Post News Media ព័ត៌មានជាតិ អាជ្ញាធរខណ្ឌព...

អាជ្ញាធរខណ្ឌពោធិ៍សែនជ័យ វាយកម្ទេចទូហ្គេមបាញ់ត្រី១៧ទូ

ចែកចាយបន្ត

ភ្នំពេញ: ហ្គេមបាញ់ត្រីចំនួន១៧ទូ ដែលអាជ្ញាធរធ្វើការបង្ក្រាបនាពេលកន្លងមក នៅព្រឹកថ្ងៃទី១៨ ខែតុលា ឆ្នាំ២០១៦ ត្រូវបានលោក ហែម ដារិទ្ធិ អភិបាល នៃគណ:អភិបាលខណ្ឌពោធិ៍សែនជ័យ និងលោកអភិបាលរងខណ្ឌ និងមន្ត្រីខណ្ឌផងដែរ ធ្វើការវាយកម្ទេច នៅដីឡូត៍ភូមិក្បាលដំរី សង្កាត់កាកាប ខណ្ឌពោធិ៍សែនជ័យ រាជធានីភ្នំពេញ។

លោក ហែម ដារិទ្ធិ អភិបាលនៃគណ:អភិបាលខណ្ឌពោធិ៍សែនជ័យ បានឲ្យដឹងថា អាជ្ញាធរ នឹងព្យាយាមលុបបំបាត់ឲ្យអស់ រាល់ល្បែងស៊ីសងទាំងឡាយណា ដែលកើតមានក្នុងមូលដ្ឋានខណ្ឌពោធិ៍សែនជ័យទាំងមូល។  លោកបានបន្តទៀតថា រាល់ល្បែងស៊ីសងតែងតែធ្វើឲ្យសិស្សានុសិស្សមួយចំនួនភ្លេចការសិក្សា មិនស្តាប់ដំបូន្មានឪពុកម្តាយ និងអាណាព្យាបាល ធ្វើឲ្យខូចអនាគត និងអាចឈាននៅដល់ដំណាក់កាលចេះ លួច ឆក់ ប្លន់ ដូច្នេះដើម្បីឲ្យសង្គមយើងមានសុខសន្តិភាព និងសណ្តាប់ធ្នាប់ល្អ បងៗ ប្អូនៗ ក្មួយៗ ត្រូវចៀសវាង និងគេចឲ្យផុត ដើម្បីធ្វើខ្លួនឲ្យក្លាយទៅជាសិស្សល្អ មិត្តល្អ និងប្រជាពលរដ្ឋល្អ ក្នុងសង្គមជាតិយើង។ លោកបានសន្យាថា អាជ្ញាធរខណ្ឌ នឹងព្យាយាមបន្តទៀតក្នុងការចុះបង្ក្រាប។

ជាចុងក្រោយលោក ហែម ដារិទ្ធិ អភិបាលនៃគណ:អភិបាលខណ្ឌ ក៏បានសំណូមពរដល់បងប្អូនប្រជាពលរដ្ឋនៅក្នុងខណ្ឌទាំងអស់ សូមឲ្យជួយសហការ និងរាយការណ៍ ប្រសិនបើពលរដ្ឋក្នុងមូលដ្ឋាន ឃើញជនសង្ស័យប្រព្រឹត្តបទល្មើស លួច ឆក់ ប្លន់ និងទីតាំងសង្ស័យលួចលាក់បើកហ្គេម និងគ្រឿងញៀន សូមរាយការណ៍មកសមត្ថកិច្ច និងអាជ្ញាធរមានសមត្ថកិច្ច ដើម្បីចុះបង្ក្រាប។ យើងត្រូវតែនាំគ្នាលុបបំបាត់ឲ្យអស់រាល់បទល្មើស និងល្បែងស៊ីសងខុសច្បាប់ ដើម្បីឲ្យសមនឹងគោលនយោបាយភូមិសង្កាត់មានសុវត្ថិភាពទាំង៩ចំណុច ដែលរាជរដ្ឋាភិបាលបានដាក់ចេញ៕

photo_2016-10-18_10-40-14

photo_2016-10-18_10-40-03

photo_2016-10-18_10-40-04

photo_2016-10-18_10-40-05

photo_2016-10-18_10-40-06

photo_2016-10-18_10-40-07

photo_2016-10-18_10-40-09

photo_2016-10-18_10-40-10

photo_2016-10-18_10-40-11

photo_2016-10-18_10-40-12

photo_2016-10-18_10-40-13