Post News Media ព័ត៌មានជាតិ ​​​យុវជន​ ​​ដ...

​​​យុវជន​ ​​ដែល​បាត់ខ្លួន​​​​​​នៅ​កន្លែង​ទេសចរណ៍​ទំនប់​ម្កាក់​រកឃើញហើយ​​​​​​

ចែកចាយបន្ត

សៀមរាប: ​​ទំនប់​ម្កាក់​ គឺជា​កន្លែង​ទេសចរណ៍​កម្សាន្ត​ដែល​មាន​ប្រជាពលរដ្ឋ​ជាច្រើន​មកពី​គ្រប់​ទិសទី​បាន​នាំគ្នា​លេង​នៅ​ទីនោះ។ ជាក់ស្តែង​កាល​ពី​ថ្ងៃទី១៨ ខែតុលា​ ឆ្នាំ​២០១៦ វេលា​ម៉ោង​៥ ​និង​៥០​នាទី ​មាន​ករណី​លង់ទឹក​បណ្ដាល​ឲ្យ​ក្មេង​ប្រុស​ម្នាក់​ បាន​ស្លាប់​បាត់​បង់ជីវិត​ ​​រក​មិនឃើញ ​រហូត​ដល់​វេលា​ម៉ោង​៨និង​៣០​នាទី​ព្រឹក ​ថ្ងៃទី​១៩​ ខែតុលា ​ឆ្នាំ​២០១៦ កម្លាំង​សមត្ថកិច្ច​នគរបាល ​​និង​ក្រុម​គ្រួសារ ព្រមទាំង​ប្រជាពលរដ្ឋ​ បាន​ប្រើប្រាស់​ទូក​បន្ត​រក ​ក៏​ប្រទះឃើញ​សាកសព​អណ្ដែត​នៅ​លើ​ផ្ទៃ​ទឹក​។ ករណីនេះ​ កើតឡើង​នៅ​ភូមិ​ម្កាក់ ឃុំ​គោកធ្លក​លើ ស្រុក​ជីក្រែង ខេត្តសៀមរាប​។

លោក​វរសេនីយ៍ត្រី​ សុខ សុទ្ធា​វុ​ធ ​អធិការនគរបាល​ស្រុក​ជីក្រែង ​បាន​ឲ្យ​ដឹងថា​ ក្មេងប្រុស​ដែល​លង់ទឹក​ស្លាប់​នៅ​ចំណុច​ខាងលើ​ មានឈ្មោះ វីត រ៉េត អាយុ​១៨​ឆ្នាំ ​មាន​ទីលំនៅ​ភូមិ​តាវៀន ​សង្កាត់​សាលា​កំរើក​ ក្រុង​-​ខេត្តសៀមរាប ​បាន​នាំ​មិត្តភក្ដិ ​ទៅលេង​ទឹក​នៅ​ទំ​បន់​ម្កាក់​ បណ្ដាល​ឲ្យ​លង់​ស្លាប់ ក្រោយ​ពេល​កើតហេតុ កម្លាំង​សមត្ថកិច្ច​នគរបាល​ស្រុក​បាន​ចុះទៅ​កន្លែង​កើតហេតុ ​និង​បាន​ជួយ​រក​ជនរងគ្រោះ​តែ​រក​មិនឃើញ​អស់​រយ:ពេល​មួយ​យប់​ រហូតដល់​វេលា​ម៉ោង​៨​និង​៣០​នាទី​ព្រឹក​ថ្ងៃទី​១៩ ខែតុលា ​ឆ្នាំ​២០១៦ កម្លាំង​សមត្ថកិច្ច​នគរបាល និង​ក្រុមគ្រួសារ ​ព្រមទាំង​ប្រជាពលរដ្ឋ​បាន​ប្រើប្រាស់​ទូក​បន្ត​រក ​ក៏​ប្រទះឃើញ​សាកសព​អណ្ដែត​នៅ​លើ​ផ្ទៃ​ទឹក​។

បច្ចុប្បន្ន​សាកសព ​បន្ទាប់ពី​សមត្ថកិច្ច​នគ​របាល​ធ្វើ​កំណត់​​ហេតុ​រួច ​បាន​ប្រគល់​ជូន​ក្រុមគ្រួសារ​យក​ទៅ​ធ្វើបុណ្យ​តាម​ប្រពៃណី​៕

លង់ទឹក

លង់ទឹក

លង់ទឹក