Post News Media ព័ត៌មានជាតិ ប្រទះឃើញក្បាល...

ប្រទះឃើញក្បាលគ្រាប់កាំភ្លើងធំមួយគ្រាប់ ក្នុងដីឡូត៍មួយកន្លែងនៅ​សង្កាត់កាកាប

ចែកចាយបន្ត

ភ្នំពេញ: យុទ្ធភណ្ឌ (គ្រាប់កាំភ្លើងធំ) មិនទាន់ផ្ទុះមួយគ្រាប់ មានតែក្បាល ប្រភេទ105mm ត្រូវបានប្រជាពលរដ្ឋប្រទះឃើញនៅកប់ក្នុងដីឡូត៍ ដែលទើបនឹងចាក់ថ្មីៗ បន្ទាប់ពីភ្លៀងហូរច្រោះដី។ ហេតុការណ៍ប្រទះឃើញក្បាលគ្រាប់ខាងលើនេះ បានកើតឡើងកាលពីព្រឹកថ្ងៃទី១៧ ខែតុលា ឆ្នាំ២០១៦ ស្ថិតនៅដីឡូត៍ចាក់ថ្មី ក្នុងភូមិកាកាប សង្កាត់កាកាប ខណ្ឌពោធិ៍សែនជ័យ រាជធានីភ្នំពេញ។

សមត្ថកិច្ចបានឲ្យដឹងថា ក្បាលគ្រាប់នេះជាប្រភេទគ្រាប់ ផ្លោង 105mm មានសភាពចាស់ ដែលបន្សល់ទុកតាំងពីសម័យសង្រ្គាមមកម្ល៉េះ ហើយដោយតាមដីដែលគេដឹកយកមកចាក់។

មេភូមិកាកាប លោក ហេង សួរ បានឲ្យដឹងថា ដីខាងលើ ត្រូវបានគេទិញយកមកចាក់ តាំងពីដើមខែកញ្ញា មកម្ល៉េះ ដោយដឹកយកមកពីការកាយធ្វើប្រឡាយ ផ្លូវជាតិលេខ៤ មុខផ្សារជម្ពូវ័ន ចាក់ដើម្បីសង់លំនៅដ្ឋាន តែមិនទាន់បានសង់ផង ទឹកភ្លៀងហូរច្រោះ ទើបប្រទះឃើញតែម្តងគ្រាប់នេះតែម្ដង។

ក្បាលគ្រាប់ខាងលើថ្វីត្បិតតែវាមានសភាពចាស់មែន តែអាចបង្កឲ្យគ្រោះថ្នាក់ កាលបើវាទទួលរងនូវសម្ពាធណាមួយ ទើបប្រជាពលរដ្ឋរាយការណ៍ទៅសមត្ថកិច្ច ដើម្បីឲ្យផ្នែកជំនាញ ស៊ីម៉ាក មកយកទៅរក្សាទុកកន្លែងសុវត្តិភាព ឬយកទៅបំផ្លាញចោល៕

photo_2016-10-17_15-34-08

photo_2016-10-17_15-33-57

photo_2016-10-17_15-33-58

photo_2016-10-17_15-34-00

photo_2016-10-17_15-34-02

photo_2016-10-17_15-34-04

photo_2016-10-17_15-34-06