Post News Media ព័ត៌មានជាតិ បើកម៉ូតូត្រឡប...

បើកម៉ូតូត្រឡប់ពីលក់អំពៅសាង ជ្រុលទៅបុកគូទរថយន្តពេញទំហឹងបណ្តាលឲ្យ២នាក់ប្តីប្រពន្ធម្នាក់ស្លាប់ និងម្នាក់រងរបួសស្រាល

ចែកចាយបន្ត

ភ្នំពេញ: បុរសម្នាក់ស្លាប់បាត់បងជីវិតភ្លាមៗនៅនឹងកន្លែង ខណះជិះម៉ូតូត្រលប់ពីលក់អំពៅសាងវិញជាមួយនិងប្រពន្ធ បម្រុងនឹងត្រលប់ទៅផ្ទះវិញតែជាអកុស
បុរសជាប្ដីត្រូវក្ស័យជិវិតដោយសារគ្រោះថ្នាក់ចរាចរណ៍។ ហេតុការណ៍នេះកើតឡើងនៅវេលាម៉ោង២និង៣០នាទីរំលងអាធ្រាតឈានចូលថ្ងៃទី១៨ ខែតុលា ឆ្នាំ២០១៦ ស្ថិតនៅតាមបណ្ដោយផ្លូវជាតិលេខ៥ សង្កាត់ឬស្សីកែវ ខណ្ឌឬស្សីកែវ រាជធានីភ្នំពេញ។

សមត្ថកិច្ចបានឲ្យដឹងថា ជនរងគ្រោះទាំង២នាក់ប្តីប្រពន្ធមានឈ្មោះ ហឿន ហេន ភេទប្រុស អាយុ៣៨ឆ្នាំ ជាប្តីស្លាប់នៅនឹងកន្លែង និងស្ត្រីជាប្រពន្ធមានឈ្មោះ អួរ សៀង ដែលជាអ្នកលក់អំពៅសាងពេលយប់ ស្នាក់នៅក្នុងភូមិស្រះ ឃុំរំចេក ស្រុក ព្រះស្ដេច ខេត្តព្រៃវែង រងរបួសស្រាល។ ចំណែកអ្នកបើកបររថយន្ត មិនទាន់ស្គាល់ពីអត្តសញ្ញាណ ជាជនជាតិកូរេ។

យោងតាមប្រភពពត៌មានពីប្រជាពលរដ្ឋនៅកន្លែងកើតហេតុបានឲ្យដឹងថា មុនពេលកើតហេតុគេបានឃើញ២នាក់ប្តីប្រពន្ធ ដែលជាអ្នកលក់អំពៅសាងនាពេលរាត្រី កំពុងតែជិះម៉ូតូ១គ្រឿងម៉ាកហុងដាគុប ពណ៌ខៀវ ធ្វើដំណើរនៅតាមបណ្ដោយផ្លូវជាតិលេខ៥ ក្នុងទិសដៅពីត្បូងទៅជើង ក្នុងគោលបំណងត្រឡប់ទៅផ្ទះវិញ ខណ:មកដល់ចំណុចកើតហេតុ ដោយសារតែផ្លូវងងឹតព្រមទាំងបង្គោលភ្លើងដែលដាក់បញ្ឈរបំភ្លឺនៅតាមដងវិថីពុំមានបើកភ្លើងផងនោះ ស្រាប់តែបុរសជាប្តីដែលជាអ្នកបើកបរម៉ូតូបានជ្រុលចង្កូតទៅបុកជាមួយគូទរថយន្ត ម៉ាក Mitsubishi Pajero Sport ១គ្រឿង ពណ៌ខ្មៅ ពាក់ស្លាកលេខ ភ្នំពេញ 2AB-5584 ដែលបើកបរដោយបុរម្នាក់ជនជាតិកូរ៉េ ដែលបានចតរថយន្តចោលនៅលើដងវិថីខាងលើក្នុងទិសដៅស្របទិសគ្នា ចំពីក្រោយយ៉ាងពេញទំហឹងបណ្ដាលឲ្យជនរងគ្រោះដួលបោកទៅនឹងថ្នល់បែកកញ្ជក់ទូលក់អំពៅ រាយពេញថ្នល់ ព្រមទាំងបុរសជាជនរងគ្រោះបោកក្បាលស្លាប់បាត់បង់ជីវិតភ្លាមៗ ចំណែកប្រពន្ឋរងរបួសស្រាល។

ក្រោយពេលកើតហេតុសមត្ថកិច្ចជំនាញបានចុះមកធ្វើការវាស់វែងព្រមទាំងប្រគល់សពឲ្យទៅក្រុមគ្រួសារដើម្បីយកទៅធ្វើបុណ្យតាមប្រពៃណី ចំណែកម្ចាស់រថយន្តដែលជាជនជាតិកូរ៉េម្នាក់នោះក៏មិនបានទៅណានោះដែរ គាត់បានទូរសព្ទទៅអ្នកបកប្រែរបស់ខ្លួន ដើម្បីមកធ្វើការចចារសម្របសម្រួល ជាមួយនិងសម្ថកិច្ចទៅតាមនិតិវិធីច្បាប់៕

គ្រោះថ្នាក់ចរាចរណ៍

គ្រោះថ្នាក់ចរាចរណ៍

គ្រោះថ្នាក់ចរាចរណ៍

គ្រោះថ្នាក់ចរាចរណ៍

គ្រោះថ្នាក់ចរាចរណ៍

គ្រោះថ្នាក់ចរាចរណ៍