ចេញពីគុកបាន៣ខ...

ចេញពីគុកបាន៣ខែមិនរាងចាល ឆក់ការបូបគេជាប់ខ្នោះសមត្ថកិច្ច

0
ចែកចាយបន្ត

ភ្នំពេញៈ ជនសង្ស័យម្នាក់ក្នុងចំណោមបក្ខពួក៤នាក់ ត្រូវបានកម្លាំងព្រហ្មទណ្ឌ៧មករា កំពុងល្បាតតាមមូលដ្ឋានបានឃើញដេញចាប់ខ្លួនបានម្នាក់ ចំណែកបក្ខពួក៣នាក់ទៀតគេចខ្លួនបាត់ ក្រោយពីធ្វើសកម្មភាពឆក់កាបូបពីស្ត្រីម្នាក់បានសម្រេចរួចព្យាយាមបើកម៉ូតូគេចខ្លួនទៅបុកជាមួយនឹងរថយន្ត។ ហេតុការណ៍នេះឃាត់ខ្លួនបានកើតឡើងកាលពីវេលាម៉ោង១រសៀលថ្ងៃទី១៧ ខែវិច្ឆិកា ឆ្នាំ២០១៦ តាមបណ្ដោយផ្លូវសហព័ន្ធរុស្សី ក្បែរក្រសួងអភិវឌ្ឍជនបទ ក្នុងសង្កាត់មិត្តភាព ខណ្ឌ៧មករា រាជធានីភ្នំពេញ។

ជនសង្ស័យដែលចាប់ខ្លួនបានខាងលើនេះមានឈ្មោះ សុំចាន់ រស្មី ភេទប្រុស អាយុ៣២ឆ្នាំ ស្នាក់នៅមុខរបរមិនពិតប្រាកដ។ចំណែកបក្ខពួក៣នាក់ទៀតគេចខ្លួនបាត់អស់។ រីឯជនរងគ្រោះឈ្មោះ សុខ រតននា ភេទស្រី អាយុ៣៤ឆ្នាំ ស្នាក់នៅផ្ទះ១៣៥ ផ្លូវ១៣២ ក្នុងសង្កាត់ទឹកល្អក់២ ខណ្ឌទួលគោក រាជធានីភ្នំពេញ។

បើតាមប្រភពព័ត៌មានពីមន្រ្តីនគរបាលបានប្រាប់ឲ្យដឹងថា មុនពេលកើតហេតុកម្លាំងព្រហ្មទណ្ឌ៧មករា កំពុងដាក់ល្បាតក្នុងមូលដ្ឋានក៏ប្រទះឃើញបុរសម្នាក់ជិះម៉តូឌុបស្រ្តីម្នាក់នៅពីក្រោយហើយបានស្រែកជួយផងៗចោរ ឆក់ការបូបស្រាប់តែកម្លាំងព្រហ្មទណ្ឌ៧មករាកំពុងដាក់ល្បាតក្នុងមូលដ្នានប្រទះឃើញក៏បានដេញតាមពីក្រោយជនសង្ស័យមានគ្នា៤នាក់ជិះម៉ូតូ២គ្រឿងម៉ាកហុងដាសេ១២៥ ស៊េរីឆ្នាំ២០១៧ ពណ៌ខ្មៅ ពាក់ស្លាកលេខ ភ្នំពេញ 1GC-9037 និងមួយគ្រឿងទៀតម៉ាកសេ១២៥ ស៊េរីឆ្នាំ២០១៦ ភ្លាមៗនោះក៏ត្រូវបានកម្លាំងព្រហ្មទណ្ឌ៧មករាដេញតាមពីក្រោយរហូតដល់ចំណុចផ្លូវសហព័ន្ធរុស្ស៊ី ក្នុងសង្កាត់មិត្តភាព ខណ្ឌ៧មករា ជនសង្ស័យភ័យបានបើកលឿនជ្រុលទៅបុករថយន្តទើបកម្លាំងព្រហ្មទណ្ឌ៧មករាឃាត់ខ្លួនបានជនសង្ស័យម្នាក់និងម៉ូតូ១គ្រឿង ចំណែកបក្ខពួកគេចខ្លួនបាត់ ហើយក៏បានធ្វើការឆែកឆេរខ្លួនជនសង្ស័យរកឃើញថ្នាំញៀន១កញ្ចប់តូចផងដែរ។

ក្រោយពីនគរបាលឃាត់ខ្លួនជនសង្ស័យយកមកសាកសួរបានសារភាពថារូបពិតជាបានធ្វើសកម្មភាពឆក់ការបូបពីស្រ្តីម្នាក់ពិតប្រាកដមែនហើយរូបខ្លួនក៏ទើបតែចេញពីគុកបាន៣ខែកន្លងមកនេះផងដែរដែលជាប់ដោយបទល្មើសឆក់និងជួញដូរសារធាតុញៀន។សូមបញ្ជាក់ផងដែរ ការបូបរបស់ជនរងគ្រោះត្រូវបានសមត្ថកិច្ចប្រគល់ឲ្យទៅម្ចាស់ដើមវិញ។

បច្ចុប្បន្នជនសង្ស័យនិងម៉ូតូត្រូវបានកម្លាំងនគរបាលព្រហ្មទណ្ឌនាំមកឃុំខ្លួនបណ្ដោះអាសន្ននៅអធិការដ្ឋាននគរបាលខណ្ឌ៧មករាដើម្បីសាកសួរចាត់ការតាមនីតិវិធីច្បាប់៕

ចោរ

ចោរ

ចោរ

ចោរ

ចោរ

ចែកចាយបន្ត