Post News Media ព័ត៌មានជាតិ សហភាពសហព័ន្ធយ...

សហភាពសហព័ន្ធយុវជនកម្ពុជា ទស្សន:កិច្ចស្វែងយល់ពីវិមានសន្តិភាព

ចែកចាយបន្ត

ភ្នំពេញ: នៅក្នុងខួបគំរប់៦ឆ្នាំនៃដំណើរការវិមានសន្តិភាព ដែលជាកន្លែងធ្វើការរបស់ប្រមុខរដ្ឋភិបាលកម្ពុជា សម្តេចតេជោ ហ៊ុន សែន នាយករដ្ឋមន្ត្រីនៃព្រះរាជណាចក្រកម្ពុជា សម្តេចបានអនុញ្ញាតឲ្យក្រុមយុវជននៃសហភាពសហព័ន្ធយុវជនកម្ពុជា ចូលទស្សន:កិច្ចស្វែងយល់ពីវិមានសន្តិភាពនាព្រឹកថៃ្ង ទី១៩ ខែ តុលា ឆ្នាំ២០១៦។

លោក ដាវ អានសាន សមាជិកគណ:កម្មាធិការកណ្តាលសហភាពសហព័ន្ធយុវជនកម្ពុជា បានឲ្យដឹងថា “ក្នុងឱកាសខួបគំរប់៦ឆ្នាំនៃដំណើរការវិមានសន្តិភាពជាផ្លូវការសម្តេចតេជោ ហ៊ុន សែន នាយករដ្ឋមន្ត្រី បានផ្តល់ឱកាសអនុញ្ញាឲ្យសហភាពសហព័ន្ធយុវជនកម្ពុជា រៀបចំនូវកម្មវិធីទស្សន:កិច្ចវិមានសន្តិភាព ជាការផ្តល់ឱកាសដោយផ្ទាល់ដល់សាធារណ:ជនទូទៅ ពិសេសគឺយុវជនកម្ពុជាឲ្យមានឱកាសបានមកទស្សន:កិច្ចដោយផ្ទាល់នូវក្នុងអាគារវមានសន្តិភាព ដើម្បីស្វែងយល់អំពីមុខងារ និងការប្រើប្រាស់វិមានសន្តិភាព ដែលជានិមិត្តរូបនៃវឌ្ឍន៍ភាពសង្គម សមិទ្ធផល និងកិច្ចខិតខំប្រឹងប្រែងរដ្ឋរដ្ឋាភិបាលកម្ពុជា ក្នុងការនាំនូវសន្តិភាព និងការរក្សាតម្លៃនៃសន្តិភាព ក៏ដូចជាជម្រុញទឹកចិត្តយុវជនជំនាន់ក្រោយអំពីភាពជាគម្រូនៃភាពជាអ្នកដឹកនាំ និងសមត្ថភាពក្នុងការលើកតម្កើងតិត្យានុភាពជាតិ”។

លោក រ៉ា ណារិទ្ធ យុវជនស្ម័គ្រចិត្ត និងអ្នកសម្របសម្រួលមគ្គុទ្ទេសកម្មវិធីទស្សន:កិច្ចវិមានសន្តិភាពបានឲ្យដឹងថា “អាគារវិមានសន្តិភាពបានសាងសងនូវក្នុងឆ្នាំ២០០៨ ដោយចំណាយពេលសាងសងរយ:ពេល១៨ខែ ធ្វើការសាងសងដោយកូនខ្មែរសុទ្ធ និងចរនាបទខ្មែរទាំងស្រុង ហើយអាគារបានសម្ពោធដាក់ឲ្យដំណើរការជាផ្លូវការនូវថៃ្ងទី១៩ ខែ តុលា ឆ្នាំ២០១០ ក្រោមព្រះរាជាធិបតីភាពព្រះករុណា ព្រះបាទសម្តេច ព្រះនរោត្តម សីហមុនី ព្រះមហាក្សត្រនៃព្រះរាជណាចក្រកម្ពុជា”។

សូមជម្រាប់ថា កម្មវិធីទស្សន:កិច្ចវិមានសន្តិភាព មានបើកជូនសាធារណ:ជនក្នុងមួយខែម្តង ដើម្បីទស្សន:ស្វែងយល់ពីវិមានសន្តិភាព ប្រសិនបើបងប្អូនប្រជាពលរដ្ឋកម្ពុជា ក៏ដូចជាយុវជនកម្ពុជាមានបំណងចង់ចូលទស្សន:កិច្ច សូមទំនាក់ទំនងមកទីស្នាក់ការកណ្តាលសហភាពសហព័ន្ធយុវជនកម្ពុជា តាមយ:ទូរស័ព្ទលេខ ០១២ ៦៩៣ ១៦៩៕

photo_2016-10-19_19-42-25

photo_2016-10-19_19-42-27

photo_2016-10-19_19-42-29

photo_2016-10-19_19-42-31

photo_2016-10-19_19-42-33