Post News Media ព័ត៌មានជាតិ រយ:ពេល ២ថ្ងៃ ...

រយ:ពេល ២ថ្ងៃ រដ្ឋបាលព្រៃឈើខេត្តស្ទឹងត្រែង រកឃើញ និងរឹបអូស ឈើប្រណីតជាង ៦០០ដុំ

ចែកចាយបន្ត

ស្ទឹងត្រែង: ថ្ងៃទី១៧ ខែតុលា ឆ្នាំ២០១៦ មន្ត្រីផ្នែករដ្ឋបាលព្រៃឈើស្ទឹងត្រែង ដឹកនាំដោយព្រះរាជអាជ្ញាអមសាលាដំបូងខេត្ត បានរកឃើញ និងរឹបអូស ឈើអារប្រភេទប្រណីត ប្រភេទធ្នង់ ចំនួន ៥៩0ដុំ ស្មើនឹង ១៣,៦៧៩ម៉ែត្រត្រីគុណ ក្នុងភូមិបាចុង សង្កាត់ព្រះបាត ក្រុងស្ទឹងត្រែង។

ពាក់ព័ន្ធនឹងបញ្ហាចាប់ឈើប្រណីតនេះដែរ កាលពីថ្ងៃទី១៦ ខែតុលា ឆ្នាំ២០១៦ មន្ត្រីផ្នែករដ្ឋបាលព្រៃឈើស្ទឹងត្រែង ដឹកនាំដោយលោកព្រះរាជអាជ្ញាអមសាលាដំបូងខេត្ត ក៏បានរុករកឃើញការធ្វើសន្និធិឈើគ្មានលិខិតអនុញ្ញាតនៅក្នុងទឹកទន្លេមេគង្គ និងរឹបអូសឈើអារប្រភេទប្រណីត ប្រភេទធ្នង់ ចំនួន ៣៤ដុំ ស្មើនឹង ០,៧៨៨ម៉ែត្រត្រីគុណ និងឈើអារប្រភេទលេ១(កកោះ)ចំនួន ២៥ដុំ ស្មើនឹង ៣,៦៩៤ម៉ែត្រត្រីគុណ ស្ថិតក្នុងភូមិបាចុង សង្កាត់ព្រះបាទ ក្រុងស្ទឹងត្រែង ខេត្តស្ទឹងត្រែង។ បច្ចុប្បន្ន វត្ថុតាងបានយកមករក្សានៅស្នាក់ការខណ្ឌរដ្ឋបាលព្រៃឈើស្ទឹងត្រែង ដើម្បីចងក្រងសំណុំរឿងតាមនីតិវិធីច្បាប់៕

photo_2016-10-17_21-07-28

photo_2016-10-17_21-07-30

photo_2016-10-17_21-07-32

photo_2016-10-17_21-07-33

photo_2016-10-17_21-07-35

photo_2016-10-17_21-07-37

photo_2016-10-17_21-07-39