Post News Media ព័ត៌មានជាតិ សមត្ថកិច្ចចាប...

សមត្ថកិច្ចចាប់ខ្លួនយុវជន២នាក់ ពាក់ពន្ធ័ករណីគ្រឿងញៀន

ចែកចាយបន្ត

ភ្នំពេញ: យុវជនពីរនាក់ត្រូវបានកម្លាំងសមត្ថកិច្ចធ្វើការឃាត់ខ្លួនខណ:ពេលឆែកឆេររកឃើញថ្នាំញៀនមួយកញ្ចប់នៅជាប់នឹងខ្លួន ការឃាត់ខ្លួននេះធ្វើឡើងកាលពីវេលាម៉ោង ៩និង ៤០នាទី យប់ថ្ងៃទី ១៩ ខែវិច្ចិកា ឆ្នាំ២០១៦ចំណុចខាងមុខក្រុមហ៊ុន ហុង ថៃ យ័ន ក្រានីត ក្បែរស្ពាន៧មករា ស្ថិតក្នុងសង្កាត់ទឹកថ្លា ខណ្ឌសែនសុខ រាជធានីភ្នំពេញ ។

តាមប្រភពពីសមត្ថកិច្ចខាងលើបានរៀបរាប់ប្រាប់ឲ្យដឹងថាមុនពេលកើតហេតុ ខណ:ពួកគាត់ជាមួយកម្លាំងចម្រុះរាជធានី កំពុងធ្វើការជិះល្បាតនៅចំណុចខាងលើ ក៏ប្រទះឃើញបុរសពីរនាក់ជិះម៉ូតូមួយគ្រឿងម៉ាកហុងដាឌ្រីម ពណ៌ខ្មៅ ពាក់ស្លាកលេខ ភ្នំពេញ 1V-4397 ហើយឃើញអ្នកទាំងពីរជិះម៉ូតូ ដោយមានការសង្ស័យក៏ឃាត់ដើម្បីធ្វើការឆែកឆេរពេលនោះស្រាប់តែប្រទះឃើញកញ្ចប់ថ្នាំញៀនមួយកញ្ចប់នៅលើខ្លួនជនសង្ស័យម្នាក់ក្នុងចំនោមពីរនាក់នោះ។ក្រោយមកកម្លាំងសមត្ថកិច្ចក៏បានឃាត់ជនសង្ស័យខាងលើហើយភ្លាមៗនាំមក សាកសួរនៅប៉ុស្ដិ៍នគរបាលរដ្ឋាបាលទឹកថ្លា។

បើតាមមន្ត្រីដែលប្រចាំការនៅប៉ុស្ដិ៍បានឲ្យដឹងថាយុវជនទាំងពីរនាក់ខាងលើមានឈ្មោះ ថាយ ប៉ូលី ភេទប្រុស អាយុ ២៤ឆ្នាំ មុខរបរ បើកបរ ស្នាក់នៅសង្កាត់ចោមចៅ ខណ្ឌពោធិ៍សែនជ័យ ស្រុកកំណើតភូមិព្រៃពុក ឃុំព្រៃញាតិ ស្រុកកងពិសី ខេត្តកំពង់ស្ពឺ និងទី២ ឈ្មោះ ញេ សុអឿន ភេទប្រុស អាយុ ១៧ឆ្នាំ មុខរបរ រោងចក្រ ស្នាក់នៅនិងស្រុកកំណើត សង្កាត់ចោមចៅ ខណ្ឌពោធិ៍សែនជ័យ។

បច្ចុប្បន្នជនសង្ស័យទាំង២នាក់ ត្រូវបានសមត្ថកិច្ចកសាងសំណុំរឿង បញ្ជូនខ្លួនទៅកាន់អធិការដ្ឋាននគរបាលខណ្ឌសែនសុខ រង់ចាំការចាត់ការតាមនីតិវិធីច្បាប់៕

គ្រឿងញៀនរា

គ្រឿងញៀន

គ្រឿងញៀន