Post News Media ព័ត៌មានជាតិ ចាប់ពីពេលនេះ ...

ចាប់ពីពេលនេះ សាធារណជនអាចចូលទស្សនាវិមានសន្តិភាពបាន តាមរយ: “កម្មវិធីទស្សនកិច្ចវិមានសន្តិភាព”

ចែកចាយបន្ត

ភ្នំពេញ: កម្មវិធី ទស្សនកិច្ចវិមានសន្តិភាព ត្រូវបានបើកឲ្យដំណើរការជាផ្លូវការ នៅព្រឹកថ្ងៃទី១៩ ខែតុលា ឆ្នាំ២០១៦ នេះ ចំនឹងថ្ងៃគម្រប់ឆ្នាំទី៦ នៃការដាក់ឲ្យប្រើប្រាស់អគារវិមានសន្តិភាពជាផ្លូវការ។

កម្មវិធី ទស្សនកិច្ចវិមានសន្តិភាព គឺជាគំនិតផ្តួចផ្តើម និងការផ្តល់ឱកាសដោយ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា។ ក្រោមការចូលរួមចំណែករបស់សហភាព សហព័ន្ធយុវជនកម្ពុជា កម្មវិធីដំណើរទស្សនកិច្ចនេះ មានគោលបំណង: ១) ផ្តល់ឱកាសឲ្យយុវជន និងសាធារណជនទូទៅស្វែងយល់ អំពីមុខងារ និងការប្រើប្រាស់ វិមានសន្តិភាព និងអំពីការងារ សមិទ្ធផល និងកិច្ចខិតខំប្រឹងប្រែងរបស់រាជរដ្ឋាភិបាល កម្ពុជា ក្នុងការនាំមកនូវសន្តិភាព និងការរក្សាតម្លៃនៃសន្តិភាព ២) បង្កើនភាពស្និទ្ធស្នាលរវាងប្រជាពលរដ្ឋទូទៅ និងថ្នាក់ដឹកនាំ ៣) ជំរុញទឹកចិត្តយុវជន ជំនាន់ក្រោយអំពីភាពជាគម្រូនៃភាពជាអ្នកដឹកនាំ និងតម្លៃនៃសន្តិភាព និង ៤) ពង្រីកស្មារតីមោទនភាពជាតិរបស់ប្រជាពលរដ្ឋខ្មែរចំពោះប្រជាជាតិកម្ពុជា តាមរយ:មហាស្ថាបត្យកម្ម វិមានសន្តិភាព។

ជាមួយនឹងការទទួលបានការគាំទ្រពីសំណាក់ប្រជាជន និងយុវជនកម្ពុជាគ្រប់មជ្ឈដា្ឋន ជាពិសេសការយកចិត្តទុកដាក់ខ្ពស់ពីសំណាក់រាជរដ្ឋាភិបាលកម្ពុជាលើការចូលរួមរបស់យុវជនក្នុងដំណើរវិវត្ត អភិវឌ្ឍន៍ និងភាពរីកចម្រើនរបស់ប្រទេស នាពេលកន្លងមក សហភាពសហព័ន្ធយុវជនកម្ពុជា មានកិត្តិយសដ៏ខ្ពង់ខ្ពស់បំផុត ដែលទទួលបានការអនុញ្ញាតពីរាជរដ្ឋាភិបាលកម្ពុជា និងកិច្ចសហការពីសំណាក់គណ:កម្មការគ្រប់គ្រង និងប្រើប្រាស់វិមានសន្តិភាព ដើម្បីចូលរួមរៀបចំកម្មវិធី «ទស្សនកិច្ចវិមានសន្តិភាព» នេះ ដែលប្រព្រឹត្តទៅនៅថ្ងៃសៅរ៍នៃសប្តាហ៍ណាមួយជារៀងរាល់មួយខែម្តង។

គម្រោងទស្សនកិច្ចនេះ នឹងប្រព្រឹត្តទៅតាមកម្មវិធី និងសកម្មភាពទស្សនកិច្ចតាមសាលសន្និសីទ និងបន្ទប់ប្រជុំសំខាន់ៗ ដោយរួមជាមួយខ្លឹមសារបរិយាយលើ ១) គោលបំណង មូលហេតុ និងប្រវត្តិនៃការកសាងវិមាន ២) រចនាបថ និងប្រភេទនៃស្ថាបត្យកម្ម ៣) ស្ថាបនិក និងស្ថាបត្យករ ៤) សាវតានៃការប្រើប្រាស់វិមានសម្រាប់កិច្ចប្រជុំ និងព្រឹត្តិការណ៍សំខាន់ៗ និងខ្លឹមសារពាក់ព័ន្ធដទៃទៀត។ សហភាពសហព័ន្ធយុវជនកម្ពុជា ជឿជាក់ថា កម្មវិធី ទស្សនកិច្ចវិមានសន្តិភាព នឹងផ្តល់ជូនដល់អ្នកចូលរួមទស្សនកិច្ចទាំងអស់ នូវមោទនភាពប្រកបដោយភាពវិជ្ជមាន និងការជឿជាក់លើកម្ពុជា និងរាជរដ្ឋាភិបាលកម្ពុជា តាមរយ:ការចូលរួមចំណែកជាមួយរាជរដ្ឋាភិបាលកម្ពុជាក្នុងការលើកតម្លៃសុខសន្តិភាព ស្ថិរភាព និងជំរុញការអភិវឌ្ឍសង្គមកម្ពុជា។

សម្រាប់ព័ត៌មានបន្ថែម សូមទាក់ទងស្នាក់ការកណ្តាល សហភាពសហព័ន្ធយុវជនកម្ពុជា តាមរយ:អស័យដ្ឋានដូចខាងក្រោម ឬទូរស័ព្ទលេខ ០១២ ៦៩៣ ១៦៩ អ៊ីម៉ែល tour.peacepalace@gmail.com និងព័រហ្វេសប៊ុក www.facebook.com/peacepalacetourcambodia

photo_2016-10-19_20-16-48

photo_2016-10-19_20-16-51

photo_2016-10-19_20-16-52

photo_2016-10-19_20-16-54

photo_2016-10-19_20-16-56

photo_2016-10-19_20-16-58

photo_2016-10-19_20-17-00

photo_2016-10-19_20-17-02

photo_2016-10-19_20-17-04

photo_2016-10-19_20-17-05