Post News Media ព័ត៌មានជាតិ បង្ក្រាបទីតាំ...

បង្ក្រាបទីតាំងកត់កន្ទុយលេខមួយកន្លែង ឃាត់ខ្លួនមនុស្ស៣នាក់ និងលុយជិត៧ម៉ឺនដុល្លារ

ចែកចាយបន្ត

ភ្នំពេញ: កម្លាំងអាជ្ញាធរខណ្ឌមានជ័យដឹកនាំដោយលោក ចែ សុង ព្រះរាចអាជ្ញារងអមសាលាដំបូងរាជធានៅភ្នំពេញ លោក ឌី រ័ត្នខេមរុណ អភិបាលរងខណ្ឌមានជ័យ លោក ហួរ ម៉េងវ៉ាង អធិការនគរបាលរងខណ្ឌ បានដឹកនាំកម្លាំងឆ្មក់ចុះបង្ក្រាបទីតាំងកត់ន្ទុយលេខដ៏ធំមួយកន្លែង ដោយធ្វើការឃាត់ខ្លួនមនុស្ស៣នាក់ (២នាក់ប្តី ប្រពន្ធ ជាមេ និងកូនឈ្នួលម្នាក់) ព្រមទាំងដកហូតលុយជិត៧ម៉ឺនដុល្លារ និងវត្ថុតាងមួយចំនួនទៀតផងដែរ។

ការចុះបង្ក្រាបនេះ បានធ្វើឡើងកាលពីវេលាម៉ោង៣និង៣០នាទីរសៀលថ្ងៃទី១៧ ខែតុលា ឆ្នាំ២០១៦ នៅចំណុចផ្ទះលេខ ៤ ផ្លូវបេតុង ភូមិត្បោតជ្រុំ៤ ក្នុងសង្កាត់បឹងទំពុន ខណ្ឌមានជ័យ រាជធានីភ្នំពេញ។

លោក ឌី រ័ត្នខេមរុណ អភិបាលរងខណ្ឌមានជ័យបានប្រាប់ឱ្យដឹងថា  ដើម្បីចូលរួមអនុវត្តគោលនយោបាយភូមិ/ឃុំ មានសុវត្ថិភាពឲ្យមានប្រសិទ្ធិភាពខ្ពស់នោះ គណ:បញ្ជាការខណ្ឌរបស់លោកតែងតែបានចុះបង្ក្រាបនូវល្បែងស៊ីសងគ្រប់ប្រភេទទាំងអស់ ជាពិសេស គឺល្បែងកន្ទុយលេខនេះតែម្តង។ ជាក់ស្តែងក្នុងពេលនេះដែរ កម្លាំងរបស់លោកបានឆ្មក់ចុះបង្ក្រាបទីតាំងកត់កន្ទុយលេខដ៏ធំមួយកន្លែងនេះ ដោយបានធ្វើការឃាត់ខ្លួនមនុស្ស៣នាក់ ក្នុងនោះបុរសម្នាក់ឈ្មោះ ញឹម កុសល  អាយុ៤៦ឆ្នាំ ជាប្តី និងប្រពន្ធម្នាក់ រួមទាំងកូនឈ្នួលកត់កន្ទុយលេខម្នាក់ផងដែរ។ ហើយកម្លាំងបានដកហូតលុយដុល្លារសរុបចំនួន៦៦ ៣៧០ដុល្លារ លុយខ្មែរចំនួន៦លាន៥០ម៉ឺនរៀល រួមទាំងវត្ថុតាដែលពាក់ព័ន្ធមួយចំនួនទៀត។

បច្ចុប្បន្នមនុស្សទាំង៣នាក់ និងវត្ថុតាងទាំងអស់ខាងលើនេះ ត្រូវបានបញ្ជូនទៅកាន់អធិការដ្ឋាននគរបាលខណ្ឌមានជ័យ ដើម្បីកសាងសំណុំរឿងបញ្ជូនទៅតុលាការចាត់ទៅតាមផ្លូវច្បាប់៕

%e1%9e%85%e1%9e%b6%e1%9e%94%e1%9f%8b%e1%9e%80%e1%9e%93%e1%9f%92%e1%9e%91%e1%9e%bb%e1%9e%99%e1%9e%9b%e1%9f%81%e1%9e%81-7

%e1%9e%85%e1%9e%b6%e1%9e%94%e1%9f%8b%e1%9e%80%e1%9e%93%e1%9f%92%e1%9e%91%e1%9e%bb%e1%9e%99%e1%9e%9b%e1%9f%81%e1%9e%81-1

%e1%9e%85%e1%9e%b6%e1%9e%94%e1%9f%8b%e1%9e%80%e1%9e%93%e1%9f%92%e1%9e%91%e1%9e%bb%e1%9e%99%e1%9e%9b%e1%9f%81%e1%9e%81-2

%e1%9e%85%e1%9e%b6%e1%9e%94%e1%9f%8b%e1%9e%80%e1%9e%93%e1%9f%92%e1%9e%91%e1%9e%bb%e1%9e%99%e1%9e%9b%e1%9f%81%e1%9e%81-3

%e1%9e%85%e1%9e%b6%e1%9e%94%e1%9f%8b%e1%9e%80%e1%9e%93%e1%9f%92%e1%9e%91%e1%9e%bb%e1%9e%99%e1%9e%9b%e1%9f%81%e1%9e%81-4

%e1%9e%85%e1%9e%b6%e1%9e%94%e1%9f%8b%e1%9e%80%e1%9e%93%e1%9f%92%e1%9e%91%e1%9e%bb%e1%9e%99%e1%9e%9b%e1%9f%81%e1%9e%81-5

%e1%9e%85%e1%9e%b6%e1%9e%94%e1%9f%8b%e1%9e%80%e1%9e%93%e1%9f%92%e1%9e%91%e1%9e%bb%e1%9e%99%e1%9e%9b%e1%9f%81%e1%9e%81-6