Post News Media ព័ត៌មានជាតិ មន្ត្រីកាំកុង...

មន្ត្រីកាំកុងត្រូល​ខេត្ត​ប៉ៃលិន​ បន្ត​ចុះ​ពិនិត្យមើល​ទំនិញ​ហួស​សុពលភាព​និង​ខូចគុណភាព​ដែលដាក់​លក់លើទីផ្សារ

ចែកចាយបន្ត

ប៉ៃលិន: មន្ដ្រី​សាខា​កាំកុងត្រូល​ខេត្ត​ បានចុះ​ណែ​នាំដល់​​ក្រុម​អាជីវករ​​​ទាំងអស់ ​កុំ​យក​ទំនិញ​ណា​ ដែល​ខូចគុណភាព​ ​ឬ​​ទំនិញ​ដែល​មិន​មាន​ស្លាក​សញ្ញា​ត្រឹមត្រូវ​ មក​ដាក់​តាំង​លក់​ ​ធ្វើ​ឲ្យ​ប៉ះពាល់​ដល់​សុខភាព​​បងប្អូន​ប្រជាពលរដ្ឋ​​យ៉ាងខ្លាំង ​។

ក្នុង​ពេល​ចុះ​ពិនិត្យ​នោះ​ដែរ​ ​មន្ត្រី​កាំកុងត្រូល​ ក៏​បាន​​សម្ដែង​ការ​​ព្រួយ​បារម្ភ ​ពី​ប្រជាពលរដ្ឋ​ដែល​ពួក​គាត់​តែងតែ​ទិញ​ទំនិញ​យក​ទៅ​ប្រើប្រាស់​ជា​រៀងរាល់ថ្ងៃ ​មិន​ដឹង​ថា​ទំនិញ​នោះ​មាន​គុណភាព​នោះទេ​ ដូច្នោះ​ហើយ ​សូម​ឲ្យ​អ្នកលក់​ទាំងអស់​ត្រូវ​យក​ចិត្ត​ដាក់​មើល​ទំនិញ​ឲ្យ​បាន​ត្រឹមត្រូវ​ជៀសវាង ​ជួប​នូវ​បញ្ហា​កើតឡើង​។

ការ​ព្រួយ​បារម្ភ​បែបនេះ​ ក្នុង​ឱកាស​ដែល​ លោក ​សាន វិជ្ជា​សា​រ៉ាវុធ ​ប្រធាន​សាខា​កាំកុងត្រូល​ប្រចាំ​ខេត្ត​ប៉ៃលិន​ សហការ​ជាមួយ​មន្ទីរពាណិជ្ជកម្ម​ខេត្ត​ ​ចុះ​ពិនិត្យមើល​ទំនិញ​ហួស​សុពលភាព ​និង​ខូច​គុណភាព​ដែល​ដាក់​លក់​នៅ​តាម​តូប​នីមួយៗ​ នៅ​ភូមិប​យ៉ា​ខា ភូមិប​តាំង​ស៊ូ ភូមិប​ហ៊ុយ ដែល​ស្ថិត​នៅ​សង្កាត់​ប​យ៉ា​ខា ក្រុងប៉ៃលិន ខេត្ត​ប៉ៃលិន​ កាលពីថ្ងៃទី​១៦ ​ខែតុលា ​ឆ្នាំ​២០១៦ ​ម្សិលមិញនេះ​ ។

លោក ប្រធាន​សាខា​កាំកុងត្រូល​ បាន​លើក​ឡើងថា​ ​ទោះបីជា​សាខា​កាំកុងត្រូល​ខេត្ត​ប៉ៃលិន តែងតែ​ចុះ​ពិនិត្យ​ទំនិញ​ជា​រៀងរាល់ខែ ​នៅតាម​ផ្សារ ​និង​នៅតាម​តូប​នីមួយៗ​ក៏ដោយ​នៅ​តែមាន​ទំនិញ​ដែល​ខូចគុណភាព​ ដាក់​តាំង​លក់​នៅតាម​តូប ​ព្រោះ​ដោយសារ​ពួកគាត់​មិនបាន​មើល​ដិតដល់​ ដូច្នោះ​ហើយ​សូម​ឲ្យ​ប្រជាពលរដ្ឋ ​និង​អាជីវករ​ទាំងអស់​ត្រូវ​ចូលរួម​សកម្មភាព​ជាមួយ​សាខា​កាំកុងត្រូល​ខេត្ត​ប៉ៃលិន​ ដើម្បី​ថែរក្សា​សុខភាព​ទាំងអស់គ្នា​។

