Post News Media ព័ត៌មានទូទៅ ភ្លៀងធ្លាក់យ៉...

ភ្លៀងធ្លាក់យ៉ាងខ្លាំងនៅវៀតណាម បណ្ដាលឲ្យលិចកប៉ាល់២គ្រឿង និងបាត់ខ្លួននាវិក ៦នាក់

ចែកចាយបន្ត

វៀតណាម: បើតាមអាជ្ញាធរ នៅថ្ងៃសៅរ៍នេះ បានឲ្យដឹងថា ភ្លៀងធ្លាក់យ៉ាងខ្លាំង នៅភាគកណ្ដាលខេត្ត Quang Binh ប្រទេសវៀតណាម បានបណ្តាលឲ្យនាវាដឹកទំនិញ ២គ្រឿងលិច ខណ:ដែលនាវិក ៦នាក់ កំពុងបាត់ខ្លួន។ នេះបើយោងតាមរយ: សារព័ត៌មានចិនស៊ិនហួ ចេញផ្សាយនៅថ្ងៃទី១៥ ខែតុលា ឆ្នាំ២០១៦។

ភ្នាក់ងារព័ត៌មានក្នុងស្រុក បានរាយការណ៍ថា ខ្យល់បក់ និងភ្លៀងធ្លាក់យ៉ាងខ្លាំង បានបណ្តាលឲ្យនាវា២ គ្រឿងលិច និងនាវិក ១៣នាក់ធ្លាក់ចូលក្នុងទឹក ខណ:ដែលនាវិក ៧នាក់ ត្រូវបានជួយសង្គ្រោះ និង៦នាក់ទៀតកំពុងបាត់ខ្លួន។

គួរបញ្ជាក់ដែរថា រយ:ពេលបីថ្ងៃហើយ ភ្លៀង និងខ្យល់នៅតែបន្តបោកបក់ខ្លាំង នៅតំបន់ភាគកណ្តាល ប្រទេសវៀតណាម ដែលបណ្តាលឲ្យមនុស្ស ៥នាក់ស្លាប់ ១២នាក់របួស និងផ្ទះចំនួន ៣០.០០០ខ្នង នៅខេត្ត Quang Binh និង Ha Tinh ត្រូវជន់លិចដោយសារជំនន់ទឹកភ្លៀងផងដែរ៕

ship veitnam