Post News Media ព័ត៌មានជាតិ ផឹកស៊ីអួតអាងក...

ផឹកស៊ីអួតអាងក្លែមសម្តីក្លាយជាជម្លោះហិង្សា ម្នាក់ដេកពេទ្យ ម្នាក់ដេកគុក

ចែកចាយបន្ត

បន្ទាយមានជ័យ: យុវជនម្នាក់ ត្រូវបានកម្លាំងអាវុធហត្ថក្រុងប៉ោយប៉ែត ឃាត់ខ្លួនបានភ្លាមៗ បន្ទាប់ពីធ្វើសកម្មភាពចាក់ទៅលើយុវជនម្នាក់ទៀតឲ្យរងរបួសធ្លាយពោះវៀនចេញមកក្រៅ ខណ:ផឹកស៊ីអួតអាងក្លែមសម្តី។ ហេតុការណ៍នេះកើតឡើងក្នុងវង់ផឹកស៊ីមួយកាលពីវេលាម៉ោង១៤និង៤៥នាទី ថ្ងៃទី១៧ ខែតុលា ឆ្នាំ២០១៦ ស្ថិតនៅចំណុចមាត់អូរព្រំដែនកម្ពុជា ថៃ ស្ថិតក្នុងភូមិក្បាលស្ពាន១ សង្កាត់ប៉ោយប៉ែត ក្រុងប៉ោយប៉ែត ខេត្តបន្ទាយមានជ័យ។

លោកអនុសេនីយ៍ឯក ចាន់ រដ្ឋា មេបញ្ជាការស្ដីទីមូលដ្ឋានកងរាជអាហត្ថក្រុងប៉ោយប៉ែតបានឲ្យដឹងថា យោងតាមពាក្យបណ្ដឹងលេខ៣៧ ចុះថ្ងៃទី១៧ ខែតុលា ឆ្នាំ២០១៦ របស់ឈ្មោះវឿន ភឿន ភេទស្រី អាយុ៣០ឆ្នាំ ត្រូវជាប្អូនស្រីជីដូនមួយរបស់ជនរងគ្រោះឈ្មោះឆែ ឈិន ភេទប្រុស អាយុ៣៣ឆ្នាំ រស់នៅភូមិក្បាលស្ពាន១ សង្កាត់និងក្រុងប៉ោយប៉ែត ខេត្តបន្ទាយមានជ័យ បានមកប្ដឹងថា មានជម្លោះមួយកើតឡើងដោយប្រើហិង្សា ដោយជនសង្ស័យយកកាំបិតចុងស្រួចចាក់មកលើជនរងគ្រោះបណ្ដាលឲ្យធ្លាយពោះវៀនចេញមកក្រៅ។

ប្រភពដដែលបានបន្តទៀតថា ភ្លាមៗនោះកម្លាំងអាវុធហត្ថក្រុងប៉ោយប៉ែតចំនួន៥នាក់ដឹកនាំដោយលោកអនុសេនីយ៍ឯក ចាន់ រដ្ឋា បានចុះប្រតិបត្តិការបង្រ្កាបនិងធ្វើការឃាត់ខ្លួនជនដៃដល់នៅវេលាម៉ោង៥រសៀលថ្ងៃទី១៧ ខែតុលា ឆ្នាំ២០១៦ ហើយបញ្ជូនមកបញ្ជាការដ្ឋានកងរាជអាវុធហត្ថខេត្ត ដើម្បីធ្វើការសាកសួរ។

លោកវរ:សេនីយ៍ត្រី ព្រហ្ម ថេង ប្រធានមន្ទីរយុត្តិធម៌បានប្រាប់ឲ្យដឹងថា ជនសង្ស័យមានឈ្មោះ សុ ង៉ែត ភេទប្រុស អាយុ២៩ឆ្នាំ រស់នៅភូមិក្បាលស្ពាន សង្កាត់និងក្រុងប៉ោយប៉ែត ខេត្តបន្ទាយមានជ័យ។ លោកវរ:សេនីយ៍ត្រី ព្រហ្ម ថេង បានបញ្ជាក់ទៀតថា ក្រោយពីសមត្ថកិច្ចអាវុធហត្ថសួរចម្លើយ ជនសង្ស័យបានឆ្លើយសារភាពថា ខ្លួនពិតជាបានយកកាំបិតចុងស្រួចចាក់ទៅលើជនរងគ្រោះឈ្មោះឆែ ឈិន បណ្ដាលឲ្យរងរបួសធ្លាយពោះវៀនពិតប្រាកដមែន ព្រោះរូបគេបានផឹកស៊ីជាមួយគ្នាហើយមានជម្លោះពាក្យសម្ដី ធ្វើឲ្យរូបគេខឹងយ៉ាងខ្លាំងទើបយកកាំបិតចុងស្រួចមកចាក់លើជនរងគ្រោះតែម្ដង។ លោកវរ:សេនីយ៍ត្រី ព្រហ្ម ថេង បានឲ្យដឹងទៀតថា យោងតាមចម្លើយសារភាពនិងរួមជាមួយវត្ថុតាងដែលកម្លាំងអាវុធហត្ថដកហូតបានមានកាំបិតពណ៌ស ដងឈើប្រវែង២៨សង់ទីម៉ែត្រ១ដើមផងនោះ សមត្ថកិច្ចអាវុធហត្ថជំនាញបានធ្វើការចោទប្រកាន់ពីបទ ហិង្សាដោយចេតនា(មានស្ថានទម្ងន់) ហើយបានកសាងសំណុំរឿងបញ្ជូនទៅតុលាការដើម្បីចាត់ការតាមនីតិវិធីច្បាប់៕

ចាក់ធ្លាយពោះ

ចាក់ធ្លាយពោះ

ចាក់ធ្លាយពោះ

ចាក់ធ្លាយពោះ

ចាក់ធ្លាយពោះ