ចោរឆក់កាបូប៣ន...

ចោរឆក់កាបូប៣នាក់ ត្រូវសមត្ថកិច្ចក្របួចបានភ្លាមៗ

ចែកចាយបន្ត

ភ្នំពេញៈ ក្រុមចោរឆក់កាបូប ទូរសព្ទ ខ្សែក របស់ប្រជាពលរដ្ឋយ៉ាងសកម្មកន្លងមកក្នុងរាជធានីភ្នំពេញ ៣នាក់ ត្រូវកម្លាំងនគរបាលព្រហ្មទណ្ឌកម្រិតស្រាលក្រុង សហការជាមួយនគរបាលខណ្ឌទួលគោក ធ្វើការឃាត់ខ្លួនបានភ្លាមៗ និងដកហូតបានម៉ូតូ២គ្រឿង។

ហេតុការណ៍ឃាត់ខ្លួន បានធ្វើឡើងកាលពីវេលាម៉ោង៣រសៀល ថ្ងៃទី១៨ ខែវិច្ឆិកា ឆ្នាំ២០១៦ នៅចំណុចខាងក្រោយទីបញ្ជាការដ្ឋានកងរាជអាវុធហត្ថលើផ្ទៃប្រទេស សង្កាត់បឹងកក់ទី១ ខណ្ឌទួលគោក។

សមត្ថកិច្ចបានឲ្យដឹងថា ជនសង្ស័យទាំង៣នាក់ដែលត្រូវសមត្ថកិច្ចឃាត់ខ្លួនបាន ទី១.ឈ្មោះ គឹម ណារិន ភេទប្រុស អាយុ២០ឆ្នាំ មុខរបរជាងមាស ស្នាក់នៅក្រុម១៥ ភូមិគង្គាផុស សង្កាត់ទួលសង្កែ ខណ្ឌឫស្សីកែវ ទី២.ឈ្មោះ ព្រុំ វាសនា អាយុ១៦ឆ្នាំ ភេទប្រុស ជាសិស្សថ្នាក់ទី១២នៃសាលាឥន្រ្ទីទេវី ស្នាក់នៅផ្ទះលេខ៦A ក្រុម១៥ ភូមិ៤ សង្កាត់បឹងកក់ទី១ ខណ្ឌទួលគោក និងទី៣.ឈ្មោះ ទឹម ពុទ្ធសំណាង ភេទប្រុស អាយុ១៧ឆ្នាំ មុខរបរនៅផ្ទះ។ ក្រោយពេលឃាត់ខ្លួន ជនសង្ស័យនគរបាលឆែកឆេរសម្ភារៈបានពីជនសង្ស័យ មានម៉ូតូ២គ្រឿង ទី១. ម៉ាក់ហុងដា សេ១២៥ ឆ្នាំ២០១៧ ពណ៌ខ្មៅ អត់ស្លាកលេខ និងទី២. ម៉ាកស៊ុយស៊ុយគីនិច ពណ៌ស ពាក់ស្លាកលេខ ភ្នំពេញ១FY-៦៣៩៥។

សមត្ថកិច្ចបន្តថា ក្រុមជនសង្ស័យទាំងនោះ តែងតែធ្វើសកម្មភាពឆក់យ៉ាងសកម្មក្នុងរាជធានីភ្នំពេញ ហើយពេលធ្វើសកម្មភាពម្តងៗ គឺមិនក្រោមគ្នា១០នាក់នោះទេ ដោយប្រើម៉ូតូ៥គ្រឿង ដើម្បីបិទគូទផងដែរ។

ក្រោយកើតហេតុជនសង្ស័យរួមនឹងវត្ថុតាង ត្រូវបានកម្លាំងនគរបាលព្រហ្មទណ្ឌកម្រិតស្រាលនាំយកមកឃុំខ្លួនបណ្តោះអាសន្ននៅស្នងការដ្ឋាននគរបាល រាជធានីភ្នំពេញដើម្បីកសាងសំណុំរឿងចាត់ការតាមផ្លូវច្បាប់៕

ចោរឆក់

ចោរឆក់

ចោរឆក់

ចោរឆក់

ចោរឆក់

ចោរឆក់

ចោរឆក់

ចោរឆក់

ចោរឆក់

ចែកចាយបន្ត