Post News Media ព័ត៌មានជាតិ អាជ្ញាធរ​ខេត្...

អាជ្ញាធរ​ខេត្ត​កំពង់ចាម​អបអរសាទរពិធីបុណ្យចេញព្រះវស្សា​ដោយ​មាន​ការ​ប្រណាំង​ទូក​.ង​ បណ្តែត​ប្រទីប​ បាញ់​កាំជ្រួច​ និង​ការ​តាំងពិព័ណ៌​​

ចែកចាយបន្ត

កំពង់ចាម: ដើម្បីអបអរសាទរពិធីបុណ្យចេញព្រះវស្សា អាជ្ញាធរខេត្តកំពង់ចាម បានបង្កើតកម្មវិធីសម្រាប់ភ្ញៀវទេសចរណ៍ ក៏ដូចជាប្រជាពលរដ្ឋ ទស្សនាកម្សាន្ត ដោយមានការប្រណាំងទូក.ង បណ្តែតប្រទីប បាញ់កាំជ្រួច និងការតាំងពីព័ណ៌ផងដែរ កាលពីថ្ងៃទី១៥-១៦ តុលា ២០១៦ នៅដងទន្លេមេគង្គ ស្ថិតក្នុងក្រុងកំពង់ចាម។

គណអធិបតីចូលរួមក្នុងកម្មវិធីរួមមាន លោក យឹម ឆៃលី ប្រធានក្រុមប្រឹក្សាស្តារអភិវឌ្ឍវិស័យកសិកម្មនិងជនបទ និងជាប្រធានក្រុមកាងារថ្នាក់ជាតិចុះជួយខេត្តកំពង់ចាម លោក ហ៊ុន ណេង សមាជិកគណ:កម្មការអចិន្ដ្រៃយ៍រដ្ឋសភា និងជាតំណាងរាស្ត្រមណ្ឌលកំពង់ចាម លោក លឹមថៃ អភិបាលនៃគណ:អភិបាលខេត្តកំពង់ចាម និងមានការចូលរួមពីសំណាក់ឯកឧត្តម លោកជំទាវ លោកឧកញ៉ា លោក លោកស្រី ប្រជាពលរដ្ឋជាច្រើនកុះករផងដែរ។

ការប្រណាំទូក.ង និងទូកខ្នាតអន្តរជាតិ មានចំនួន១៣គូ គឺទូកចំណុះ៧០-៧៨នាក់មានចំនួន១២ទូក ទូកចំណុះ២២នាក់មានចំនួន១៥ទូក ជ័យលាភីសម្រាប់ទូកចំណុះលើស៧០នាក់ ចំណាត់ថ្នាក់លេខ ១ បានទៅលើទូកឈ្មោះចៅពេជ្រកុមារបុប្ផាជ្រោងថ្ម របស់វត្តសុទស្សនារាមជ្រោយថ្ម សង្កាត់បឹងកុក ក្រុងកំពង់ចាម លេខ២ទូកឈ្មោះមហាគ្រុឌ របស់វត្តនាគវ័ន្ត ឃុំរការខ្នុរ ស្រុកក្រូចឆ្មារ ខេត្តត្បូងឃ្មុំ និងចំណាត់ថ្នាក់លេខ៣ទូកឈ្មោះស្រីស្រស់គៀនជ្រៃបារមីតេជោ របស់វត្តសេត្ថហដ្ឋិនារាម ឃុំគៀនជ្រៃ ស្រុកកំពង់សៀម ខេត្តកំពង់ចាម។

ចំណែកជ័យលាភីសម្រាប់ទូកចំណុះ២២នាក់ ចំណាត់ថ្នាក់លេខ១បានទៅលើទូកឈ្មោះសាវឿនសែនជ័យបារមីកំពង់ចាម របស់ទីបញ្ជាការកងរាជអាវុធហត្ថខេត្តកំពង់ចាម លេខ២បានទៅលើទូកឈ្មោះជ័យគីរី របស់វត្តភ្នំហាន់ជ័យ ស្រុកកំពង់សៀម ខេត្តកំពង់ចាម និងចំណាត់ថ្នាក់លេខ៣បានទៅលើទូកអង្គររង្សីបារមីមានរិទ្ធ របស់វត្តសុវណ្ណរង្សី ឃុំអង្គរបាន ស្រុកកងមាស ខេត្តកំពង់ចាម។

