Post News Media ព័ត៌មានជាតិ ឧបករណ៍នេសាទល្...

ឧបករណ៍នេសាទល្មើសច្បាប់ជាច្រើន ត្រូវបាននគរបាលស្រុកកោះធំបង្ក្រាប និងដុតកម្ទេចចោល

ចែកចាយបន្ត

កណ្តាល: លោក ជា សុខរក្សា អភិបាលរងស្រុកកោះធំ និងលោកវរសេនីយ៍ ឈឿន ប៊ុនឆន អធិកានគរបាលស្រុកកោះធំ បានដឹកនាំគណ:បញ្ជាការឯកភាពស្រុកកោះធំ រួមមានអាជ្ញាធរស្រុក មន្ត្រីជំនាញជលផល ព្រមទាំងកម្លាំងសមត្ថកិច្ចចម្រុះ កាលពីព្រឹកថ្ងៃទី១៨ ខែតុលា ឆ្នាំ២០១៦នេះ ចុះបង្រ្កាបបទល្មើសនៅតាមព្រំដែន ស្ថិតនៅចំណុចអតីតដែនឡូត៍នេសាទលេខ១០ និង១១ ក្នុងភូមិប៉ាក់ណាម ឃុំព្រែកជ្រៃ ស្រុកកោះធំ ខេត្តកណ្តាល ជាប់ព្រំប្រទល់ប្រទេសវៀតណាម ដែលមានប្រជានេសាទជាជនជាតិខ្មែរ និងជនជាតិវៀតណាមខុសច្បាប់។

លោក ជា សុខរក្សា មានប្រសាសន៍ថា ប្រតិបត្តិការបង្រ្កាបនេះជាលើកទី៤ហើយ បន្ទាប់ពីមានការរាយការណ៍ជាបន្តបន្ទាប់ពីប្រជាពលរដ្ឋស្រុកកោះធំ។ លោកថា កម្លាំងចម្រុះចំនួន៥៦នាក់ ចូលរួមក្នុងនោះមានមន្ត្រីជំនាញជលផល៤នាក់ យោធាស្រុក២នាក់ មន្ត្រីកងរាជអាវុធហត្ថស្រុក២នាក់ ក្រៅពីនោះ គឺជាកម្លាំងនគរបាលអធិការដ្ឋាននគរបាលស្រុកកោះធំ។

លោកវរសេនីយ៍ ឈឿន ប៊ុនឆន បានប្រាប់ឲ្យដឹងថា កាលពីថ្ងៃទី១៧ ខែតុលា ឆ្នាំ២០១៦ ដោយមានបញ្ជាពីគណ:បញ្ជាការឯកភាពស្រុកឱ្យចុះបង្ក្រាបបទល្មើសនេសាទខុសច្បាប់  អធិការនៃអធិការដ្ឋាននគរបាលស្រុកកោះធំ បានសុំគោលការណ៍ពី លោកឧត្តមសេនីយ៍ទោ អ៊ាវ ចំរើន ស្នងការនគរបាលខេត្ត ដោយលោកស្នងការ បានឯកភាពទាំងស្រុងឲ្យចុះបង្ក្រាប។

ជាក់ស្ដែងនៅវេលាម៉ោង៥និង៣០នាទីព្រឹកព្រលឹមថ្ងៃទី១៨ ខែតុលា ឆ្នាំ២០១៦ កម្លាំងគណ:បញ្ជាការឯកភាពស្រុកដឹកនាំដោយលោក អភិបាលរង សុខ រក្សា រីឯកម្លាំងនគរបាលស្រុកដឹកនាំបញ្ជាផ្ទាល់ដោយលោកវរសេនីយ៍ទោ ឈឿន ប៊ុនឆន អធិការនគរបាលស្រុក ដោយមានមន្ត្រីនគរបាលចូលរួមសរុប៤៥ នាក់ បានចុះបង្ក្រាបបទល្មើសនេសាទដែលនៅសេសសល់ក្នុងភូមិប៉ាក់ណាម ដោយរឹបអូសបានឧបករណ៍ល្មើសនេសាទជាច្រើន ដូចជា ដាក់ស្បៃមុងក្រឡាញឹក (សៃយ៉ឺន) ជាច្រើនខ្សែ និងរបាំងភ្នោះ ។ល។ ។ ចំណែកជនល្មើស គឺកម្លាំងមិនបានឃាត់ខ្លួននោះទេ។

ជាចុងក្រោយមន្ត្រីអធិការដ្ឋានបានពន្យល់ទៅប្រធានសហគមន៍ ក៏ដូចជាប្រជាជន ដែលដាក់ឧបករណ៍នេសាទក្នុងឡូត៍នោះឲ្យដកចេញជាបន្ទាន់ ហើយព្រមាននឹងចាត់វិធានការច្បាប់យ៉ាងតឹងរឹងបំផុត។ ប្រជាជនដែលដាក់ស្បៃមុងក្រឡាញឹកនេះ មិនបានស្តាប់ហេតុផលនគរបាលឡើយ បែរជាប្រឆាំងតបត និងជេរប្រមាថនគរបាលហើយអះអាងថា ខ្លួនចេះច្បាប់ជលផលជាងនគរបាល និងថា រើបានលុះត្រាមានបញ្ជាពីប្រធានសហគមន៍មួយប៉ុណ្ណោះ។ ពេលនោះ ប្រជាជនបានឡោមព័ទ្ធសមត្ថកិច្ច និងផ្ទុះហិង្សាមកលើសមត្ថកិច្ច តែសមត្ថកិច្ចនៅតែរក្សាគោលជំហរមិនតបតដោះស្រាយដោយសន្តិវិធី និងសុំគោលការណ៍ពី លោកស្នងការ និងលោកព្រះរាជអាជ្ញាអមសាលាដំបូងខេត្ត ដើម្បីធ្វើការនាំខ្លួនជនប្រព្រឹត្តមកកាន់អធិការដ្ឋាននគរបាលស្រុក ដើម្បីអប់រំ៕

photo_2016-10-18_10-53-42

photo_2016-10-18_10-53-40

photo_2016-10-18_10-53-41

photo_2016-10-18_10-50-30

photo_2016-10-18_10-50-31

photo_2016-10-18_10-50-33

photo_2016-10-18_10-50-34

photo_2016-10-18_10-50-35

photo_2016-10-18_10-50-36

photo_2016-10-18_10-50-37

photo_2016-10-18_10-50-19

photo_2016-10-18_10-50-20

photo_2016-10-18_10-50-21

photo_2016-10-18_10-50-22

photo_2016-10-18_10-50-28