Post News Media ព័ត៌មានទូទៅ ភ្លើងឆេះមន្ទី...

ភ្លើងឆេះមន្ទីរពេទ្យនៅឥណ្ឌា សម្លាប់មនុស្ស ២៣ នាក់

ចែកចាយបន្ត

ឥណ្ឌា: មន្ត្រីប៉ូលិសជាន់ខ្ពស់ម្នាក់ បានឲ្យដឹងថា យ៉ាងហោចណាស់ ២៣ នាក់ ត្រូវបានស្លាប់ និងអ្នកដទៃទៀតរងរបួស ដោយសារអគ្គិភ័យដ៏ធំមួយ បានផ្ទុះឆេះឡើងនៅមន្ទីរពេទ្យឯកជនមួយ ក្នុងរដ្ឋ Odisha នៃរដ្ឋធានី Bhubaneswar ភាគខាងកើតប្រទេសឥណ្ឌា។ នេះបើយោងតាមរយ: សារព័ត៌មានចិនសិង្ហបុរី ចេញផ្សាយនៅថ្ងៃទី១៨ ខែតុលា ឆ្នាំ២០១៦។

អគ្គិភ័យនេះ បានកើតទ្បើងកាលពីថ្ងៃច័ន្ទ វេលាម៉ោងប្រហែល ៨ យប់ (ម៉ោងក្នុងស្រុក) នៅឯវិទ្យាស្ថានវិទ្យាសាស្ត្រសុខាភិបាល និងមន្ទីរពេទ្យ Sum ដែលបានឆេះរីករាលដាលយ៉ាងឆាប់រហ័ស។ ភាគច្រើននៃជនរងគ្រោះទាំងនោះ បានស្លាប់ដោយសារការស្ទះដង្ហើម ខណ:ដែលអ្នករងរបួស ត្រូវបានគេបញ្ជូនទៅមន្ទីរពេទ្យផ្សេងទៀត។

នាយករដ្ឋមន្ដ្រីឥណ្ឌា លោក Narendra Modi បានសម្ដែងការសោកស្ដាយ ចំពោះជនរងគ្រោះ ដែលបានបាត់បង់ជីវិត និងរងរបួស ដោយសារហេតុការណ៍នេះ៕

ជុំវិញឧប្បត្តិហេតុនេះ មន្ត្រីប៉ូលិសកំពុងធ្វើស៊ើបអង្គេត ដើម្បីរកមើលកំហុសឆ្គងពីការធ្វេសប្រហែស ដែលបណ្ដាលឲ្យមានអគ្គិភ័យនេះ៕

23-die-in-hospital-fire-in-eastern-india-%e1%9f%a1

23-die-in-hospital-fire-in-eastern-india-%e1%9f%a2

23-die-in-hospital-fire-in-eastern-india