អាមេរិកមិនដកក...

អាមេរិកមិនដកកងទ័ពទ្បើយ បើទោះបីរងការជេរប្រមាថពីប្រធានាធិបតីហ្វីលីពីន

ចែកចាយបន្ត

អាមេរិកៈ មេបញ្ជាការកំពូលអាមេរិក កាលពីថ្ងៃអង្គារ បានឱ្យដឹងថា កិច្ចសហប្រតិបត្តិការយោធារវាងអាមេរិក និងហ្វីលីពីនមិនមានការផ្លាស់ប្តូរទេ បើទោះបីជាមានសេចក្តីថ្លែងការណ៍របស់លោកប្រធានាធិបតីហ្វីលីពីន ប្រមាថមើលងាយប្រធានាធិបតីអាមេរិក លោកបារ៉ាក់ អូបាម៉ា យ៉ាងណាក៏ដោយ។ នេះបើយោងតាមរយៈ សារព័ត៌មាន Channel News Asia ចេញផ្សាយថ្ងៃទី១៦​ ខែវិច្ឆិកា ឆ្នាំ២០១៦។

ប្រធានាធិបតីហ្វីលីពីនលោក Rodrigo Duterte បានសម្តែងឆន្ទៈក្នុងការស្នើសុំដកកងទ័ពអាមេរិក ពីប្រទេសលោក ហើយថែមទាំងបានប្រមាថប្រធានាធិបតីអាមេរិក លោកអូបាម៉ាថា ជាកូនរបស់បីសាច ឬមនុស្សចង្រៃ។

លោក Harry Harris មេបញ្ជាការនៃតំបន់ប៉ាស៊ីហ្វិកពារបស់សហរដ្ឋអាមេរិក បាននិយាយនៅក្នុងកិច្ចប្រជុំមួយ ក្នុងទីក្រុងវ៉ាស៊ីនតោនថា ជុំវិញអ្វីដែលលោក Rodrigo Duterte ធ្លាប់បានលើកទ្បើងកន្លងមក វាមិនមានការប៉ះពាល់ដល់មិត្តភារវាងអាមេរិក-ហ្វីលីពីនទេ ហើយអាមេរិកនឹងធ្វើសមយុទ្ធយោធារួមគ្នា សម្រាប់ឆ្នាំ ២០១៧ ផងដែរ។

សូមជំរាបថា អាមេរិកបានដាក់មូលដ្ឋានទ័ពនៅហ្វីលីពីន ដោយអនុលោមតាមកិច្ចព្រមព្រៀងលើមូលដ្ឋានយោធា រវាងប្រទេសទាំងពីរក្នុងឆ្នាំ ១៩៤៧៕

អាមេរិក

អាមេរិក

ចែកចាយបន្ត