ខណ្ឌរដ្ឋបាលព្...

ខណ្ឌរដ្ឋបាលព្រៃឈើខេត្តពោធិ៍សាត់ ឃាត់ខ្លួនមនុស្សម្នាក់ រួមជាមួយរថយន្តដឹកឈើមួយគ្រឿង

ចែកចាយបន្ត

ពោធិ៍សាត់ៈ កម្លាំងអាវុធហត្ថខេត្តពោធិ៍សាត់ ដឹកនាំដោយលោកវរសេនីយ៍ទោ ឡាយ វិទូ មេបញ្ជាការរង កងរាជអាវុធហត្ថខេត្ត សហការជាមួយនិងខណ្ឌរដ្ឋបាលព្រៃឈើខេត្ត ធ្វើការបង្ក្រាបរថយន្តដឹកឈើប្រណីតមួយគ្រឿង ឃាត់ខ្លួនបានមនុស្សម្នាក់ យកមកធ្វើការសាកសួរ ។

ការបង្ក្រាបនេះបានធ្វើឡើងកាលពីវេលាម៉ោង១០ និង១៥នាទី ថ្ងៃទី ១៥ ខែវិច្ឆិកា ឆ្នាំ២០១៦ ស្ថិតនៅចំណុចភូមិក្តីឈ្នួល ឃុំត្រពាំងជង ស្រុកបាកាន ខេត្តពោធិ៍សាត់។

លោកវរសេនីយ៍ទោ ឡាយ វិទូ មេបញ្ជាការរង កងរាជអាវុធហត្ថខេត្តពោធិ៍សាត់ បានឲ្យដឹងថា ជនសង្ស័យដែលសមត្ថកិច្ចចាប់ខ្លួនបានខាងលើនេះ មានឈ្មោះ ប៉ុច នឿន ភេទប្រុស អាយុ៣៦ឆ្នាំ ស្នាក់នៅផ្ទះលេខ១៨៣ ស្ថិតក្នុងភូមិខ្សាច់ពយ ឃុំ វត្តគ ស្រុកបាត់ដំបង ខេត្តបាត់ដំបង ជាអ្នកបើករថយន្ត ។ ក្នុងនោះដែរ កម្លាំងបានធ្វើការរឹបអូសនិងដកហូតបានរថយន្តមួយគ្រឿងម៉ាក FUSO ចំណុះ៥តោន ពាក់ស្លាកលេខ BB-0247 ដែលមានផ្ទុកឈើគ្រញូងចំនួន១៦៤ដុំ ដែលមានទម្ងន់២៨៨២ គីឡូក្រាម ស្មើនិង ២,៤០១ ម៉ែត្រគូប ផងដែរ។

បច្ចុប្បន្នជនសង្ស័យរួមនិងវត្ថុតាង ត្រូវបានកម្លាំងអាវុធហត្ថ កសាងសំណុំរឿងប្រគល់ខ្លួនទៅឲ្យខណ្ឌរដ្ឋបាលព្រៃឈើខេត្តពោធិ៍សាត់ ដើម្បីចាត់ការបន្តតាមនីតិវិធីច្បាប់៕

បទល្មើសព្រៃឈើ

បទល្មើសព្រៃឈើ

បទល្មើសព្រៃឈើ

ចែកចាយបន្ត