Post News Media ព័ត៌មានជាតិ អុចធូកសុំសេចក...

អុចធូកសុំសេចក្តីសុខ ឆេះផ្ទះអស់២ខ្នង

ចែកចាយបន្ត

កំពង់ធំ: អគ្គីភ័យមួយបានឆាប់ឆេះផ្ទះចំនួន២ខ្នង យ៉ាងសន្ធោសន្ធៅ បណ្តាលមកពីការអុចធូកបន់ស្រន់ព្រះ ហើយមិនបានប្រុងប្រយ័ត្ន ក៏ធ្វើឲ្យបាក់ភ្លើងធូបឆាបឆេះផ្ទះ ហើយរាលដាលដល់ផ្ទះមួយខ្នងទៀតដែលនៅក្បែរគ្នា កាលពីវេលាម៉ោង១២និង៣០នាទីថ្ងៃត្រង់ទី១៦ ខែតុលា ឆ្នាំ២០១៦ ស្ថិតនៅក្នុងភូមិច្រាំងសរ ឃុំទ្រា ស្រុកស្ទោង ខេត្តកំពង់ធំ។

មន្ត្រីកងរាជអាវុធហត្ថស្រុកស្ទោង បានបង្ហើបឲ្យដឹងថា ក្នុងករណីភ្លើងឆេះផ្ទះនេះ គឺមិនបណ្តាលឲ្យមានមនុស្សរងគ្រោះថ្នាក់ដល់ជីវិតទេ តែផ្ទះដែលបានសាងសង់ពីឈើជញ្ចាំងក្ដាឈើប្រក់ក្បឿងទំហំ១២ម៉ែត្រ គុណ៧ម៉ែត្រ សសរទល់រ៉ូត២ខ្នងញ្ចាំងក្ដាឈើប្រក់ក្បឿង ត្រូវបានភ្លើងឆេះស្ទើរទាំងស្រុង ដោយមានម្ចាស់ផ្ទះឈ្មោះ សៀក សៀន ភេទប្រុស អាយុ៧០ឆ្នាំ រស់នៅភូមិឃុំខាងលើ សម្ភារ:ខូចខាតមាន លុយខ្មែរ ៣,០៨០,០០០រៀល ,លុយបាតថៃ ៣,០០០បាត ,ខ្សែកប្លាទីន១ខ្សែទម្ងន់៥ជី ,ខ្សែដៃប្លាទីន១ខ្សែទម្ងន់៥ជី,ចិញ្ចៀនប្លាកទីន០២វង់ទម្ងន់២ជី ,ម៉ូតូវ៉េវ ពណ៌ខ្មៅ០១គ្រឿង ,ស្រូវ០២បេស្មើ១០០គីឡូក្រាម, អង្ករ០១បេស្មើ ៥០គីឡូក្រាម ,គ្រែដេក០១ ,ទូរដាក់ខោអាវ០១ និងសម្ភារ:ខោអាវទាំងអស់។

លោក ឃុនភារះ មេបញ្ចាការកងរាជអាវុធហត្ថស្រុកស្ទោងបានឲ្យដឹងថា ករណីភ្លើងឆេះផ្ទះនេះ បានរថយន្តពន្លត់អគ្គិភ័យរបស់នគរបាលស្រុកស្ទោងជួយអន្ដរាគមន៍ពន្លត់អស់ទឹកចំនួន២រថយន្ត និងប្រើប្រាស់កម្លាំងសរុប១០ នាក់រួមជាមួយនគរបាលស្រុកនិងអាវុធហត្ថស្រុកផងដែរ៕

អគ្គិភ័យ

អគ្គិភ័យ