Post News Media ព័ត៌មានជាតិ សពសាស្ត្រាចារ...

សពសាស្ត្រាចារ្យព័ត៌មាន សេក បរិសុទ្ធ បូជានៅថ្ងៃពុធនេះ

ចែកចាយបន្ត

ភ្នំពេញ: អ្នកសារព័ត៌មានជើងចាស់ និងជាសាស្ត្រាចារ្យព័ត៌មាន លោក សេក បរិសុទ្ធ បានលាចាកលោកទៅយ៉ាងអាណោចអាធ័ម ធ្វើឲ្យក្រុមគ្រួសារ សិស្សនិស្សិត និងមិត្តភ័ក្តរួមការងារ មានក្ដីអាឡោះអាល័យពន់ពេក។ សពរបស់លោក នឹងត្រូវធ្វើពិធីបូជាតាមព្រះពុទ្ធសាសនា នាវេលាម៉ោង១១ព្រឹក ថ្ងៃទី១៩ ខែតុលាខាងមុខនេះ ខណ:ដែលពិធីបុណ្យ៧ថ្ងៃ នឹងត្រូវប្រព្រឹត្តិធ្វើឡើងនៅថ្ងៃសៅរ៍ ទី២២ ខែតុលា ឆ្នាំ២០១៦។

នៅព្រឹកថ្ងៃទី១៧ ខែតុលានេះ សាកសពរបស់លោក សេក បរិសុទ្ធ ត្រូវបានដឹកពីខេត្តក្រចេះ មកតម្កល់នៅវត្តទួលទំពូង ស្ថិតនៅតាមបណ្ដោយមហាវិថីម៉ៅសេទុង ក្នុងខណ្ឌចំការមន រាជធានីភ្នំពេញ ដើម្បីរៀបចំធ្វើបុណ្យតាមប្រពៃណី ដោយមានការចូលរួមរំលែកទុក្ខពីមិត្តភ័ក្តរួមអាជីព សមាជិករដ្ឋាភិបាល និងសាច់សារលោហិតយ៉ាងច្រើនកុះករ។ អ្នកចូលរួមក្នុងពិធីបុណ្យសពរបស់លោក បានសម្ដែងក្ដីអាឡោះអាល័យ និងសោកស្ដាយយ៉ាងខ្លាំងចំពោះការបាត់បង់នូវធនធានដ៏ល្អរបស់កម្ពុជារូបនេះ។

ភរិយាសព លោកស្រី កើត សុគន្ធ ប្រាប់ Post News ឲ្យដឹងថា សពស្វាមីរបស់លោកស្រី នឹងត្រូវបូជាតាមព្រះពុទ្ធសាសនា នៅវេលាម៉ោង១១ព្រឹក ថ្ងៃពុធ ទី១៩ ខែតុលា ឆ្នាំ២០១៦ខាងមុខនេះហើយ ដោយក្រុមគ្រួសារសម្រេចតម្កល់សពរយ:ពេល៣ថ្ងៃ ដើម្បីឲ្យញាតិមិត្តជិតឆ្ងាយមកគោរពវិញ្ញាណក្ខន្ដ។ ដោយឡែក ពិធីបុណ្យ៧ថ្ងៃរបស់ស្វាមីលោកស្រី ក៏នឹងត្រូវប្រារព្ធធ្វើឡើងនៅចំថ្ងៃសៅរ៍ ទី២២ ខែតុលាផងដែរ។

គួរជម្រាបថា លោក សេក បរិសុទ្ធ អ្នកសារព័ត៌មានជើងចាស់ដ៏មានបទពិសោធន៍ និងជាសាស្ត្រាចារ្យព័ត៌មានមួយរូប នៅសាលកវិទ្យាល័យភូមិន្ទភ្នំពេញ។ ជាមួយគ្នា លោកក៏ជាមន្ត្រីរបស់អង្គការ AEA ផងដែរ។

លោក សេក បរិសុទ្ធ បានទទួលមរណភាព កាលពីវេលាម៉ោងជាង៣រសៀល ថ្ងៃទី១៦ ខែតុលា ឆ្នាំ២០១៦ នៅក្នុងហេតុការណ៍គ្រោះថ្នាក់ចរាចរណ៍ក្រឡាប់រថយន្ត(ជិះគេចក្មេងរត់ឆ្លងផ្លូវ) ត្រង់ចំណុចអូរកណ្តៀរភូមិអូរព្រះ ឃុំអូរគ្រៀង ស្រុកសំបូរ ខេត្តក្រចេះ តាមបណ្ដោយផ្លូវជាតិលេខ៧ ខណ:ធ្វើដំណើរទៅបំពេញការងារនៅខេត្តរតនគិរី ជាមួយសមាជិករបស់លោកពីរនាក់ទៀត៕

sek-borisoth_001

sek-borisoth_002

sek-borisoth_004

sek-borisoth_005

sek-borisoth_006

sek-borisoth_007

sek-borisoth_003

sek-borisoth_008

sek-borisoth_009

sek-borisoth_010

sek-borisoth_011

sek-borisoth_012

sek-borisoth_013

sek-borisoth_014

sek-borisoth_015

sek-borisoth_016

sek-borisoth_017

sek-borisoth_018

sek-borisoth_019

sek-borisoth_020

sek-borisoth_acci-5

sek-borisoth_acci-1

sek-borisoth_acci-2

sek-borisoth_acci-3

sek-borisoth_acci-4