ចូលប្លន់ផ្ទះ​...

ចូលប្លន់ផ្ទះ​ថៅកែស៊ុបឆ្នាំងដី ផ្អើលក្រុងព្រះសីហនុទាំងព្រឹក

ចែកចាយបន្ត

ព្រះសីហនុៈ ស្រ្តីជនជាតិចិន ថៅកែស៊ុបឆ្នាំងដីម្នាក់ បានរងរបួសធ្ងន់ធ្ងរ ខណៈងើបពីដំណេកជួបចោរប្លន់ចេញពីបន្ទប់ទឹក។ ហេតុការណ៍នេះ បានកើតឡើងនៅវេលាម៉ោងប្រមាណ៧និង២០នាទីព្រឹកថ្ងៃទី១៦ ខែវិច្ឆិកា ឆ្នាំ២០១៦ ត្រង់ចំណុចក្រុម២៧ ភូមិ៣ សង្កាត់លេខ ៣ ក្រុងព្រះសីហនុ។

ស្ត្រីរងគ្រោះបានឲ្យដឹងថា នៅមុនពេលកើតហេតុ ខ្លួនបានងើបពីដំណេក ហើយបានដើរសំដៅទៅបន្ទប់ទឹក ក្នុងគោលបំណង ងូតទឹក រៀបចំខ្លួនទៅផ្សារទិញអ៊ីវ៉ាន់ ប៉ុន្តែគ្រាន់តែទៅដល់មុខបន្ទប់ទឹក ក៏ស្រាប់តែលេខមុខជនសង្ស័យម្នាក់ពួនសម្ងំនៅក្នុងបន្ទប់ទឹក បានស្ទុះមកវាយរូបគាត់ទាំងកំរោលតែម្តង បណ្តាលឲ្យរូបគាត់រងរបួសធ្ងន់ធ្ងរ។ ស្រ្តីរងគ្រោះបន្ដថា ជនសង្ស័យក្រោយពីធ្វើសកម្មភាពវាយគាត់រួចហើយ ក៏បានយកកាបូបលុយរបស់គាត់រត់គេចខ្លួនបាត់ដោយសុវត្ថិភាព។ ចំណែករូបគាត់ត្រូវបានបងប្អូនអ្នកជិតខាងដឹកជញ្ជូនទៅកាន់មន្ទីរពេទ្យធ្វើការជួយសង្គ្រោះភ្លាមៗផងដែរ។

សមត្ថកិច្ចប៉ូលិសសង្កាត់លេខ៣ បានប្រាប់ឲ្យដឹងថា ស្រ្តីរងគ្រោះមានឈ្មោះ ចាំង លីង អាយុ ៣៤ ឆ្នាំ ជនជាតិចិន មុខរបរ ថៅកែស៊ុបឆ្នាំដី (តំបន់ឧតុនិយម) បានរងរបួសដៃ មុខមាត់យ៉ាងធ្ងន់ធ្ងរ ដោយមុខរបួសនេះសង្ស័យថា ជនល្មើសប្រើវត្ថុរឹងវាយទៅលើស្រ្តីរងគ្រោះ។ បច្ចុប្បន្នសមត្ថកិច្ចប៉ូលិសកំពុងតែចុះធ្វើការស្រាវជ្រាវរកអត្តសញ្ញាណជនដៃដល់ ដើម្បីធ្វើការចាប់ខ្លួនផ្តន្ទាទោសតាមផ្លូវច្បាប់៕

photo_2016-11-16_10-53-16

photo_2016-11-16_10-53-17

photo_2016-11-16_10-53-18

ចែកចាយបន្ត