Post News Media ព័ត៌មានជាតិ ផ្តន្ទាទោសម្ត...

ផ្តន្ទាទោសម្តាយមីង២នាក់​ និងបុរសម្នាក់ ដាក់ពន្ធនាគារម្នាក់៣ឆ្នាំ​ ពាក់ព័ន្ធនឹងទិញលក់ពេស្យាចារកុមារ

ចែកចាយបន្ត

ភ្នំពេញ: លោក នូ វាសនា ប្រធានក្រុមប្រឹក្សាចៅក្រមជំនុំជម្រះ នៃសាលាដំបូងរាជធានីភ្នំពេញនៅព្រឹកថ្ងៃទី១៨ ខែតុលា ឆ្នាំ២០១៦នេះ បានប្រកាសសាលក្រមសម្រេចផ្តន្ទាទោស ជនជាប់ចោទប្រុសស្រីចំនួន ៣នាក់ ដាក់ពន្ធនាគារកំណត់រយ:ពេលពី៣ឆ្នាំទៅ៣ឆ្នាំ៦ខែ ពាក់ព័ន្ធនឹងសំណុំរឿងដាក់ច្រវ៉ាក់ជើងក្មួយស្រី អាយុ១៣ឆ្នាំ បង្ខំឲ្យរួមភេទជាមួយជនជាប់ចោទឈ្មោះ ឈឹម ឆៃលី។

យោងតាមសាលក្រមរបស់តុលាការដែលបានប្រកាសជាសាធារណ:កាលពីព្រឹកមិញ បានសម្រេចផ្តន្ទាទោស:

១- ដាក់ពន្ធនាគារជនជាប់ចោទឈ្មោះ ជា ស្រស់ ភេទស្រី អាយុ៣២ឆ្នាំ និងឈ្មោះ ជា ទីណា ភេទស្រី អាយុ២៧ឆ្នាំ កំណត់រយ:ពេល៣ឆ្នាំ ក្រោមបទចោទប្រកាន់ពីបទនាំពីបទអំពើអូសទាញពេស្យាចារកុមារ តាមមាត្រា៣៥ ច្បាប់ស្តីពីការបង្ក្រាបអំពើជួញដូរមនុស្ស និងអំពើធ្វើអាជីវកម្មផ្លូវភេទ។

២- ដាក់ពន្ធនាគារជនជាប់ចោទឈ្មោះ ឈឹម ឆៃលី ភេទប្រុស អាយុ៣៦ឆ្នាំ កំណត់រយ:ពេល ៣ឆ្នាំ៦ខែក្រោមបទចោទប្រកាន់ពីបទ ការទិញពេស្យាចារកុមារ យោងតាមមាត្រា៣៤នៃច្បាប់ស្តីពី ការបង្ក្រាបអំពើជួញដូរមនុស្ស និងអំពើធ្វើអាជីវកម្មផ្លូវភេទ។

គួររំលឹកថា ជនជាប់ចោទប្រុសស្រីទាំង៣នាក់ខាងលើ ត្រូវបានកម្លាំងសមត្ថកិច្ចនៃការិយាល័យប្រឆាំងការជួញដូរមនុស្ស និងការពារអនីតិជន ឃាត់ខ្លួននៅរសៀលថ្ងៃទី៣ ខែសីហា ឆ្នាំ២០១៥ នៅក្នុងខណ្ឌឫស្សីកែវ ក្រោយសមត្ថកិច្ចទទួលបានពាក្យបណ្តឹងពីជនរងគ្រោះដោយបានចោទថា ជនជាប់ចោទស្ត្រី២នាក់ជាម្តាយមីងបង្កើត បានដាក់ច្រវ៉ាក់ជនរងគ្រោះឈ្មោះ ជ.ណ.រ បង្ខាំងទុកក្នុងផ្ទះដើម្បីលក់ឈ្មោះ ឈឹម ឆៃលី តម្លៃ១០០០ដុល្លារ៕

photo_2016-10-18_14-40-36

photo_2016-10-18_14-40-32

photo_2016-10-18_14-40-33

photo_2016-10-18_14-40-34

photo_2016-10-18_14-40-35