Post News Media ព័ត៌មានជាតិ ផ្លូវ២៧១ចំការ...

ផ្លូវ២៧១ចំការដូង ត្រូវបានផ្អាកមិនឲ្យរថយន្តធន់ធំឆ្លងកាត់ បន្ទាប់ពីមានទឹកជន់លិច

ចែកចាយបន្ត

ភ្នំពេញ: បន្ទាប់ពីមានការបាក់ទំនប់សន្តរស្ទឹងព្រែកត្នោតរយ:ពេល២ថ្ងៃរួចមក គេសង្កេតឃើញ ជំនន់ទឹកភ្លៀងបានបន្តជន់លិចផ្ទះសម្បែង សាលារៀន វត្តអារាម រួមនឹងផលដំណាំរបស់ប្រជាពលរដ្ឋដែលរស់នៅក្នុងខណ្ឌដង្កោ ត្រូវបានជន់លិច ជាបន្តបន្ទាប់ ។

ជាក់ស្តែង បើយោងតាមសេចក្តីរាយការណ៍ពីភ្នាក់ងារ Post News បានឲ្យដឹងថា រហូតមកទល់នឹងព្រឹកថ្ងៃទី១៩ ខែតុលា ឆ្នាំ២០១៦នេះ គឺជំនន់ទឹកភ្លៀងខាងលើ បានជន់លិចហូរកាត់បណ្តោយផ្លូវលេខ២១៧ ចំការដូង ត្រង់ចំណុចភូមិព្រែកជ្រៃ សង្កាត់ស្ពានថ្ម ខណ្ឌដង្កោ រាជធានីភ្នំពេញ ។ ហើយរហូតមកទល់នឹងពេលនេះ កម្លាំងមានសមត្ថកិច្ចបានសម្រេចធ្វើការផ្អាកចរាចរណ៍របស់ រថយន្តធន់ធំ ដោយមិនអនុញ្ញាតិឲ្យធ្វើចរាចរណ៍ឆ្លងកាត់ទៅមកបាននោះឡើយ ៕