Post News Media ព័ត៌មានជាតិ សង្កាត់មួយចំន...

សង្កាត់មួយចំនួនក្នុងខណ្ឌដង្កោ ត្រូវជំនន់ទឹកភ្លៀងវាយប្រហារ

ចែកចាយបន្ត

ភ្នំពេញ: សង្កាត់ចំនួន៦ ស្ថិតនៅក្នុងខណ្ឌដង្កោ រួមមាន: សង្កាត់សាក់សំពៅ គងនយ ទៀន ព្រៃស ព្រៃវែងរលួស ត្រូវបានរងការវាយប្រហារដោយជំនន់ទឹកភ្លៀង។ សូមបញ្ជាក់ថា កាលពីរសៀលថ្ងៃទី១៧ ខែតុលា ឆ្នាំ ២០១៦ ផ្លូវមួយខ្សែដែលជាទំនប់ទឹក នៅភូមិសិលា សង្កាត់ទៀន ខណ្ឌដង្កោ ត្រូវបានទឹកហូរកាត់ផ្តាច់ ពុំអាចឲ្យប្រជាពលរដ្ឋធ្វើដំណើរបាន។

នៅព្រឹកនេះ លោក ប៉ា សុជាតិវង្ស អភិបាលរាជធានីភ្នំពេញ និងលោក ឃួង ស្រេង អភិបាលរងរាជធានីភ្នំពេញបានដឹកនាំកម្លាំងដោយមានការចូលរួមពីលោក នុត ពុធដារ៉ា អភិបាលខណ្ខដង្កោរួមទាំងមន្ត្រីសាលាខណ្ឌបានយកអេស្ការទ័រពីរគ្រឿង ទៅកាយខ្សាច់ និងច្រកដាក់ចូលបាវ ដើម្បីទប់ស្កាត់កុំឲ្យផ្លូវបាក់កាន់តែច្រើន និងបញ្ជៀសទឹកកុំឲ្យហូរចូលភូមិ និងផ្ទះប្រជាពលរដ្ឋបង្កឲ្យមានការលិចលង់កាន់តែខ្លាំង។

សូមរំឭកថា នៅព្រឹកថ្ងៃទី១៨ ខែតុលា ឆ្នាំ២០១៦នេះ លើកំណាត់ផ្លូវជាតិ៣ បន្ដជន់លិច នៅចន្លោះគីឡូម៉ែត្រលេខ៣៤ ដល់គីឡូម៉ែត្រលេខ៤៧ រីឯផ្លូវជាតិលេខ៤ វិញមិនមានការជន់លិចនោះទេ គឺប្រជាពលរដ្ឋអាចធ្វើដំណើរវាងតាមផ្លូវនេះបាន ជាធម្មតា៕