Post News Media ព័ត៌មានជាតិ គ្រឿងញៀនជិត១៥...

គ្រឿងញៀនជិត១៥ម៉ឺនគ្រាប់រួមនឹងមេក្លោងម្នាក់ ត្រូវសមត្ថកិច្ចបង្ក្រាបបាន

ចែកចាយបន្ត

ព្រះវិហារ: គ្រឿងញៀនជិត១៥ម៉ឺនគ្រាប់ រួមជាមួយមេក្លោងគ្រឿងញៀនឆ្លងដែនដ៏សកម្មភាពម្នាក់ត្រូវបានកម្លាំងការិយាល័យកណ្តាលប្រឆាំងបទល្មើស សហការជាមួយការិយាល័យចរាចរណ៍ផ្លូវគោក និងការិយាល័យអាវុធជាតិផ្ទុះ ធ្វើការឃាត់ខ្លួនបាន។

ការបង្ក្រាបនេះដែរបានធ្វើឡើងកាលពីវេលាម៉ោង៨ និង៣៥នាទី យប់ថ្ងៃទី១៥ ខែតុលា ឆ្នាំ២០១៦ នៅចំណុចគោលដៅត្រួតពិនិត្យអាវុធជាតិផ្ទុះ ភូមិមហាផល ឃុំឈានមុខ ស្រុកត្បែងមានជ័យ ខេត្តព្រះវិហារ។

សមត្ថកិច្ចបានឲ្យដឹងថា ជនសង្ស័យដែលចាប់ខ្លួនបានខាងលើនេះ មានឈ្មោះ គង់ វិច ភេទប្រុស មុខរបរមិនពិតប្រាកដ អាយុ៣២ឆ្នាំ ស្នាក់នៅភូមិត្រពាំងព្រលឹត ឃុំសន្ដិភាព ស្រុកសំពៅលូន ខេត្តបាត់ដំបង។

ក្រោយឃាត់ខ្លួន សមត្ថកិច្ចធ្វើការរឹបអូសវត្ថុតាងមានដូចជា ថ្នាំញៀនប្រភេទមេតំហ្វេតាមីន ពណ៌ផ្កាឈូក ចំនួន២៤ដុំធំ ស្មើនឹង ១៤៤,០០០ គ្រាប់ និងរថយន្តកាម៉ារីឆ្លាមមួយគ្រឿង ផងដែរ ។

បច្ចុប្បន្នជនសង្ស័យ រួមនឹងគ្រឿងញៀនជាច្រើនម៉ឺនគ្រាប់ ត្រូវបានសមត្ថកិច្ចធ្វើការឃាត់ខ្លួន និងកសាងសំណុំរឿងបញ្ជូនខ្លួនទៅតុលាការ ដើម្បីកាត់ទោសសតាមផ្លូវច្បាប់៕

គ្រឿងញៀន

គ្រឿងញៀន

គ្រឿងញៀន

គ្រឿងញៀន

គ្រឿងញៀន

គ្រឿងញៀន

គ្រឿងញៀន