Post News Media ព័ត៌មានជាតិ ខេត្តកំពង់ចាម...

ខេត្តកំពង់ចាម រៀបចំប្រណាំងទូក(ង) ទូកខ្នាតអន្តរជាតិ បណ្តែតប្រទីប តាមបណ្តោយដងទន្លេមេគង្គ

ចែកចាយបន្ត

កំពង់ចាម: ដើម្បីបង្កភាពសប្បាយរីករាយ ជូនប្រជាពលរដ្ឋនាឱកាសបុណ្យចេញព្រះវស្សា គណ:កម្មាធិការរៀបចំបុណ្យជាតិអន្តរជាតិ ខេត្តកំពង់ចាម បានរៀបចំប្រណាំងទូក(ង) មកពីបណ្តាខេត្ត ស្រុក ភូមិ វត្តអារាមនានា ជ្រើសរើសទូកដែលមានល្បឿនលឿន យកទៅចូលរួមប្រកួតប្រជែង ក្នុងរាជពិធីបុណ្យអ៊ុំទូក អកអំបុក បណ្តែតប្រទីប សំពះព្រះខែ នៅរាជធានីភ្នំនាពេលខាងមុខនេះ ហើយនៅខេត្តកំពង់ចាម រៀបចំប្រណាំងទូក(ង) ទូកខ្នាតអន្តរជាតិ បណ្តែតប្រទីប នៅមជ្ឈមណ្ឌលក្រុងកំពង់ចាម ខេត្តកំពង់ចាម ដែលប្រព្រឹត្តទៅក្នុងរយ:ពេល ២ថ្ងៃ គឺចាប់ពីថ្ងៃទី១៥ ដល់ ថ្ងៃទី១៦ ខែតុលា ឆ្នាំ២០១៦ ។

ដើម្បីឲ្យពិធីនេះប្រព្រឹត្តទៅទទួលបានលទ្ធផលល្អប្រសើរ លោក លន់ លឹមថៃ អភិបាលខេត្តកំពង់ចាម និងដោយមានការអញ្ជើញចូលរួមពី តំណាងមន្ទីរ អង្គភាព ជុំវិញខេត្ត និងបណ្តាក្រុង ស្រុកពាក់ព័ន្ធ ក៏បានជួបជុំគ្នា ត្រួតពិនិត្យឡើងវិញកិច្ចការនេះ កាលពីរសៀលថ្ងៃទី១២ តុលា រួចមកហើយដើម្បីត្រៀមកម្លាំងការពាររួចជាស្រេច។

ឆ្លៀតឱកាសនោះដែរ យើងឃើញមានវត្តមាន លោក យឹម ឆៃលី និងជាក្រុមការងារចុះជួយខេត្តកំពង់ចាម លោក ហ៊ុន ណេង តំណាងរាស្រ្តមណ្ឌលខេត្តកំពង់ចាម អភិបាលខេត្តកំពង់ចាម លោក លឹម លន់ថៃ និងអភិបាលខេត្តត្បូងឃ្មុំ លោក ប្រាជ្ង ចន្ទ័ និងមន្ត្រីគ្រប់ជាប់ថ្នាក់ បានមកទស្សនាការប្រណាំងទូក(ង) ដែលបានប្រព្រឹត្តទៅនៅក្នុងទន្លេមេគង្គ ក្រុងកំពង់ចាម ខេត្តកំពង់ចាម ។ ដើម្បីទាក់ទាញភ្ញៀវទេសចរណ៍ជាតិ និងអន្តរជាតិ ជាពិសេស អ្នកវិនិយោគគិន មកវិនិយោគលើទឹកដីខេត្តកំពង់ចាម។ ម្យ៉ាងវិញទៀតរក្សានូវវប្បធម៌ប្រពៃណី កេរ្តិ៍តំណែល របស់ដូនតា ឲ្យបានថ្កុំថ្កើនរុងរឿងដរាប រៀងទៅ ។

សូមបញ្ជាក់ដែរថា តាមរយ: ទិដ្ឋភាព នៃការរៀបចំពិធីបុណ្យខាងលើនេះដែរ គណ:កម្មការរៀបចំការប្រណាំងទូក(ង) គ្រោងរៀបចំឲ្យមានទូកខ្នាតអន្តរជាតិ និងខ្នាតវែង ប្រមាណជាង ២០ទូក ។ ក្រៅពីនោះ នៅពេលយប់មានរៀបចំជាប្រទីប របស់រដ្ឋបាលសាលាខេត្តចំនួន១០គ្រឿងផងដែរ ។

ដោយឡែក ទន្ទឹមជាមួយនឹងកម្មវីធីទាំងពីរខាងលើ អជ្ញាធរខេត្ត នឹងរៀបចំជាពិពណ៌ពាណិជ្ជកម្មកម្ពុជា-ថៃ ដើម្បីតាំងបង្ហាញផលិតផលក្នុងនិងក្រៅស្រុក ទៅដល់ភ្ញៀវទស្សនាកំសាន្តសប្បាយៗ ផងដែរ ។

យោងតាមប្រសាសន៍ របស់ លោក លន់ លឹមថៃ អភិបាលខេត្តកំពង់ចាម បានសង្កត់ធ្ងន់ថា កន្លងមក ក៏មានបាតុភាពមិនប្រក្រតី មួយចំនួន ទៅលើអនាម័យ បរិស្ថាន ពិសេសកន្លែងផ្ញើកង់ម៉ូតូឡានមានតម្លៃខ្ពស់ ខុសប្លែកពីធម្មតា ។ ដូច្នេះចំបាច់ ត្រូវកំណត់តម្លៃស្តង់ដារឲ្យបានសមរម្យ និងរក្សាបាននូវ សណ្តាប់សន្តិសុខសុវត្ថិភាពជូនថ្នាក់ដឹកនាំ ប្រជាពលរដ្ឋ ក្រោយទទួលបានបំណែងចែកភារកិច្ចខាងលើនេះ សូមលោកអភិបាលក្រុង លោក លោស្រីថ្នាក់ដឹកនាំប្រធានមន្ទីរអង្គភាពជុំវិញខេត្ត ត្រូវចាត់តាំងអនុវត្តឲ្យមានប្រសិទ្ធិភាពខ្ពស់ជូនប្រជាជនមកដើរកំសាន្តផងដែរ៕

ប្រណាំងទូក

ប្រណាំងទូក

ប្រណាំងទូក

ប្រណាំងទូក

ប្រណាំងទូក

ប្រណាំងទូក