Post News Media ព័ត៌មានជាតិ ដឹក​សាំង​២​ប៊...

ដឹក​សាំង​២​ប៊ីដុង​មក​ផ្ទះ​បម្រុង​ដុត​ខ្លួនឯង​ទាំង​រស់

ចែកចាយបន្ត

រតនគិរី: បុរស​ម្នាក់​បើក​​ម៉ូតូ​ដឹក​សាំង​២​ប៊ីដុង ​មក​ដល់​​បើក​គម្រប​ចាក់​សាំង​ នៅ​មុខ​ផ្ទះ រួច​យក​ដែកកេះ​បម្រុង​កេះ​ដុត​ខ្លួនឯង​ទាំង​រស់ កាលពី​វេលា​ម៉ោង​៧ និង​១៥​នាទី​យប់ កាលថ្ងៃ​ទី​១៥ ខែតុលា ឆ្នាំ​២០១៦ បង្ក​រឲ្យ​មានការ​ភ្ញាក់ផ្អើល​ដល់អ្នកជិតខាង ​នាំ​គ្នា​ជួយ​ចាប់​សង្កត់​ឲ្យ​ដេក​លើ​ភក់​ នៅ​ចម្ងាយ​ប្រមាណ​ម៉ែត្រពីរ​ខាងលិច​ផ្សារ​បាន​លុង ស្ថិត​ក្នុងភូមិ​៧​មក​រា សង្កាត់​ឡា​បាន​សៀ​ក ក្រុង​បាន​លុង ខេត្តរតនគីរី។

លោក ចក់ សុ​ខន ប្រធាន​អង្គការ​ការពារ​បរិស្ថាន និង​សិទ្ធិ​មនុស្ស​ប្រចាំ​ខេត្តរតនគិរី បាន​ឲ្យ​ដឹង​ថា ជន​បង្ក​រមានឈ្មោះ ប៊ិ​ន សិលា ភេទ​ប្រុស អាយុ​៣៣​ឆ្នាំ មាន​ប្រពន្ធ​ឈ្មោះ ម៉ា យ៉ា​ន អាយុ​២៥​ឆ្នាំ ត្រូវជា​កូនបង្កើត​របស់​គាត់។ លោកបាន​បន្ត​ទៀត​ថា កូនប្រុស​របស់​គាត់​មិន​គិត​រកស៊ី​អ្វី​ទេ គិតតែ​ដើរ​លេង​អាវ៉ាសែ​ជាមួយ​ក្រុម​ក្មេង​ៗ​ស្ទាវ ព្រមទាំង​នាំ​គ្នា​សេព​គ្រឿងញៀន​រហូត​វង្វេងស្មារតី​លែង​ដឹង​អ្វី​ទាំងអស់ មុន​ពេល​កើតហេតុ គាត់​ជា​ឪពុក​មិន​បាន​នៅផ្ទះ​ទេ កុំ​តែ​បានកូន​ស្រី​ទូរសព្ទ​ទៅ​ប្រាប់​ឲ្យ​មក​ជួយ​ឃាត់​កុំ​អី​ប្រហែលជា​ភ្លើង​ឆេះ​ផ្ទះ​អស់ហើយ​មើលទៅ ។

ប្រភព​ពី​ប្អូនស្រី​ជន​បង្ក​ដែល​បានឃើញ​ហេតុការណ៍​ផ្ទាល់​ភ្នែក​បាន​ឲ្យ​ដឹង​ថា មុន​ពេល​កើតហេតុ​បងប្រុស​របស់​នាង​ឈ្មោះ ប៉ិច សិលា បាន​ដឹក​សាំង​២​ប៊ីដុង មក​ដល់​មុខ​ផ្ទះ​ស្រាប់តែ​បើក​គម្រប​ចាក់​សាំង​ចោល​ពេញ​មុខ​ផ្ទះ រួច​យក​ដែកកេះ​ចេញពី​ហោប៉ៅ​បម្រុង​កេះ​ដុត​ខ្លួន​ទាំង​រស់ ប៉ុន្តែ​ត្រូវ​បាន​អ្នក​ជិតខាង​ជា​ច្រើន​នាក់​ឃើញ​ទាន់​ក៏​នាំ​គ្នា​ចាប់​សង្កត់​ឲ្យ​ដេក​ក្នុង​ភក់​អស់​រយ:ពេល​ប្រមាណ​១​ម៉ោង​ទើប​សមត្ថកិច្ច​ប៉េ​អឹ​ម​ក្រុង​បាន​លុង​មក​នាំ​ខ្លួន​ទៅ​បន្ទាយ ។

ប្រភព​ពី​អ្នក​ជិតខាង​បាន​ឲ្យ​ដឹង​ថា បើ​ទុក​នៅផ្ទះ​មិន​យក​ទៅ​មណ្ឌល​កែប្រែ​ទេ​នោះ ពិតជា​គ្រោះថ្នាក់​ខ្លាំង​ណាស់ ហើយ​ការ​ធ្វើ​បែប​នេះ​មិនមែន​ជា​លើក​ទី​១​ទេ គឺ​លើក​ទី​២​ហើយ ។

ប្រភព​ពី​មន្ត្រី​អាវុធហត្ថ​ក្រុង​បាន​លុង​បាន​ឲ្យ​ដឹង​ថា ចំពោះ​រឿង​នេះ​សមត្ថកិច្ច​រក្សា​ជន​បង្ក​នៅ​កន្លែង​សិន ហើយ​បាន​ធ្វើ​របាយការណ៍​ជូន​ថ្នាក់លើ និង​សុំ​យោបល់​ទៅ​តុលាការ​សិន​ទើប​ហ៊ាន​សម្រេច​ឃុំខ្លួន​ជន​បង្ក​នៅ​ក្នុង​ទីបញ្ជាការ​ប៉េ​អឹ​ម​ក្រុង ៕

photo_2016-10-16_15-39-15

photo_2016-10-16_15-39-18

photo_2016-10-16_15-39-21

photo_2016-10-16_15-39-26