Post News Media ព័ត៌មានជាតិ ពេទ្យឯកទេសជំង...

ពេទ្យឯកទេសជំងឺឫសដូងបាតរបស់កម្ពុជា ទទួលពានមាសពិភពលោក ឆ្នាំ២០១៦

ចែកចាយបន្ត

ភ្នំពេញ: អបអរសាទរ! គ្រូពេទ្យឯកទេសល្បីឈ្មោះរបស់កម្ពុជា មួយរូបដែលត្រូវគេស្គាល់ថា ជាអ្នកជំនាញផ្នែកឫសដូងបាត ត្រូវបានគណ:កម្មការគុណភាពពិភពលោក ជ្រើសជាតំណាងកម្ពុជា តែម្នាក់ ឲ្យទទួលពានមាសផ្នែកគុណភាពពិភពលោក ប្រចាំឆ្នាំ២០១៦ នៅប្រទេសបារាំង។ លោកបានត្រឡប់មកដល់មាតុប្រទេសវិញ នៅព្រឹកថ្ងៃទី១៨ ខែតុលានេះ ដោយនាំយកពាន ដែលជាមោទនភាពយ៉ាងខ្លាំងសម្រាប់កម្ពុជា លើឆាកអន្តរជាតិ។

អ្នកជំនាញផ្នែកឫសដូងបាត និងជាម្ចាស់គ្លីនិក តូចយ៉ាន លោកវេជ្ជបណ្ឌិត តូច យ៉ាន ថ្លែងក្នុងវេទិកាសន្និសីទកាសែតមួយខ្លីថា លោកត្រូវបានគណ:កម្មការគុណភាពពិភពលោក ដែលហៅកាត់ថា WQC ជ្រើសឲ្យទៅទទួលពានមាស ក្នុងចំណោមបេក្ខភាពចំនួន១១៨ប្រទេសផ្សេងទៀត។ លោកថា ពិធីប្រគល់ពានត្រូវបានធ្វើឡើងក្នុងទីក្រុងបារីស កាលពីថ្ងៃទី១៦ ខែតុលា ឆ្នាំ២០១៦ ដោយមានឥស្សរជនឆ្នើមៗ រហូតដល់១១៩រូប មកពី១១៨ប្រទេស ត្រូវបានកំណត់ឲ្យទទួលពាននោះ។

យ៉ាងណាមិញ លោកថា អ្នកមានកិត្តិយសមិនសុទ្ធតែបានទទួលពានមាសនោះទេ ដោយសារពិធីនោះមានខ្លះទទួលត្រឹមពានមាស ខ្លះពានប្រាក់ និងទៀត ទទួលពានផ្លាទីន។ លោកបន្ថែមថា នេះជាលើកទី៥ ដែលជនជាតិខ្មែរ ត្រូវបានអញ្ជើញឲ្យទទួលពានមាសពីព្រឹត្តិការណ៍ដ៏ធំរបស់ពិភពលោកមួយនេះ។

លោកវេជ្ជបណ្ឌិត ក៏សម្ដែងអារម្មណ៍រំភើប និងភ្ញាក់ផ្អើលផងដែរ ដែលលោកត្រូវបានស្ថាប័ន WQC ជ្រើសជាតំណាងតែម្នាក់ ពីប្រទេសកម្ពុជា ដើម្បីឲ្យទទួលពានមាសពីវេទិកាគុណភាព សម្រាប់ឆ្នាំ២០១៦នេះ បន្ទាប់ពីបានចំណាយពេលអស់១៣ឆ្នាំ ក្នុងការបម្រើព្យាបាលជំងឺឫសដូងបាត ជូនដល់ប្រជាពលរដ្ឋ ប្រកបដោយបច្ចេកទេស និងការអភិវឌ្ឍន៍ជំនាញរបស់ខ្លួន។

លោក តូច យ៉ាន បន្ថែមទៀតថា ពាននេះ មិនមែនសំដៅតែលើសុខភាពនោះទេ តែជាការសំដៅដល់គុណភាពការងារ ប្រសិទ្ធិភាពការងារ និងជាពិសេស គឺការអភិវឌ្ឍន៍គុណភាពការងារឲ្យមានការទទួលស្គាល់។ លោកថា ជាមោទនភាពដែលលោកបានក្លាយជាតំណាងកម្ពុជា ហើយទទួលបានពានមាស ក្នុងចំណោមអ្នកមានស្នាដៃល្បីៗ នៅលើពិភពលោក ដែលមិនខុសពីការបង្ហាញពិភពលោកឲ្យដឹងថា ខ្មែរ ក៏មានឯកទេសដែលមានការទទួលស្គាល់គុណភាពព្យាបាលជំងឺផ្នែកឫសដូងបាតជាអន្តរជាតិផងដែរ។

គួរបញ្ជាក់ថា លោកវេជ្ជបណ្ឌិត តូច យ៉ាន ត្រូវបានគេស្គាល់ទូលំទូលាយយូរមកហើយ ជាអ្នកឯកទេសខាងផ្នែកព្យាបាលជំងឺឫសដូងបាត នៅក្នុងប្រទេសកម្ពុជា បន្ទាប់ពីលោកមានឈ្មោះបោះសំឡេង តាមរយ:វត្តមានគ្លីនិកចំនួន៥ នៅរាជធានីភ្នំពេញ៕

gold-award-on-health-care-2

gold-award-on-health-care-3

gold-award-on-health-care-5

gold-award-on-health-care-8

gold-award-on-health-care-4

gold-award-on-health-care-1

gold-award-on-health-care-6

gold-award-on-health-care-7

gold-award-on-health-care-13

gold-award-on-health-care-9

gold-award-on-health-care-10

gold-award-on-health-care-11

gold-award-on-health-care-12

gold-award-on-health-care-14