្ស័យទាំង២នាក់ រួមនឹងវត្ថុតាង ត្រូវបានសមត្ថកិច្ចបញ្ជូនទៅអធិការដ្ឋាននគរបាលក្រុងពោធិ៍សាត់ ដើម្បីសាកសួរ និងកសាងសំណុំរឿងចាត់ការតាមផ្លូវច្បាប់៕

ឆ្មក់ចូលសណ្ឋាគារ