Post News Media ព័ត៌មានជាតិ បើករថយន្តបុកគ...

បើករថយន្តបុកគេហើយមិនអស់ចិត្ត បុកទាំងសមត្ថកិច្ចដែលដេញឃាត់ថែមទៀត

ចែកចាយបន្ត

ភ្នំពេញ: បុរសជនជាតិកូរេម្នាក់ បើករថយន្តក្នុងស្ថានភាពស្រវឹង ជ្រុលទៅបុករទេះលក់ចង្រឹត បណ្តាលឲ្យរងការខូចខាតរួចព្យាយាមបើកគេចខ្លួន ប៉ុន្តែត្រូវបានសមត្ថកិច្ចបានឃើញក៏បើកម៉ូតូដេញតាម ក៏ត្រូវបានរថយន្តខាងលើបុកបណ្តាលឲ្យដួលរងរបួស ទើបចាប់រថយន្តខាងលើនេះបាន ។ ហេតុការណ៍នេះបានកើតឡើងកាលពីវេលាម៉ោង០១ និង៥០នាទីយប់ ឈានចូលថ្ងៃទី១៨ ខែតុលា ឆ្នាំ២០១៦ ស្ថិតនៅចំណុច ផ្លូវព្រះស៊ីសុវត្ថិ កែងនឹងផ្លូវលេខ១៤៤ ក្នុងសង្កាត់ផ្សារថ្មី៣ ខណ្ឌដូនពេញ រាជធានីភ្នំពេញ។

យោងទៅតាមប្រភពព័ត៌មានពីកន្លែងកើតហេតុ បានឲ្យដឹងថា មុនពេលកើតហេតុគេឃើញរថយន្ដហាយឡែនឌ័រ មួយគឿង ពណ៌ទឹកប្រាក់ គ្មានស្លាកលេខ បើកដោយបុរសជនជាតិកូរេម្នាក់ ក្នុងស្ថានភាពស្រវឹងធ្វើដំណើរតាមបណ្ដោយ ព្រះស៊ីសុវត្ថិ ក្នុងទិសដៅពីត្បូងទៅជើងដោយល្បឿនលឿន ខណ:មកដល់ចំណុចកើតស្រាប់តែរថយន្ដបង្កខាងលើ បានជ្រុលចង្កូតទៅបុករទេះលក់ចង្រឹត បណ្ដាលឲ្យអ្នកលក់ចង្រឹតរងរបួសស្រាល រួចរថយន្ដបង្កព្យាយាមបើករត់គេច ខណ:នោះត្រូវបានសមត្ថកិច្ចខណ្ឌដូនពេញកំពុងល្បាតបានឃើញ ក៏បើកម៉ូតូដេញតាមប្រផាប់ប្រភីង ខណ:មកដល់កាំកូស៊ីធី រថយន្ដបង្កបានបុកគៀលោក នាយ រងប៉ុស្តិ៍ផ្សារចាស់ ឈ្មោះ យិត ចាន់ដារ៉ា ព្រះនាម៤៥ បណ្ដាលឲ្យដួលម៉ូតូរងរបួសធ្ងន់ ដាច់ដៃជើង រួចរថយន្ដបង្កបែកកង់ទាំងមុខទាំងក្រោយ តែព្យាយាមបើកទៅមុខទៀត ទាល់តែដល់បុរីប៉េង ហួត ផ្លូវលេខ៥៨៩ ទើបរថយន្ដបើកទៅមុខលែងរួច ទើបបុរសជនជាតិកូរេរូបនោះ បានបើកទ្វារថយន្តចុះរត់គេចខ្លួចបាត់ បន្សល់ទុកតែរថយន្ដនៅនឹងកន្លែងខាងលើ ។

ក្រោយពេលកើតហេតុ ទង្វើរបស់លោក នាយរងប៉ុស្តិ៍ផ្សារចាស់ ត្រូវបានប្រជាពលរដ្ឋកោតសរសើរ ដែលលោកបានព្យាយាមដេញរថយន្ដបង្កតាំងពីកន្លែងកើតហេតុរហូតមកដល់កន្លែងឃាត់រថយន្ដ ហើយដួលខូចខាតទាំងម៉ូតូរបស់ខ្លួននិងរបួសទាំងខ្លួនឯងទៀត មិនតែប៉ុណ្ណោះប្រជាពលរដ្ឋបានសូមថ្នាក់ដឹកនាំមេត្តាធ្វើការលើកទឹកចិត្តដល់មន្ដ្រីដែលធ្វើការល្អសម្រាប់ប្រជាពលរដ្ឋផង។ ចំណែករថយន្ដ បង្កខាងលើត្រូវបានសមត្ថកិច្ចស្ទូចទៅកាន់ការិយាល័យនគរបាលចរាចរណ៍រាជធានីភ្នំពេញ ដើម្បីរង់ចាំដោះស្រាយគ្នាតាមផ្លូវច្បាប់បន្តទៀត៕

គ្រោះថ្នាក់ចរាចរណ៍

គ្រោះថ្នាក់ចរាចរណ៍

គ្រោះថ្នាក់ចរាចរណ៍

គ្រោះថ្នាក់ចរាចរណ៍

គ្រោះថ្នាក់ចរាចរណ៍

គ្រោះថ្នាក់ចរាចរណ៍

គ្រោះថ្នាក់ចរាចរណ៍

គ្រោះថ្នាក់ចរាចរណ៍