Post News Media ព័ត៌មានជាតិ បត់​ម៉ូតូ​មិន...

បត់​ម៉ូតូ​មិន​ប្រយត្ន​ត្រូវ ​រថយន្តបុក​​ស្លាប់​ភ្លាម​មួយ​រំពេច​

ចែកចាយបន្ត

បន្ទាយមានជ័យ: ​មាន​ឧបទ្ទវហេតុ​គ្រោះថ្នាក់​ចរាចរណ៍​មួយ​បានកើត​ឡើង​រវាង​ម៉ូតូនិង​រថយន្ត​ ​បណ្តាល​ឲ្យម្ចាស់បើកបរម៉ូតូ​ស្លាប់​ភ្លាម​មួយ​រំពេច ​នៅវេលា​ម៉ោង៨​យប់​ ថ្ងៃទី​១៨ ​ខែតុលា​ ឆ្នាំ​២០១៦ ​នៅលើផ្លូវ​ជាតិលេខ 268A ​ត្រង់ចំណុច​ប្រឡាយ​ចិន​ស្ថិត​ក្នុងភូមិ​ស្រះ​ជីក ឃុំ​ស្រះ​ជីក ស្រុក​ភ្នំស្រុក ខេត្តបន្ទាយមានជ័យ​។​

​អាវុធហត្ថ​ភ្នំស្រុក​បាន​ឲ្យ​ដឹងថា ​នៅមុន​ពេល​កើតហេតុ​នោះ​មាន​រថយន្ត​ម៉ាក ​កា​ម៉ា​រី ​ ពណ៌សរ​ មិន​ស្គាល់​ស្លាក​លេខ​ បើក​ស្រប​ទិស​គ្នា​ក្នុង​ល្បឿន​លឿន ​លុះ​បើក​មកដល់​ចំណុច​កើតហេតុ​ស្រាប់​តែ​មាន​ម៉ូតូ​ម៉ាក​ ​វី​វា ​ពណ៌​​ក្រហម​ពាក់​ស្លាក​លេខ​បន្ទាយមានជ័យ​ 1C2616​ បើក​ដោយ ឈ្មោះ ធុន ​ធឿ ភេទ​ប្រុស​ អាយុ​៣៣​ឆ្នាំ​ រស់នៅ​ភូមិ​ស្រះ​ជីក​ ឃុំ​ស្រះ​ជីក ​ស្រុក​ភ្នំស្រុក​ ខេត្តបន្ទាយមានជ័យ​ ​បាន​បត់​ម៉ូតូ​ដោយ​មិនបាន​មើលមុខ​ក្រោយ​ក៏​ត្រូវរថយន្តបុក​ចំ​ពេញ​ទំ​ហឹង អូស​ជាច្រើន​ម៉ែត្រ​បណ្តាល​ឲ្យ​ស្លាប់​ នៅ​នឹង​កន្លែងកើត​ហេតុ​តែម្តង​។​

សមត្ថកិច្ចបានបន្ថែម​ថា​ ក្រោយពេល​កើតហេតុ​រថយន្ត​បើក​រត់​គេចខ្លួនបាត់​តែម្តង​។​ ចំណែក​សព​ជនរងគ្រោះ​ត្រូវ​បាន​ក្រុមគ្រួសារ​យកទៅ​ធ្វើបុណ្យ​តាម​ប្រពៃណី​ រីឯ​ម៉ូតូ​ ​ត្រូវ​បាន​សមត្ថ​កិច្ច​យក​មក​រក្សាទុក​នៅ​ប៉ុស្តិ៍​នគរ​បាល​ឃុំ​ស្រះ​ជីក​ដើម្បី​ដោះស្រាយ​ទៅតាម​នីតិ​វិធី​ច្បាប់​៕​

គ្រោះថ្នាក់ចរាចរណ៍

គ្រោះថ្នាក់ចរាចរណ៍

គ្រោះថ្នាក់ចរាចរណ៍