ក្រុមអ្នកតវ៉ា...

ក្រុមអ្នកតវ៉ាប្រឆាំង អាចនឹងប៉ះទង្គិចជាមួយក្រុមគាំទ្ររដ្ឋាភិបាលម៉ាឡេស៊ីនៅចុងសប្ដាហ៍នេះ

ចែកចាយបន្ត

ម៉ាឡេស៊ីៈ នាយករដ្ឋមន្ត្រីម៉ាឡេស៊ីលោក ណាជីប នៅថ្ងៃព្រហស្បតិ៍នេះ បានព្រមានពីការ
បាតុកម្មប្រឆាំងរដ្ឋាភិបាល ដែលគ្រោងនឹងធ្វើនៅចុងសប្តាហ៍នេះ ត្រូវតែប្រកបដោយភាពត្រឹមត្រូវ និងគ្មានអំពើហិង្សា។ នេះបើយោងតាមរយៈសារព័ត៌មាន Channel News Asia ចេញផ្សាយថ្ងៃទី១៧ ខែវិច្ឆិកា ឆ្នាំ២០១៦។

អង្គការក្រៅរដ្ឋាភិបាល និងសង្គមស៊ីវិលហៅថា Bersih បានជំរុញឱ្យអ្នកគាំទ្ររបស់ខ្លួន ចូលរួមធ្វើបាតុកម្មក្នុងរដ្ឋធានីគូឡាឡាំពួ ដើម្បីទាមទារឲ្យនាយករដ្ឋមន្រ្តីម៉ាឡេស៊ី លាលែងពីតំណែង បន្ទាប់ពីមានរឿងអាស្រូវពុករលួយនៅថ្ងៃសៅរ៍នេះ បើទោះបីជាមានការារាំងពីអ្នកគាំទ្រលោកនាយករដ្ឋមន្រ្តីក៏ដោយ។

លោក ណាជីប ដែលបច្ចុប្បន្នកំពុងធ្វើទស្សនកិច្ច នៅប្រទេសជប៉ុន បានមានប្រសាសន៍ថា «ប្រសិនបើភាគីម្ខាង ចង់ធ្វើបាតុកម្មតវ៉ា ក្រុមដែលចង់ការពាររដ្ឋាភិបាលក៏អាចធ្វើបានដូចគ្នា ប៉ុន្តែខ្ញុំមិនចង់ប៉ះទង្គិចគ្នានោះទេ»។

ប៉ូលិសបានព្រមានថា កាំភ្លើងបាញ់ឧស្ម័នបង្ហូរទឹកភ្នែក និងទឹកអាចត្រូវបានប្រើប្រសិនបើមានបាតុកម្មកើតឡើង៕

photo_2016-11-17_14-55-53

photo_2016-11-17_14-55-56

photo_2016-11-17_14-55-59

photo_2016-11-17_14-56-02

ចែកចាយបន្ត