Post News Media ព័ត៌មានជាតិ បាក់ផ្ទាំងថ្ម...

បាក់ផ្ទាំងថ្មភ្នំធំសង្កត់មនុស្សបីនាក់ស្លាប់និងគ្រឿងចក្រពីរគ្រឿងរងការខូចខាត

ចែកចាយបន្ត

បន្ទាយមានជ័យ: យ៉ាងហោចណាស់មនុស្សបីនាក់ ត្រូវបានស្លាប់និងគ្រឿងចក្រពីរគ្រឿង ត្រូវបានកប់នៅក្រោមគំនរថ្មខណ:មានឧបទ្ទវហេតុបាក់ថ្មភ្នំ ក្នុងការដ្ឋានកិនថ្មមួយកន្លែងស្ថិតក្នុងភូមិភ្នំធំ ឃុំអូរប្រាសាទស្រុកមង្គលបូរីខេត្តបន្ទាយមានជ័យកាលពីវេលាម៉ោងប្រមាណ១និង២០នាទីរសៀលថ្ងៃទី១៦ខែតុលាឆ្នាំ២០១៦។

យោងតាមសម្តីសាក្សីនៅកន្លែងកើតហេតុ បាននិយាយប្រាប់អង្គភាព post news ថា នៅមុនពេលកើតហេតុគឺ ជនរងគ្រោះទាំងបីនាក់បាននិងកំពុងបញ្ជាគ្រឿងចក្រកាយថ្មនៅជើងភ្នំស្រាប់តែផ្ទាំងថ្មនៃផ្នែកខាងលើកំពូលភ្នំបានបាក់រអិលធ្លាក់មកខាងក្រោមសង្កត់គ្របលើមនុស្សនិងគ្រឿងចក្រ។ ភ្លាមៗនោះគ្រឿងចក្រក៏ចាប់កាយគំនរដុំថ្មទាំងនោះ ចេញដើម្បីធ្វើការសង្គ្រោះមនុស្សដែលស្ថិតនៅក្រោមគំនរថ្ម តែពេលដែលយកមនុស្សគឺពួកគេបានស្លាប់បាត់បង់ជីវិត ចំនួនពីរនាក់ទៅហើយនឹងម្នាក់ទៀតស្លាប់បន្ទាប់ពីបញ្ជូនដល់មន្ទីរពេទ្យ។

លោក លឹម សេង ប្រធានក្រុមហ៊ុនកាយថ្មភ្នំធំ បានឲ្យដឹងថាជនរងគ្រោះ ទី១ ឈ្មោះ ហែម គឹមឡេង ភេទប្រុសអាយុ៤៩ឆ្នាំ ជាកម្មករផ្នែកខួង ទី២ ឈ្មោះ លឹម គឹមឡុងភេទប្រុស អាយុ ២៥ឆ្នាំជាអ្នកបើកបរអេស្កា និងទី៣- ថន រដ្ឋា ភេទប្រុសអាយុ៣៧ឆ្នាំជាអ្នកបើកបរអេស្កា។

លោកបន្តថាផ្ទាំងថ្មដែលបាក់ចុះរហូតបង្ករឲ្យមានការស្លាប់កម្មករបីនាក់នេះគឺជាកន្លែងដែលក្រសួងជំនាញរក្សាទុកធ្វើជាព្រំនៃភ្នំមិនឲ្យក្រុមហ៊ុនលោកកាយផ្តាច់ទេ។
ជាមួយនោះដែរលោកក៏បានបញ្ជាក់ថាវាសំណាងដែរដែលថ្ងៃនេះមិនមានរថយន្តច្រើនមកតំរៀបគ្នាចាំដឹកថ្មដូចសព្វដងកុំអីសោកនាដកម្មនឹងមានច្រើនជាងនេះ៕

photo_2016-10-16_15-52-18

photo_2016-10-16_15-52-21

photo_2016-10-16_15-52-26

photo_2016-10-16_15-52-30

photo_2016-10-16_15-52-34

photo_2016-10-16_15-52-38

photo_2016-10-16_15-52-43

photo_2016-10-16_15-52-47

photo_2016-10-16_15-52-50