ឃុំខ្លួនតៃកុង...

ឃុំខ្លួនតៃកុងរថយន្ត ពាក់ព័ន្ធករណីដឹកជញ្ជូនឈើល្មើសច្បាប់

ចែកចាយបន្ត

ស្ទឹងត្រែងៈ នៅព្រឹកថ្ងៃទី១៧ ខែវិច្ឆិកា ឆ្នាំ២០១៦នេះ សាលាដំបូងខេត្តស្ទឹងត្រែង បានចេញដីការសម្រេចឃុំខ្លួនតៃកុងរថយន្តម្នាក់ ក្នុងពន្ធនាគារបណ្តោះអាសន្ន ក្រោយពីអាវុធហត្ថខេត្តបានធ្វើការឃាត់ខ្លួនជាមួយរថយន្តសាំយ៉ុងដឹកបទល្មើសឈើប្រណីត កាលពីយប់ថ្ងៃទី១៤ ខែវិច្ឆិកា ឆ្នាំ២០១៦កន្លងទៅ ក្នុងភូមិរាជានុកូល ក្រុងស្ទឹងត្រែង ខេត្តស្ទឹងត្រែង។

ក្នុងករណីខាងលើខាងនេះ អាវុធហត្ថ បានចោទប្រកាន់ពីបទប្រមូលផលព្រៃឈើតាមមេត្រា៩៨ ស្តីពីច្បាប់រដ្ឋបាលព្រៃឈើ ដោយឡែក ជំនាញរដ្ឋព្រៃឈើ បានចោទប្រកាន់តាមមាត្រា៩៦ស្តីពីការដឹកជញ្ជូន ដោយគ្មានលិខិតអនុញ្ញាតវិញ។ បន្ទាប់ពីបំពេញបែបបទរួចរាល់ កម្លាំងជំនាញបានបញ្ជូនជនសង្ស័យ និងសំណុំរឿងមកសាលាដំបូងខេត្តស្ទឹងត្រែងក៏ត្រូវបានសាលាដំបូងដោយចោទប្រកាន់ពីបទប្រមូល និងដឹកជញ្ជូនឈើដោយគ្មានលិខិតអនុញ្ញាត ក្រោយមកទើបសម្រេចចេញដីកាឃុំខ្លួនបណ្តោះអាសន្ន។

សមត្ថកិច្ចបានឲ្យដឹងថា ជនសង្ស័យដែលត្រូវជាប់ចោទខាងលើមានឈ្មោះ ហូរ ជៀប ភេទប្រុស អាយុ២៥ឆ្នាំ មានស្រុកកំណើតនៅភូមិព្រែកតាថឹង ឃុំបូសលាវ ស្រុកចិត្របូរី ខេត្តក្រចេះ(ជាម្ចាស់រថយន្ត)។

គួររំលឹកថា នៅយប់ថ្ងៃទី១៤ ខែវិច្ឆិកា ឆ្នាំ២០១៦ អាវុធហត្ថខេត្តស្ទឹងត្រែង បានចុះបង្ក្រាបបទល្មើសតាមដងផ្លូវ ព្រមទាំងបានធ្វើការឃាត់រថយន្តសាំយ៉ុងដឹកបទល្មើស
ឈើប្រណីតប្រភេទធ្នង់ចំនួន៥៣ដុំ(ពេញរថយន្ត)មួយគ្រឿង ពណ៌សំបកឪឡឹក ពាក់ស្លាកលេខ ភ្នំពេញ2W-0847 និងឃាត់ខ្លួនតៃកុងម្នាក់ដែលជាម្ចាស់រថយន្តត្រង់ចំណុចជិតផ្លូវបំបែកទៅខេត្រព្រះវិហារ ស្ថិតក្នុងភូមិរាជានុកូល ក្រុង ខេត្តស្ទឹងត្រែង។

បច្ចុប្បន្ន ជនសង្ស័យខាងលើត្រូវបានតុលាការសម្រេចចេញដីកាបង្គាប់ឲ្យឃុំខ្លួន ដាក់ពន្ធនាគារបណ្តោះអាសន្ន ចំណែកឯរថយន្តសាំយ៉ុងដឹកបទល្មើសត្រូវយកមករក្សាទុកក្នុងទីបញ្ជាការដ្ឋានកងរាជអាវុធហត្ថខេត្តតាមបទបញ្ជារបស់លោក ឧត្តមសេនីយ៍ត្រី អៀង វ៉ាន់ឌី មេបញ្ជាការដ្ឋានកងរាជអាវុធហត្ថខេត្តស្ទឹងត្រែង។ រីឯឈើប្រណីតវិញត្រូវបានយកមករក្សាទុកក្នុងខណ្ឌរដ្ឋបាលព្រៃឈើរួចរាល់ហើយ៕

ឃុំខ្លួនតៃកុងរថយន្ត

ឃុំខ្លួនតៃកុងរថយន្ត

ឃុំខ្លួនតៃកុងរថយន្ត

ឃុំខ្លួនតៃកុងរថយន្ត

ឃុំខ្លួនតៃកុងរថយន្ត

ឃុំខ្លួនតៃកុងរថយន្ត

ឃុំខ្លួនតៃកុងរថយន្ត

ឃុំខ្លួនតៃកុងរថយន្ត

ឃុំខ្លួនតៃកុងរថយន្ត

ចែកចាយបន្ត