Post News Media ព័ត៌មានជាតិ ទឹកភ្នែកកូនស្...

ទឹកភ្នែកកូនស្រី យំអង្វរអ្នកម្តាយ

ចែកចាយបន្ត

កណ្តាល: គូស្នេហ៍វ័យក្មេងមួយគូ ស្រលាញ់គ្នាជិត៦ខែមកហើយ ដោយសារខាងប្រុសចេះតែប្រើវិធីលួងខាងកូនស្រីឲ្យចេញពីក្នុងផ្ទះមកជួបរហូត ទើបម្តាយខាងស្រីសម្រេចប្តឹងប៉ូលិសប៉ុស្តិ៍ដើមមៀនឲ្យឃាត់ខ្លួនតែម្តង។ ហេតុការណ៍នេះ បានកើតឡើងកាលពីវេលាម៉ោង៩និង៣០នាទី ថ្ងៃទី១៨ ខែវិច្ឆិកា ឆ្នាំ២០១៦ នៅក្បែរស្រះទឹក ស្ថិតនៅក្នុងភូមិដើមគរ សង្កាត់ដើមមៀន ក្រុងតាខ្មៅ។

សមត្ថកិច្ចប៉ុស្តិ៍ដើមមៀនបានឲ្យដឹងថា ជនរងគ្រោះមានឈ្មោះ លីម មួយលី ភេទស្រី អាយុ១៤ឆ្នាំ មានទីលំនៅភូមិតាខ្មៅ សង្កាត់តាខ្មៅ ក្រុងតាខ្មៅ។ រីឯជនសង្ស័យមានឈ្មោះ សំអាត សុខសោភា ភេទប្រុស អាយុ១៨ឆ្នាំ មានទីលំនៅភូមិដើមគរ សង្កាត់ដើមមៀន ក្រុងតាខ្មៅ។

សមត្ថកិច្ចបន្តថា នៅមុនពេលកើតហេតុ ម្តាយខាងស្រី បានមកដាក់ពាក្យបណ្តឹងឲ្យតាមចាប់ខាងប្រុស ដែលនាំកូនស្រីរបស់គាត់ចេញពីផ្ទះជាច្រើនថ្ងៃមកហើយ ។ ភ្លាមៗនោះ នគរបាលក៏ឃាត់ខ្លួនខាងប្រុស(ជនសង្ស័យ) មកធ្វើការសាកសួរ ហើយជនសង្ស័យបានសារភាពថា ខ្លួនបានស្រលាញ់គ្នាអស់រយ:ពេលជិត៦ខែមកហើយ ហើយខាងស្រីតែងតែរត់តាមខ្លួន និងមកលេងនៅផ្ទះរបស់ខ្លួនថែមទៀតផង តែគ្រាន់តែស្រលាញ់គ្នាចិត្តនឹងចិត្តប៉ុណ្ណោះ មិនបានធ្វើអ្វីផ្តេសផ្តាសនោះទេ។
ចំណែក ខាងស្រីឈ្មោះ លីម មួយលី បានប្រាប់ទាំងទឹកភ្នែករលីងរលោងថា ពួកគេពិតជាបានស្រលាញ់គ្នាពិតមែន ហើយចង់រស់នៅជាមួយគ្នាអស់មួយជីវិត និងសូមឲ្យម្តាយរបស់ខ្លួនដកពាក្យបណ្តឹងឈប់ប្តឹងសង្សាររបស់ខ្លួនទៅ ហើយអ្នកទាំងពីក៏សុខចិត្តឲ្យចាស់ទុំគិតគូរផ្សំផ្គុំគ្នាផងដែរ។
រីឯម្តាយខាងស្រី មិនបញ្ចេញឈ្មោះ បានប្រាប់អ្នកសារព័ត៌មានថា គាត់មកដាក់ពាក្យបណ្តឹងនេះ គឺឲ្យនគរបាលចាប់ខ្លួនខាងប្រុស ឈ្មោះ សំអាត សុខសោភា ដែលតែងតែនាំកូនរបស់គាត់ចេញពីផ្ទះរហូត ចំពោះការសំណូមពររបស់កូនស្រីរបស់គាត់ឲ្យដកពាក្យបណ្តឹងនោះ គឺគាត់មិនដកទេ ពោល គឺឲ្យសមត្ថកិច្ចធ្វើតាមច្បាប់ដោយសារកូនរបស់គាត់នៅក្មេង ហើយមិនទាន់គ្រប់អាយុរៀបការនៅឡើយ។

បច្ចុប្បន្ន ជនសង្ស័យត្រូវបានកម្លាំងជំនាញធ្វើការសាកសួរ និងចាត់ការតាមនីតិវិធីច្បាប់៕

ទឹកភ្នែកកូនស្រី យំអង្វរអ្នកម្តាយ

ទឹកភ្នែកកូនស្រី យំអង្វរអ្នកម្តាយ

ទឹកភ្នែកកូនស្រី យំអង្វរអ្នកម្តាយ

ទឹកភ្នែកកូនស្រី យំអង្វរអ្នកម្តាយ

ទឹកភ្នែកកូនស្រី យំអង្វរអ្នកម្តាយ

ទឹកភ្នែកកូនស្រី យំអង្វរអ្នកម្តាយ

ទឹកភ្នែកកូនស្រី យំអង្វរអ្នកម្តាយ

ទឹកភ្នែកកូនស្រី យំអង្វរអ្នកម្តាយ