Post News Media ព័ត៌មានជាតិ បញ្ជូនអ្នកប្រ...

បញ្ជូនអ្នកប្រើប្រាស់គ្រឿងញៀន១១នាក់ទៅតុលាការ

ចែកចាយបន្ត

ភ្នំពេញ: ជនសង្ស័យប្រើប្រាស់គ្រឿងញៀនចំនួន១១នាក់ ត្រូវបាននគរបាលខណ្ឌសែនសុខកសាងសំណុំរឿងបញ្ជូនទៅកាន់សាលាដំបូងរាជធានីភ្នំពេញ ក្រោយពីឃាត់ខ្លួនធ្វើការសាកសួរ និងធ្វើតេស្តទៅលើទឹកនោមឃើញមានផ្ទុកនូវសារជាតិញៀន នៅព្រឹកថ្ងៃទី១៨ ខែតុលា ឆ្នាំ២០១៦នេះ។

លោក ម៉ក់ ហុង អធិការខណ្ឌបានមានប្រសាសន៍ថា ដោយមានបទបញ្ជាពីលោកអគ្គស្នងការរង និងជាស្នងការរាជធានីភ្នំពេញ ដោយមានការសម្របសម្រួលពីលោក សេង ហៀង ព្រះរាជ អាជ្ញរងនៃអយ្យការអមសាលាដំបូងរាជធានីភ្នំពេញ បានបញ្ជាមកលោកឲ្យចុះសហការនិងបង្ក្រាបជាក់ស្តែងទើប លោកដាក់បញ្ជាមកតាមបណ្តាប៉ុស្តិ៍ឲ្យយកចិត្តទុកដាក់ក្នុង មូលដ្ឋាននៅល្ងាចថ្ងៃទី១៥ ខែតុលា ឆ្នាំ២០១៦ កម្លាំងប៉ុស្តិ៍ទឹកថ្លាបានសហការជាមួយខណ្ឌ ឃាត់យុវជនទាំង១១នាក់ខាងលើ និងដកហូតថ្នាំញៀនប្រភេទម្សៅក្រាមពណ៌សថ្លា៣កូនថង់តូច សម្ភារ:ប្រើប្រាស់មួយចំនួនទៀត។

ក្រោយពីធ្វើការសាកសួរចប់ក្នុងសង្កាត់ទឹកថ្លាខណ្ឌសែនសុខ ជនសង្ស័យទាំង១១នាក់ខាងលើនេះ ក៏បានបញ្ជូនខ្លួនទៅកាន់សាលាដំបូងរាជធានីភ្នំពេញ៕

គ្រឿងញៀន

គ្រឿងញៀន

គ្រឿងញៀន