អាជ្ញាធរ បន្ត...

អាជ្ញាធរ បន្តដឹកនាំកម្លាំងចុះសំអាតបរិស្ថាននៅតាមមាត់ច្រាំងទន្លេ

ចែកចាយបន្ត

ភ្នំពេញៈ ក្រោយពេលព្រះរាជពិធីបុណ្យអុំទូក បណ្តែតប្រទីប អកអំបុក សំពះព្រះខែ រយៈពេល៣ថ្ងៃ បានបញ្ចប់ជាស្ថាពររួចមក តែអ្វីដែលបានបន្សល់ទុកសម្រាប់អាជ្ញាធរ និងសមត្ថកិច្ចមូលដ្ឋានត្រូវដោះស្រាយបន្តទៀតនោះគឺបញ្ហាសន្តិសុខ សណ្តាប់ធ្នាប់និងសំអាតបរិស្ថាន។

ជាក់ស្តែងនៅព្រឹកថ្ងៃទី១៧ ខែវិច្ឆិកា ឆ្នាំ២០១៦នេះ អភិបាលខណ្ឌដូនពេញ និងជាប្រធានគណ:បញ្ជាការឯកភាពខណ្ឌដូនពេញ លោក គួច ចំរើន និងលោកចាប ឌីណា ប្រធានគណៈបញ្ជាការឯកភាពខណ្ឌដូនពេញបានបន្តដឹកនាំកម្លាំងសណ្តាប់ធ្នាប់ចុះប្រមូលសំរាមដែលធ្លាក់អណ្តែតនៅតាមមាត់ច្រាំងទន្លេ ដោយប្រើទូក១គ្រឿងនាំគ្នាចេវដើររើសសំរាមដែលនៅសេសសល់ទាំងនោះស្រង់ដាក់ទូករួចវេចខ្ចប់ដាក់ថង់យ៉ាងត្រឹមត្រូវដើម្បីងាយស្រួលដល់ខាងបុគ្គលិកក្រុមហ៊ុនស៊ិនទ្រីចុះមកប្រមូលយកទៅបោះចោលផងដែរ។

គួរបញ្ជាក់ថា បន្ទាប់ពីព្រះរាជពិធីបុណ្យអុំទូក បានបញ្ជប់ជាស្ថានពររួចហើយអាជ្ញាធរនិងសមត្ថកិច្ចពាក់ព័ន្ធបាននាំគ្នាបើកយុទ្ធនាការចុះរៀបចំសណ្តាប់ធ្នាប់នៅតាម សួនច្បារនានា និងនៅតាមមាត់ទន្លេ ដោយរុះរើរោងស្តង់លក់ដូរទាំងឡាយចេញឲ្យអស់ ពីព្រោះមិនអនុញ្ញាតឲ្យមានការលក់ដូរបន្តទៀតឡើយ។

ជាមួយគ្នានេះលោក អភិបាលខណ្ឌដូនពេញ ក៏បានបើកប្រតិបត្តិការទាំងព្រឹកនិងកណ្តាលថ្ងៃបាញ់ទឹកលាងសំអាតមាត់ទន្លេដែលបន្សល់ទុកនៅភាពឆ្អេះឆ្អាប ក្លិនមិនល្អនិងកាកសំណល់មួយចំនួន ដែលនៅសល់រាយប៉ាយនៅទីនោះ ក្រោយពីប្រជាពលរដ្ឋមួយចំនួន ដែលអញ្ជើញមកលេងបុណ្យអុំទូក ពួកគាត់មិនបានយកសំរាម និងកាកសំណល់ទាំងនេះទៅបោះចោលក្នុងធុងសំរាម ហើយបោះចោលពាសវាលពាសកាលនៅតាមមាត់ទន្លេ។

ចំណោះបញ្ហាមួយទៀតដែលអាជ្ញាធរខណ្ឌត្រូវដោះស្រាយនោះ គឺការប្រមូលសំរាម រីកស្គុះស្គាយស្ទើរគ្រប់កន្លែង ដែលមានចំនួនរាប់ពាន់តោន ដែលបន្សល់ទុកក្នុងរយៈពេល៣ថ្ងៃមកនេះ។

គួរបញ្ជាក់ទៀតថាក្រោយបញ្ចប់ពិធីបុណ្យអុំទូករួច លោកអភិបាលខណ្ឌ ក៏បានចុះទៅណែនាំដល់បងប្អូនអ្នកលក់ដូរទាំងអស់ឲ្យជួយវេចខ្ចប់ សំរាមឲ្យបានល្អ ដើម្បីងាយស្រួលដល់ក្រុមហ៊ុន ស៊ិនទ្រីចុះមកប្រមូល ហើយលោកអភិបាលខណ្ឌ ក៏បានដឹកនាំមន្រ្តីទៅជួយសម្រួល ចរាចរណ៍ដែលពោពេញដោយមនុស្ស តាមដងផ្លូវនៅពេលត្រឡប់ទៅផ្ទះវិញផងដែរ៕

សំអាតបរិស្ថាន។

សំអាតបរិស្ថាន។

សំអាតបរិស្ថាន។

សំអាតបរិស្ថាន

សំអាតបរិស្ថាន

សំអាតបរិស្ថាន

សំអាតបរិស្ថាន

សំអាតបរិស្ថាន

សំអាតបរិស្ថាន

សំអាតបរិស្ថាន

សំអាតបរិស្ថាន

ចែកចាយបន្ត