Post News Media ព័ត៌មានជាតិ ​មេក្លោងជួញដូ...

​មេក្លោងជួញដូរគ្រឿងញៀនជិត១៥ម៉ឺនគ្រាប់ ត្រូវបានតុលាការសម្រេចឃុំខ្លួន

ចែកចាយបន្ត

ភ្នំពេញ: លោកស្រី ជុំ កន្និយ៉ា អ្នកនាំពាក្យសាលាដំបូងខេត្តព្រះវិហារ បានឱ្យដឹងនៅថ្ងៃទី១៨ ខែតុលា នេះថា កាលពីរសៀលថ្ងៃទី១៧ ខែតុលា ឆ្នាំ២០១៦ម្សិលមិញ លោក ចៀន ស្រស់ ចៅក្រមស៊ើបសួរនៃសាលាដំបូងខេត្តព្រះវិហារបានសម្រេចចេញដីកាឃុំខ្លួន ជនជាប់ចោទឈ្មោះ គង់ វិច ភេទប្រុសអាយុ ៣២ឆ្នាំ ទីលំនៅភូមិគីឡូម៉ែត្រលេខ១៣ ឃុំសន្តិភាព ស្រុកសំពៅលូន ខេត្តបាត់ដំបង ជាបណ្តោះអាសន្ននៅពន្ធនាគារខេត្ត ដើម្បីរង់ចាំការបន្តនីតិវិធីទៅតាមផ្លូវច្បាប់។

លោកស្រីបន្តថា ជនជាប់ចោទឈ្មោះ គង់ វិច ត្រូវបានលោក លី លន់ តំណាងអយ្យអមសាលាដំបូងខេត្តព្រះវិហារចោទប្រកាន់ពីបទ រក្សាទុក និងដឹកជញ្ជូនដោយខុសច្បាប់នូវសារធាតុញៀន ប្រភេទមេតំហ្វេតាមីនអាយគ្រាប់ចំនួន២៤ដុំ ស្នើនឹង១៤៤,០០០គ្រាប់ យោងតាមាត្រា ៤០ នៃច្បាប់ស្តីពី ការត្រួតពនិត្យគ្រឿងញៀន។

គួររំលឹកថា ជនជាប់ចោទឈ្មោះ គង់ វិច ត្រូវបានសម្លាំងសមត្ថកិច្ចចម្រុះឃាត់ខ្លួនបានជាមួយគ្រឿងញៀនខាងលើកាលពីវេលាម៉ោង២២និង៣៥នាទីយប់ថ្ងៃទី១៥ ខែតុលា ឆ្នាំ២០១៦ នៅលើកំណាត់ផ្លូវជាតិលេខ៦១ ចំណុចភូមិមហាផល ឃុំឈានមុខ ស្រុកត្បែងមានជ័យ ខេត្តព្រះវិហា៕

photo_2016-10-18_13-17-11

photo_2016-10-18_13-17-05

photo_2016-10-18_13-17-08

photo_2016-10-18_13-17-09

photo_2016-10-18_13-17-10