លោក សាន វិជ្ជា​សា​រ៉ាវុធ ​ក៏​បាន​អំពាវនាវ​ដល់​ អាជីវករ​ទាំងអស់​ មុននឹង​ទិញ​ទំនិញ​យក​មក​ដាក់​តាំង​លក់​ត្រូវ​ពិនិត្យមើល​កាល​បរិច្ឆេទ​ផលិត និង​ក្រុមហ៊ុន​ឲ្យ​បាន​ច្បាស់លាស់​ដើម្បី​ជៀសវាង​ពេល​សមត្ថកិច្ច​កាំកុងត្រូល​ចុះ​ពិនិត្យ​ឃើញ​ហួសកំណត់​ដកហូត​ដែល​នាំ​ឲ្យ​ខាតបង់​សេដ្ឋកិច្ច​គ្រួសារ​របស់​បងប្អូន និង ខាតបង់​វេលា ​ប្រាក់​កាក់​ផងដែរ ។

លោក​ បាន​អំពាវ​ដល់​ប្រជាពលរដ្ឋ​ទាំងអស់​ត្រូវ​ចេះ​ចូលរួម ​និង​យល់​អំពី​ការ​មើល​ទំនិញ​ដែល​ខូចគុណភាព​ ហួស​សុពលភាព​គឺ​ដើម្បី​ថែរក្សា​សុខភាព​ និង​ប្រាក់​កាស​ដែល​ខិតខំ​ប្រឹងប្រែង​រក​ចិញ្ចឹម​ជីវិត​និង​គ្រួសារ​។ ជា​ចុងក្រោយ​លោក ​បាន​មាន​ប្រសាសន៍​សង្កត់​ធ្ងន់ថា​ បើសិន​អាជីវករ​ទាំងអស់​មិន​គោរព​ និង​ធ្វើតាម​ការណែនាំ​របស់​សាខា​កាំ​ត្រូល​ទេ ​នឹង​ត្រូវ​ធ្វើទៅ​តាមច្បាប់​ដោយ​មាត្រា​ទី​១៦ ​និង​៦៣ ​ដោយ​ផ្ដន្ទាទោស​ពី​១​ ខែ​ទៅ​១​ឆ្នាំ ​ ដែល​យក​ទំនិញ​ដែល​ខូច​គុណ​យក​លក់​តាំង​លក់​ឲ្យ​ប្រជាជន ​ដែល​បណ្តាល​ឲ្យ​ខូច​សុខភាព​ជាច្រើន​នាក់​។

ក្នុង​ពេល​ចុះ​ពិនិត្យ​ទំនិញ​សមត្ថកិច្ច​កាំ​កុង​ត្រូវ​បាន​ដកហូត​ទំនិញ​ខូចគុណភាព​មួយ​ចំនួន​ពី​អាជីវករ​ដើម្បី​យក​ទៅ​កំទេច​ចោល​រួមមាន:​ ទឹកក្រូច ៣៣​ដប ​មី​កំប៉ុង​៣​កំប៉ុង ​ទឹកដោះគោ​ជូ​រ ១​ដប​ អូ​វ៉ាន់​ទីន​១​កំប៉ុង ​ម្សៅ​ស៊ុប​រ៉​ត​ឌី​៦៥​កញ្ចប់​តូច ​ទឹកខ្មេះ​ទន្សាយ​៥​ដប​ ទឹក​ឌី​ដូរ​២៨​ដប​៕

មន្ត្រីកាំកុងត្រូលពិនិត្យទំនិញ

មន្ត្រីកាំកុងត្រូលពិនិត្យទំនិញ

មន្ត្រីកាំកុងត្រូលពិនិត្យទំនិញ

មន្ត្រីកាំកុងត្រូលពិនិត្យទំនិញ

មន្ត្រីកាំកុងត្រូលពិនិត្យទំនិញ

មន្ត្រីកាំកុងត្រូលពិនិត្យទំនិញ

មន្ត្រីកាំកុងត្រូលពិនិត្យទំនិញ

មន្ត្រីកាំកុងត្រូលពិនិត្យទំនិញ

មន្ត្រីកាំកុងត្រូលពិនិត្យទំនិញ

មន្ត្រីកាំកុងត្រូលពិនិត្យទំនិញ

មន្ត្រីកាំកុងត្រូលពិនិត្យទំនិញ