តម្លៃផ្លែស្វា...

តម្លៃផ្លែស្វាយឆ្នាំនេះ ធ្លាក់ចុះជាងពាក់កណ្តាល គឺ១គីឡូក្រាម៨០០រៀល

ចែកចាយបន្ត

ភ្នំពេញៈ ឆ្នាំនេះតម្លៃផ្លែស្វាយបានធ្លាក់ចុះខ្លាំងជាងឆ្នាំទៅមិញរហូតដល់ទៅជាងពាក់កណ្តាលពោល គឺ១គីឡូក្រាមបានត្រឹមតែ៨០០រៀលប៉ុណ្ណោះ ខណៈឆ្នាំមុនតម្លៃស្វាយទាបបំផុតចាប់ពី១៦០០រៀលឡើងទៅ។

ការធ្លាក់ចុះតម្លៃផ្លែស្វាយនេះ ត្រូវបានប្រជាសហគមន៍លើកឡើងថា “បណ្តាលមកពី មានក្រុមហ៊ុនក្នុងស្រុកមួយបានសហការជាមួយក្រុមហ៊ុនមកពីប្រទេសសឹង្ហបូរី ទៅបំផុសឱ្យប្រជាពលរដ្ឋ ទុកស្វាយលក់ឱ្យក្រុមហ៊ុនរបស់គេក្នុងតម្លៃក្នុង១គីឡូក្រាម២០០០ទៅ២៣០០រៀល ដោយសន្យាកក់លុយនៅពេលស្វាយក្តឹបធំៗបន្តិច។ ការសន្យានេះបានធ្វើឱ្យប្រជាពលរដ្ឋដែលមានផ្លែស្វាយលក់ ខកខានមិនបានលក់ឱ្យអ្នកផ្សេងដោយរក្សាការសន្យា រហូតដល់ស្វាយធំពេញគីឡូល្មមលក់ និងចង់ទុំក្រុមហ៊ុននោះបានឱ្យគេទៅទម្លាក់ថ្លៃឱ្យត្រឹមតែ៨០០រៀលទៅវិញ ធ្វើឱ្យប្រជាជនក្តៅក្រហាយ និងខកពេលលក់ហើយបង្ខំចិត្តលក់ស្វាយឱ្យឈ្មួញកណ្តាលផ្សេងទៀតទាំងខាតចុងខាតដើម” ។

ពួកគាត់លើកឡើងទៀតថា “បញ្ហាតម្លៃកសិកផលនៅកម្ពុជា មានការប្រែប្រួលទៅតាមតែការក្រឡុករបស់ពួកឈ្មួញកណ្តាលនោះ ក៏បណ្តាលមកពីគ្មានការគ្រប់គ្រងតម្លៃក្នុងស្រុកឱ្យបានត្រឹមត្រូវ គ្មានការកែច្នៃ គ្មានការសម្ងួត និងគ្មានបច្ចេកទេសថែទាំមួយចំនួនទៀត ក្រោយពេលកសិករផលិតទទួលបាន រួមជាមួយការមិនយកចិត្តទុកដាក់ពីស្ថាប័នរដ្ឋ ពិសេសក្រសួងពាណិជ្ជកម្មលើការគ្រប់គ្រងតម្លៃក្នុងទីផ្សារកសិផលក្នុងប្រទេសផងនោះ ទើបកើនមានរឿងបែបនេះជារៀងរាល់ឆ្នាំ។

ពាក់ទិននិងការលើកឡើងរបស់ប្រជាសហគមន៍ទាំងនោះ អ្នកយកព័ត៌មានយើងបានព្យាយាមសុំការបំភ្លឺតាមទូរសព្ទពីលោក ប៉ាន់ សូរស័ក្តិ រដ្ឋមន្រ្តីក្រសួងពាណិជ្ជកម្ម នៅថ្ងៃទី១៨ខែវិច្ឆិកានេះ ខលចូលតែអត់លើក៕

photo_2016-11-18_12-58-05

photo_2016-11-18_12-58-02

ចែកចាយបន្ត