Post News Media ព័ត៌មានជាតិ បើកម៉ូតូគេចពី...

បើកម៉ូតូគេចពីគេដេញវាយ ជ្រុលទៅបុកដើមឈើដួលពេញទំហឹងរបួសធ្ងន់២នាក់

ចែកចាយបន្ត

ភ្នំពេញ: យុវជន២នាក់រងរបួសធ្ងន់ បន្ទាប់ពីពួកគេបានជិះម៉ូតូ ទៅប៉ះដៃចង្កូតនិងដើមអំពិលហើយដួលបោកនឹងបង្គោលភ្លើង ខណ:ដែលកំពុងបើកគេចពីក្រុមក្មេងម្ខាងទៀតមានគ្នា២នាក់ដូចគ្នាដេញតាមកាប់។ ហេតុការណ៍នេះបានបង្កឲ្យមានការភ្ញាក់ផ្អើល កាលពីវេលាម៉ោង៣ទាបភ្លឺ ថ្ងៃទី១៧ ខែតុលា ឆ្នាំ២០១៦ តាមបណ្តោយផ្លូវព្រះស៊ីសុវត្ថិ ទល់មុខសាលាឧទ្ធរ ស្ថិតក្នុងសង្កាត់ជ័យជំនះ ខណ្ឌដូនពេញ រាជធានីភ្នំពេញ។

តាមសាក្សីដែលបានឃើញហេតុការណ៍ បានឲ្យដឹងថា មុនពេលកើតហេតុ គេឃើញយុវជន២ក្រុមមានគ្នា៤នាក់ ជិះម៉ូតូ២គ្រឿង រួមមានម៉ាកហុងដាសេ១២៥ ស៊េរីឆ្នាំ២០១០ ឡើងតែមឆ្នាំ២០១៣ ពណ៌ខ្មៅ ពាក់ស្លាកលេខ ភ្នំពេញ 1AU-0323 និងមួយគ្រឿងទៀតម៉ាកស៊ុយហ្សុយគីស្មាស់ មិនចាំស្លាកលេខ បានជិះដេញកាប់គ្នាតាមបណ្តោយផ្លវព្រះស៊ីសុវត្ថិ ក្នុងទិសដៅពីជើងទៅត្បូង ។ លុះបានមកដល់ចំណុចកើតហេតុ ស្រាប់តែយុវជន២នាក់ ដែលជិះម៉ូតូហុងដាសេ១២៥ បានបើកទៅប៉ះដៃចង្កូតនឹងដើមអំពិលទឹក បណ្តាលឲ្យដួលបោកទាំង២នាក់ របួសធ្ងន់ អ្នកបើកម៉ូតូរបួសបាក់ភ្លៅខាងឆ្វេង និងអ្នកជិះពីក្រោយសន្លប់ ចំណែកមួយក្រុមទៀតដែលជិះដេញពីក្រោយបានគេចខ្លួនបាត់ស្រមោល ។

តែបើតាមជនរងគ្រោះវិញបានឲ្យដឹងថា មុនពេលកើតហេតុរូបគេទាំង២នាក់ទើបចេញមកពីក្លឹបកំសាន្ត ហើយជិះម៉ូតូឌុបគ្នាបំណងទៅផ្ទះ ។ ពេលជិះមកដល់មុខព្រះបរមរាជវាំង ក៏មានម៉ូតូមួយគ្រឿងទៀតជិះតាមពីក្រោយប្រដាប់ដោយដាវសាំម៉ូរ៉ៃហៅឲ្យរូបគេឈប់ ។ គ្រាន់តែឃើញគេមានដាវយុវជនរងគ្រោះបានបន្ថែមល្បឿនបំណងជិះគេច តែដោយសារពួកគេស្លន់ ទើបជិះម៉ូតូទៅប៉ះដើមអំពិលបណ្តាលឲ្យដួលរបួសធ្ងន់ទាំង២នាក់តែម្តង។

ក្រោយពេលកើតហេតុជនរងគ្រោះត្រូវបានរថយន្តសង្គ្រោះដឹកយកទៅព្យាបាលនៅគ្លីនិកឯកជន ចំណែកម៉ូតូត្រូវបានសមត្ថកិច្ចប្រគល់ឲ្យទៅក្រុមគ្រួសារជនរងគ្រោះវិញភ្លាមដែរ៕

គ្រោះថ្នាក់ចរាចរណ៍

គ្រោះថ្នាក់ចរាចរណ៍

គ្រោះថ្នាក់ចរាចរណ៍

គ្រោះថ្នាក់ចរាចរណ៍

គ្រោះថ្នាក់ចរាចរណ៍

គ្រោះថ្នាក់ចរាចរណ៍

គ្រោះថ្នាក់ចរាចរណ៍

គ្រោះថ្នាក់ចរាចរណ៍គ្រោះថ្នាក់ចរាចរណ៍

គ្រោះថ្នាក់ចរាចរណ៍

គ្រោះថ្នាក់ចរាចរណ៍

គ្រោះថ្នាក់ចរាចរណ៍

គ្រោះថ្នាក់ចរាចរណ៍

គ្រោះថ្នាក់ចរាចរណ៍

គ្រោះថ្នាក់ចរាចរណ៍

គ្រោះថ្នាក់ចរាចរណ៍