ម៉ូតូ២គ្រឿងបុ...

ម៉ូតូ២គ្រឿងបុកគ្នាពេញទំហឹង បណ្តាលឲ្យមនុស្ស៣នាក់របួសធ្ងន់

ចែកចាយបន្ត

រតនគិរីៈ គ្រោះថ្នាក់ចរាចរណ៍មួយបានកើតឡើងរវាងម៉ូតូ២គ្រឿងបានបុកគ្នាពេញទំហឹង បណ្តាលឲ្យមនុស្សប្រុសស្រី៣នាក់ រងរបួសធ្ងន់ស្រាលត្រូវបានគេបញ្ជូនទៅសង្គ្រោះបន្ទាន់នៅមន្ទីរពេទ្យ។ ហេតុការណ៍នេះបានកើតឡើងកាលពីវេលាម៉ោង៨និង៤៨នាទី ព្រឹកថ្ងៃទី១៦ ខែវិច្ឆិកា ឆ្នាំ២០១៦ ស្ថិតនៅចំណុចផ្លូវបំបែកមុខតូបជាងធី តាមបណ្តោយផ្លូវជាតិ៧៦ ភូមិដីឡូតិ៍ ឃុំជ័យឧត្តម ស្រុកលំផាត់ ខេត្តរតនគិរី។

សមត្ថកិច្ចបានបញ្ជាក់ថា បុរសដែលបើកម៉ូតូបង្កមានឈ្មោះ សិក កាណែ ភេទប្រុស អាយុ៤៩ឆ្នាំ ជនជាតិទំពួន នៅភូមិកាណាងកិត ឃុំកាឡែង ស្រុកលំផាត់ ខេត្តរតនគិរី មុខរបរកសិករ របួសធ្ងន់ ជាអ្នកបើកម៉ូតូម៉ាកហុងដាសេ១២៥ ពណ៌ខ្មៅពាក់ស្លាកលេខ រតនគិរី1A-7130 ។ ចំណែកអ្នកបើកម៉ូតូរងគ្រោះមានឈ្មោះ ឈុត អូន ភេទស្រី អាយុ២១ឆ្នាំ មុខរបរកសិករ របួសធ្ងន់ ជិះម៉ូតូម៉ាកហុងដាសេ១២៥ ពណ៌ខ្មៅ ពាក់ស្លាក់លេខ រតនគិរី 1A-5586 និងអ្នករួមដំណើរម្នាក់ទៀតឈ្មោះ ឈុត តូន ភេទស្រី អាយុ២៨ឆ្នាំ មុខរបរកសិករ របួសស្រាល អ្នកទាំងពីរមានទីលំនៅភូមិ២ឃុំត្រពាំងច្រេស ស្រុកកូនមុំ ខេត្តរតនគិរី។

យោងតាមប្រភពព័ត៌មានបានឲ្យដឹងថា មុនពេលកើតហេតុ គេបានឃើញម៉ូតូទាំង២គ្រឿងបើកបរក្នុងទិសដៅបញ្ច្រាសទិសគ្នាដោយល្បឿនលឿនល្មម លុះបានមកដល់ចំណុចកើតហេតុ ស្រាប់តែម៉ូតូដែលបើកបរដោយបុរសខាងលើ បានបើកបត់ឆ្លងផ្លូវ មិនប្រយត្ន័ស្របពេលម៉ូតូជនរងគ្រោះជិះមកដល់ចាប់ហ្វ្រាំងមិនទាន់ក៏បុកគ្នាពេញទំហឹង បណ្តាលឲ្យរងរបួសធ្ងន់និងស្រាលបែបនេះតែម្តង ចំណែកជនរងគ្រោះត្រូវបានគេបញ្ជូនទៅសង្គ្រោះបន្ទាន់នៅមន្ទីរពេទ្យបង្អែកខេត្តរតនគិរី។

ក្រោយពីកើតហេតុ សមត្ថកិច្ចបានចុះមកធ្វើការពិនិត្យនិងវាស់វែង នាំយកម៉ូតូទាំង២គ្រឿងយកទៅរក្សាទុកនៅអធិការដ្ឋាននគរបាលស្រុកលំផាត់ ដើម្បីដោះស្រាយគ្នាពេលក្រោយតាមផ្លូវច្បាប់៕

គ្រោះថ្នាក់ចរាចរណ៍

គ្រោះថ្នាក់ចរាចរណ៍

គ្រោះថ្នាក់ចរាចរណ៍

គ្រោះថ្នាក់ចរាចរណ៍

គ្រោះថ្នាក់ចរាចរណ៍

គ្រោះថ្នាក់ចរាចរណ៍

ចែកចាយបន្ត