Post News Media ព័ត៌មានជាតិ បុរសម្នាក់​​ ...

បុរសម្នាក់​​ ជិះម៉ូតូ​បុក​រថយន្ដ​កុងតឺន័រ​បែក​ក្បាល​សន្លប់​ឈឹង

ចែកចាយបន្ត

ភ្នំពេញ: ​បុរស​ម្នាក់​ បាន​រង​រ​បួស​បែក​ក្បាល​សន្លប់​ឈឹង​ ​នៅ​សល់​តែ​ដង្ហើមចង្រិត ​បន្ទាប់ពី​​ជិះ​ម៉ូតូ​ពេលយប់​ក្នុង​ល្បឿន​លឿន​ជ្រុល​ទៅ​បុក​រថយន្ដ​កុងតឺន័រ​ ​ដែល​កំពុង​​បើក​បរ​ចូល​កន្លែង​ជញ្ជីង​ថ្លឹង​ឡាន​ចោមចៅ កាលពី​វេលា​ម៉ោង ៨និង​៤០​នាទី​យប់ ​ថ្ងៃទី ​១៧ ​ខែតុលា​ ២០១៦ ចំណុច​រង្វង់​មូល​ចោមចៅ ​សង្កាត់​ចោមចៅ ខណ្ឌ​ពោធិ​សែន​ជ័យ។

សមត្ថកិច្ចបានប្រាប់ឲ្យដឹងថា​ ជនរងគ្រោះឈ្មោះ​ មាស សា​ខន​ ភេទ​ប្រុស​ អាយុ​៣៤​ឆ្នាំ ​មាន​ស្រុកកំណើត​នៅ​ភូមិក​គោ ​ឃុំ​បន្ទាយ​ចក្រី​ ស្រុក​ព្រះស្ដេច​ ខេត្តព្រៃវែង ។​
សមត្ថកិច្ចបន្តថា​ នៅមុន​ពេល​កើតហេតុ មាន​រថយន្ត​កុងតឺន័រ​មួយ​គ្រឿង​ក្បាល​ព​ណ៌ស​ ពាក់​ស្លាក​លេខ​ភ្នំពេញ 3C- 5189 ជា​រថយន្ត​ក្រុមហ៊ុន​ផែស្ងួត​តេង ឡាយ បើក​ចេញពី​ផ្លូវជាតិ​លេខ​៤​ ចូលមក​រង្វង់​មូល​ចោមចៅ រួច​បាន​ឆ្លងផ្លូវ ​បត់​ចូល​កន្លែង​ជញ្ជីង​ថ្លឹង​បង់ប្រាក់ ​នៅ​ផ្សារ​ចោមចៅ ​ស្របពេលនោះ​ក៏មាន​ម៉ូតូ​មួយ​គ្រឿង​ម៉ាក​ហុងដា​ឌ្រី​ម ​សេ​១១០ ​ពណ៌​ខ្មៅ ​ពាក់​ស្លាក​លេខ 1BY-6880 បើកបរដោយបុរស​ម្នាក់​ តាម​ផ្លូវ​ជាតិ​លេខ​៣ ​ទិសដៅ​ពី​ត្បូង​ទៅ​ជើង​ឆ្ពោះ​មក​រង្វង់​មូល​ចោមចៅ ​ក្នុង​ល្បឿន​លឿន ​ក៏​ជ្រុល​ទៅ​បុក​ចំពាក់​កណ្តាល​ក្បាល​រថយន្ត​កុងតឺន័រ​កៀប​ម៉ូតូ​ជាប់​ជាមួយ​រថយន្ត ​បណ្តាល​ឲ្យ​បុរស​ដែល​ជិះ​ម៉ូតូ​បែក​ក្បាល​ហូរ​ឈាម​ស្រោច​ពេញ​ខ្លួន​ ត្រូវ​បាន​រថយន្ត​គ្លីនិក ហុង ហាក់ មក​ដឹក​ទៅ​សង្គ្រោះ​ភ្លាមៗ។

ក្រោយពេល​កើតហេតុ​សមត្ថកិច្ច​ជំនាញ​ចរាចរណ៍​ខណ្ឌ​បាន​មក​វាស់វែង​នាំ​យក​រថយន្ត​និង​ម៉ូតូ​យក​ទៅ​រក្សាទុក​នៅ​ផ្នែក​ជំនាញ​ចរាចរណ៍​ខណ្ឌ​ពោធិ​សែន​ជ័យ​ ដើម្បី​ធ្វើការ​ដោះស្រាយ​នៅ​ពេល​ក្រោយ​៕

គ្រោះថ្នាក់ចរាចរណ៍

គ្រោះថ្នាក់ចរាចរណ៍

គ្រោះថ្នាក់ចរាចរណ៍