Post News Media ព័ត៌មានជាតិ បុរសអាយុ៥០ឆ្ន...

បុរសអាយុ៥០ឆ្នាំ រួមនឹងថ្នាំញៀន៣កញ្ចប់ ត្រូវសមត្ថកិច្ចឃាត់ខ្លួន

ចែកចាយបន្ត

កណ្ដាល: បុរសអាយុ៥០ឆ្នាំម្នាក់ រួមទាំងគ្រឿងញៀន៣កញ្ចប់ ត្រូវបានសមត្ថកិច្ចក្រុងតាខ្មៅឃាត់ខ្លួនកាលពីវេលាម៉ោង១១និង៣០នាទីយប់ថ្ងៃទី១៨ ខែតុលា ឆ្នាំ២០១៦ នៅចំណុចផ្លូវ១០៧ សង្កាត់តាខ្មៅ ក្រុងតាខ្មៅ។

ជនសង្ស័យឈ្មោះ ពេជ្យ សារី ភេទប្រុស អាយុ៥០ឆ្នាំ មុខរបរមិនពិតប្រាកដ ស្នាក់នៅភូមិក្រពើហាកើត សង្កាត់ព្រែកឫស្សី ក្រុងតាខ្មៅ។ សមត្ថកិច្ចដកហូតម្សៅសក្រាមពណ៌សសង្យ័យសារធាតុញៀន៣កញ្ចប់ធំ -ម៉ូតូ១គ្រឿងម៉ាកC125 សេរី២០១០ ពណ៌ខ្មៅ ស្លាកលេខភ្នំពេញ 1AO-9847 -លុយដុល្លាក្លែងក្លាយចំនួន៦៥ដុល្លារ -កាបូបលុយពណ៌ខ្មៅ១។

សមត្ថកិច្ចបានឲ្យដឹងថា នៅមុនពេលកើតហេតុ កម្លាំងផ្នែកប្រឆាំងគ្រឿងញៀន និងកម្លាំងអន្តរាគមន៍ក្រុងតាខ្មៅបានចេញល្បាត ហើយក៏ប្រទះឃើញជនសង្ស័យកំពុងអង្គុយលើម៉ូតូ ដោយមានការសង្ស័យ រួចក៏ឃាត់ឆែកឆេរឃើញវត្ថុតាងដូចខាងលើតែម្តង។

ជនសង្ស័យបានសារភាពថា ថ្នាំញៀនខាងលើឈ្មោះម៉ាប់ ភេទប្រុស អាយុ៣០ឆ្នាំ នៅម្តុំស្ទឹងមានជ័យ បានឲ្យមកខ្លួន ដើម្បីទុកប្រើប្រាស់។ ក្រោយពេលសាកសួររួច សមត្ថកិច្ចបានកសាងសំណុំរឿងបញ្ជូនទៅចាត់ការតាមនីតិវិធីច្បាប់៕

photo_2016-10-19_11-23-23

photo_2016-10-19_11-23-21