Post News Media ព័ត៌មានជាតិ រដ្ឋមន្ត្រីបរ...

រដ្ឋមន្ត្រីបរិស្ថាន គាំទ្រពេញទំហឹងសកម្មភាពអភិរក្សសត្វដំរីកម្ពុជា

ចែកចាយបន្ត

ភ្នំពេញ: រដ្ឋមន្ត្រីក្រសួងបរិស្ថាន លោក សាយ សំអាល់ បានធ្វើការប្ដេជ្ញាគាំទ្រយ៉ាងពេញទំហឹងចំពោះសកម្មភាពអភិរក្សដំរីនៅកម្ពុជា ដែលមានការសហការជាដៃគូរជាមួយអង្គការក្រៅរដ្ឋាភិបាល។ នេះបើតាមការចេញផ្សាយរបស់ទំព័រហ្វេសប៊ុកក្រសួង នារសៀលថ្ងៃទី១៩ ខែតុលា។

ហ្វេសប៊ុកក្រសួងបរិស្ថាន ឲ្យដឹងថា នៅព្រឹកថ្ងៃទី១៩ ខែតុលា ឆ្នាំ២០១៦ លោក សាយ សំអាល់ បានអនុញ្ញាតឲ្យលោកស្រី ក្លេស ចិន្តា ប្រធានសមាគមមូលនិធិអភិរក្សដំរីខ្មែរ អៃរាវត្តា ចូលជួបសម្ដែងការគួរសម និងពិភាក្សាការងារ ពាក់ព័ន្ធនឹងការអភិរក្សដំរីខ្មែរ ស្ថិតក្នុងភូមិសាស្ត្រខេត្តរតនគិរី។ លោករដ្ឋមន្ត្រី បានជម្រាបជូនភ្ញៀវអំពីស្ថានភាព និងវឌ្ឍនភាពការងាររបស់ក្រសួងបរិស្ថាន ទាំងក្នុងកិច្ចគាំពារបរិស្ថាន ការអភិរក្សជីវ:ចម្រុះ ការការពារធនធានធម្មជាតិ និងការរស់នៅដោយចីរភាព។

ឆ្លើយតបទៅនឹងសំណូមពររបស់លោកស្រី ក្លេស ចិន្តា ដែលស្នើសុំក្រសួងបរិស្ថាន ជួយគាំទ្រដល់សកម្មភាពអភិរក្សដំរី ទាំងការកំណត់ដែនជម្រកសម្រាប់ដំរី ការបន្តពូជរបស់ដំរី ការបណ្តុះបណ្តាលមរដំរី ការអភិវឌ្ឍគោលដៅទេសចរណ៍ ក៏ដូចជាការស្វែងរកការងារជូនប្រជាសហគមន៍ លោករដ្ឋមន្ត្រីបានសម្តែងនូវការគាំទ្រ ដោយបានជំរុញឲ្យក្រុមការងារនៃភាគីទាំងពីរ បន្តធ្វើការជាមួយគ្នា ក្នុងគោលបំណងជំរុញការលើកកម្ពស់ប្រសិទ្ធភាពការងារអភិរក្សដំរីនៅកម្ពុជាជារួម៕

14708282_761285594010564_715164140344120734_n

14642363_761285590677231_4889138453290810974_n

14705717_761285444010579_1016888014823387966_n

14642410_761285450677245_4232226866587056681_n

14657395_761285474010576_1878960397867297261_n

14725707_761285484010575_1516991884143815022_n