កិច្ចប្រជុំក្...

កិច្ចប្រជុំក្រុមប្រឹក្សាជាតិ នឹងគណ:កម្មាធិការប្រតិបត្តិជាតិរបស់សមាគមន៍ជាតិ ក្រុមប្រឹក្សារាជធានីខេត្ត

0
ចែកចាយបន្ត

រតនគិរីៈ នាព្រឹកថ្ងៃទី១៧ ខែវិច្ឆិកា ឆ្នាំ២០១៦ នៅសាលប្រជុំសាលាខេត្តរតនគិរី មានរៀបចំកិច្ចប្រជុំក្រុមប្រឹក្សាជាតិ នឹងគណ:កម្មាធិការប្រតិបត្តិជាតិ របស់សមាគមន៍ជាតិ ក្រុមប្រឹក្សារាជធានី/ខេត្ត ដោយមានមានការអញ្ជើញចូលរួម ពីសំណាក់ លោក លោកស្រីប្រធាន និងសមាជិកក្រុមប្រឹក្សារាជធានីខេត្តទាំង២៥ សរុបប្រមាណ ជិត១០០នាក់។

កិច្ចប្រជុំនេះ ក្នុងគោលបំណងពង្រឹងរបបប្រជុំអភិបាលរកិច្ចស្របតាមលក្ខន្តិកៈ នឹងបទបញ្ជាផ្ទៃ ក្នុងការពិនិត្យ នឹងអនុម័តរបាយការណ៍វឌ្ឍនភាពឆ្នាំ២០១៦ នឹងផែនការសកម្មភាពថវិកាឆ្នាំ២០១៧ បោះឆ្នោតបំពេញបន្ថែមសមាជិកអង្គអភិបាលរកិច្ចសមាគម វាយតម្លៃសមិទ្ធិផលសម្រេចបាន នឹងដោះស្រាយបញ្ហាប្រឈម ដែលបានជួបប្រទះស្វែងយល់ពីការគ្រប់គ្រងបុគ្គលិកថ្នាក់ក្រោមជាតិ។

ថ្លែងបើកកិច្ចប្រជុំ នាឱកាសនោះ លោក ឌី សុកផាន អនុរដ្ឋលេខាធិការក្រសួងមហាផ្ទៃ តំណាង លោក សក់ សេដ្ឋា រដ្ឋលេខាធិការក្រសួងមហាផ្ទៃ និងជាប្រធានលេខាធិការរដ្ឋាន.គ.ជ.អ.ប បានមានប្រសាសន៍ថា កិច្ចប្រជុំនាពេលនេះ គឺជាកិច្ចប្រជុំរួមគ្នារវាងគណៈកម្មធិការប្រតិបត្តិជាតិ នឹងក្រុមប្រឹក្សាជាតិ របស់សមាគមន៍ជាតិ របស់រាជធានី/ខេត្ត។

លោកបានបន្តថា ក្រោយពីបានបង្កើតឡើងនៅខែមីនា ឆ្នាំ២០១៣មក សមាគមការអភិឌ្ឍន៍ស្ថាប័ន ការអភិវឌ្ឍន៍សមត្ថភាព ការស្វែងរកការគាំទ្រ នឹងទំនាក់ទំនងសាធារណៈសហប្រតិបត្តិការ ជាមួយស្ថាប័នពាក់ព័ន្ធ លើការងារអភិបាលរកិច្ចល្អ នឹងពង្រឹងលិទ្ធិប្រជាធិបតេយ្យ ដល់ក្រុមប្រឹក្សាថ្នាក់ក្រោមជាតិ ក្តាប់ព័ត៌មាន នឹងស្វែងរកសេវាផ្នែកច្បាប់ ជូនសមាជិកក្រុមប្រឹក្សារាជធានីខេត្ត។

លោក ឌី សុកផាន បានថ្លែងការកោតសសើរ នឹងវាយតម្លៃខ្ពស់ចំពោះលទ្ធផល សមាគមជាតិ ក្រុមប្រឹក្សារាជធានីខេត្ត សម្រេចបានរយៈពេលប៉ុន្មានឆ្នាំកន្លងមកនេះ ដែលលទ្ធផលទាំងអស់នេះ បង្ហាញឲ្យឃើញពីការខិតខំប្រឹងប្រែងរបស់សមាគន៍ក្នុងការកសាងអភិវឌ្ឍន៍ស្ថាប័នមួយនេះ ឲ្យដំណើរការទៅប្រកបដោយភាពរលូន។

តាមរយៈកិច្ចប្រជុំដ៏មានសារៈសំខាន់នេះ លោកអនុរដ្ឋលេខាធិការក្រសួងមហាផ្ទៃ មានជំនឿជឿជាក់ថា សមាគមជាតិ នឹងទទួលបានការចូលរួមមតិយោបល់ ក៏ដូចជាអនុសាសន៍ជាច្រើនទៀតដើម្បីកែលម្អ ការអនុវត្តន៍សកម្មភាពឲ្យកាន់តែមានប្រសិទ្ធិភាពបន្ថែមទៀត ក្នុងការពង្រឹងស្ថាប័នសមាគមន៍ជាតិ ក្រុមប្រឹក្សារាជធានីខេត្តទូទាំងប្រទេសឲ្យកាន់តែអភិវឌ្ឍរីកចម្រើន នឹងរឹងមាំថែមទៀតសម្រាប់ការអភិវឌ្ឍន៍តាមបែបប្រជាធិបតេយ្យថ្នាក់ក្រោមជាតិ៕

photo_2016-11-17_13-55-01

photo_2016-11-17_13-54-38

photo_2016-11-17_13-54-40

ចែកចាយបន្ត