ក្នុងនោះរង្វាន់ចំណាត់ថ្នាក់លេខ១ មានថវិកាចំនួន១លាន២សែនរៀល អង្ករ២០០គីឡូក្រាម និងភេសជ្ជ:មួយចំនួនទៀត លេខ២ មានថវិកាចំនួន១លានរៀល អង្ករ២០០គីឡូក្រាម និងភេសជ្ជ:មួយចំនួនទៀត និងចំណាត់ថ្នាក់លេខ៣ មានថវិកាចំនួន៩សែនរៀល អង្ករ២០០គីឡូក្រាម និងភេសជ្ជ:មួយចំនួនផងដែរ។ លោកឧត្ដមសេនីយ៍ទោ បែន រ័ត្ន ស្នងការនគរបាលខេត្តកំពង់ចាមបានឲ្យដឹងថា ដើម្បីធានាបាននូវសុវត្តិភាពសន្តិសុខ និងសណ្តាប់ធ្នាប់ ដែលគណបញ្ជាការឯកភាពខេត្តបានដាក់ចុះ កងកម្លាំងនគរបាល ចំនួន២២៣នាក់ បានបំពេញភារកិច្ចយ៉ាងហ្មត់ចត់ ដើម្បីដំណើរការក្នុងកម្មវិធី ប្រព្រឹត្តទៅដោយជោគជ័យ ដូចក្នុងឱកាសបុណ្យទន្លេកាលពីខែមិនាកន្លងទៅ ។

បេសកកម្មនេះលោកឩត្តមសេនីយ៍ទោស្នងការ ស្នងការរង និងសហការី បានចុះដឹកនាំផ្ទាល់ និងបែងចែកភារកិច្ច បែងចែកភូមិសាស្រ្ត ដល់កិច្ចប្រតិបត្តិការ ទាំងការពារបទល្មើស សណ្តាប់ធ្នាប់ ចរាចរផ្លូវគោក ផ្លូវទឹក បាញ់កាំជ្រួច និងកម្លាំង៣០នាក់បន្ថែមទៀត សម្រាប់អន្តរាគមន៍ពេលមានសភាពការកើតឡើងជាយថាហេតុផងដែរ៕

%e1%9e%a2%e1%9f%86%e1%9e%91%e1%9e%bc%e1%9e%80-5

%e1%9e%a2%e1%9f%86%e1%9e%91%e1%9e%bc%e1%9e%80-6

%e1%9e%a2%e1%9f%86%e1%9e%91%e1%9e%bc%e1%9e%80-7

%e1%9e%a2%e1%9f%86%e1%9e%91%e1%9e%bc%e1%9e%80-8

%e1%9e%a2%e1%9f%86%e1%9e%91%e1%9e%bc%e1%9e%80-9

%e1%9e%a2%e1%9f%86%e1%9e%91%e1%9e%bc%e1%9e%80-10

%e1%9e%a2%e1%9f%86%e1%9e%91%e1%9e%bc%e1%9e%80-11

%e1%9e%a2%e1%9f%86%e1%9e%91%e1%9e%bc%e1%9e%80-12

%e1%9e%a2%e1%9f%86%e1%9e%91%e1%9e%bc%e1%9e%80-1

%e1%9e%a2%e1%9f%86%e1%9e%91%e1%9e%bc%e1%9e%80-2

%e1%9e%a2%e1%9f%86%e1%9e%91%e1%9e%bc%e1%9e%80-3

%e1%9e%a2%e1%9f%86%e1%9e%91%e1%9e%bc%e1%9e%80-4

%e1%9e%a2%e1%9f%86%e1%9e%91%e1%9e%bc%e1%9e%80-13

%e1%9e%a2%e1%9f%86%e1%9e%91%e1%9e%bc%e1%9e%80-14